Со над два милиони фанови на социјалните мрежи, оваа фитнес блогерка беше идеал за убавина на многумина.
Тогаш забремени, па бројот на фанови се намали, а критиките станаа жестоки. Причината за тоа ќе ве изнервира.
Емили Скај е фитнес блогерка од Австралија која во декември роди бебе. Во бременоста доби 10 килограми вишок, но тоа не е нејзиниот најголем проблем. Имала здравствени проблеми, па морала да престане и да вежба.
Со оглед на фактот дека Емили заработуваше објавувајќи слики од нејзиното совршено тело, сите се изненадија кога видоа дека таа собра храброст да објави како изгледа денес.
Беше мета на бројни критики и навреди, па реши да одговори на истите.
-Идејата за експресно враќање во форма е нереална. За тоа треба многу време, упорност и трпение. Мојот стомак виси, имам вишок кожа, целулит, стрии. Мускулите ги изгубив, ама еве почнав да вежбам и да внимавам на исхраната. Мајчинството ме промени на многу нивоа. Некои промени се позитивни, а некои негативни. Се трудам да се фокусирам на позитивните работи и на тоа што можам да го контролирам.. Вежбам и се хранам здраво. Многумина ми кажаа дека моето тело е “уништено“ и дека “никогаш нема да се вратам на старо“. Им порачувам дека телото ќе го направам подобро од што некогаш ми беше. Најважна сила е менталната сила, а јас тука сум посилна од било кога. Да, пак ќе бидам силна и згодна. Само гледајте ме или подобро-придружете ми се, порача таа.