На денешната јавна седница на Апелациониот суд во Скопје судиите одлучија пратеничката Жаклина Пешевска да остане во куќен притвор.
Седницата се одржа по жалбата на пратеничката од ВМРО-ДПМНЕ, која се жалеше на одлуката на кривичниот суд да ѝ биде продолжен куќниот притвор за учество во настаните во Собранието на 27 април минатата година. Таа на денешната седница се произнесе дека не е виновна и бараше да ѝ се укине куќниот притвор.
-Не сум сторила тероризам, не сум ја загрозила безбедноста на македонскиот народ. Со моето апсење повредени се законот и Уставот. За полицијата не важеше мојот пратенички имунитет. Ме држеа 16 часа со лисици на рацете, рече Пешевска.
Нејзиниот адвокат, Боро Тасевски, рече дека решението на Кривичниот суд за куќниот притвор не содржи факти и докази.
Поврзани вести
Пешевска до Маричиќ: Да имаше срам и трошка достоинство, немаше да бидеш во политика, а камоли Вице-премиер за Евроинтеграции!
Пешевска: Жените од ВМРО-ДПМНЕ со силна поддршка за Мицкоски
