Од суштинско значење е да се заврши фекалната канализација од местото Триангла, од каде што доаѓам и јас. Претходната владата на ВМРО-ДПМНЕ реализираше две фази на атмосферска канализација во мојата населба, но остана третата фаза и тука се четири улици кои не се опфатени со атмосферската канализација во кои што е и мојата улица, изјави Жаклина Пешевска, пратеничка од ВМРО-ДПМНЕ, на денешната комисиска расправа за финансирање и буџет.
Таа додаде дека не се бори за решавање на овој проблем затоа што таму таа живее, туку поради тоа што жителите од овој крај имаат проблем, односно како што речи таа куќите во кои живеат жителите на ова населено место се наоѓаат испод нивото на атмосферската канализација и имаат проблеми при поројни дождови.
Пешевска апелираше до министерот Тевдовски да се прифати овој амандман.
Поврзани вести
Пешевска до Маричиќ: Да имаше срам и трошка достоинство, немаше да бидеш во политика, а камоли Вице-премиер за Евроинтеграции!
Пешевска: Жените од ВМРО-ДПМНЕ со силна поддршка за Мицкоски
