И пред изборите и после изборите се продолжи со ветувања кон граѓаните за справување со состојбата со КОВИД-19, како изјавата од 7 август годинава во која власта велеше дека се подготвени и ќе се отварат 16 мини инфективни одделенија, каде се тие 16 мини инфективни одделенија сега? – праша доктор Игор Николов вечерва на Алфа телевизија.
Тој вели дека сега власта носи ад-хок одлуки за пренаменување на одредени згради и други одделенија или спратови кои се пренаменети како КОВИД центри, а ги нема ветените мини инфективни одделенија.
Каде се брзите тестови коишто требаше да стигнат до сега, персоналот е изложен на голем ризик , ние сме земја во која што од 6,000 доктори имаме потвдени 1, 380 заразени здравствени работници, вели доктор Николов.