Тајванското Министерство за одбрана соопштило дека 27 кинески борбени авиони влегле во воздушниот простор на нивната земја. Станува збор за борбени авиони од типот “J-11”, “J-16” и “SU-30”.
Поради влегувањето на кинеските авиони во зоната на противвоздушна одбрана, Тајван ги кренал своите борбени авиони, јавува тајванското Министерство за одбрана.
Тајван, кој Кина го смета за своја територија, рекол дека пратил авиони и распоредил ракетни системи за “следење на кинеските активности” во својата идентификациска зона на противвоздушна одбрана.
Да потсетиме, Кина најавила остар одговор по вчерашната посета на Ненси Пелоси, претседателка на Претставничкиот дом на американскиот Конгрес.
