Живот и стил – Kurir.mk

„Нејшнал џиографик“: „Најкул“ дестинации за 2024 година

Катерина Бојаџиева — Fri, 03 Nov 2023 17:41:42 +0000

Со оглед на тоа дека 2024 година е „пред портите“, туристичките списанија и агенции ги истакнуваат новите препораки за патувања. Така, и „Нејшнал џиографик“ (National Geographic) ја објави својата топ-30 листа „најкул“ дестинации за следнава година. На списокот, Европа доминира со 13 места за авантуристичко патување. На првото место се Албанските Алпи, попознати како Проклетије - планински масив во северна Албанија и источна Црна Гора. „Познати, прилично застрашувачко, како 'Проклетите Планини', ова царство остри карстни врвови е сон на планинарите, каде што рисовите талкаат по шумите од смрека, а дивите цвеќиња ги покриваат долините“, се вели во новиот напис. Следат Белфаст, Емилија-Ромања, Нордланд, мексиканскиот полуостров Јукатан, Сиким во Индија, со прекрасен поглед на Хималаите, па австралиска Викторија итн. Редоследно, „најкул“ туристички места во Европа се: Проклетие, Албанија; Белфаст, Северна Ирска; Емилија-Ромања, Италија; Галовеј и Јужен Ершир, Шкотска; Нордланд, Норвешка; Северен Јоркшир, Англија; Помпеја, Италија; Саима, Финска; Тарту, Естонија; Валета, Малта; Велс и Дивиот Атлантски Пат или Вајлд Атлантик Веј, во Ирска.

Совети за помалку стрес и понизок крвен притисок

Тале Кристо — Fri, 03 Nov 2023 16:34:21 +0000

При висок крвен притисок, неминовно следи грижата за здрав животен стил, пред сѐ - со помалку извори на стрес и поволна исхрана. Има повеќе начини за едноставно и брзо намалување на притисокот. Основниот совет сепак, гласи - никогаш да не се крие притисокот од лекарите бидејќи тоа може да го попречи и / или одложи потребниот третман и да доведе до посериозни здравствени проблеми. Натаму, според „Харвард хелт паблишинг“ (Harvard Health Publishing), една од најпознатите методи за намалување на стресот е длабокото дишење. Рамномерното бавно длабоко вдишување и издишување во траење околу 15 минути на ден е доволно за намалување на крвниот притисок. Сокот од цвекло, исто така, е полезен. Тоа содржи нитрат којшто ги шири крвните садови и го подобрува протокот на крв во човековото тело. Дневниот внос во исхраната би требало да е 250 милилитри сок од цвекло, според стручњаците. Бананите, пак, се богати со калиум, а тоа е електролит и има важна улога кога станува збор за крвотокот и отчукувањата на срцето. При чувство на висок крвен притисок, следниот совет гласи - испијте чаша вода. Според лекарите, општо, се препорачуваат барем 10 чаши вода дневно. И брзото пешачење може да помогне во намалувањето на крвниот притисок, но за да се постигне тоа, треба да се пешачи најмалку 15 минути. Инаку, најмалку 30 минути физичка активност, пет дена во неделата, може да го намали севкупниот крвен притисок. Сѐ тоа го надополнуваат одморот и попладневната дремка, коишто го забавуваат срцевиот ритам, што може да биде особено корисно, на пр., пред лекарска проверка на крвниот притисок.

Денеска е Преподобен Иларион Велики

Ивона Петрова — Fri, 03 Nov 2023 06:18:31 +0000

Денеска е Преподобен Иларион Велики Како што розите растат на трнливо стебло така и овој прекрасен светител се роди од родители незнабожци, во селото Тавата близу Газа Палестинска. Родителите го дадоа на науки во Александрија, каде што како надарено момче брзо ја прими и светската ученост и духовната мудрост. Штом Го позна Христа и се крсти, посака целосно да Му се предаде на служба на Господа. Со таа желба во срцето Иларион појде и го посети Св. Антониј во пустината и стана негов ученик. Потоа се врати во својата татковина и се подвизуваше близу Мајум, кај Газа. Демоните го плашеа со разни застрашувања, но со молитва кон Бога и со знакот на крстот постојано ги победуваше и ги изгонуваше. Околу него се собраа мноштво љубители на духовниот живот и за Палестина Св. Иларион стана она што за Египет беше Св. Антониј. Како Божествен учител, нерасслаблив подвижник, прекрасен чудотворец, Иларион беше уважуван не само од христијаните туку и од незнабожците. Но плашејќи се од човечките пофалби и говорејќи си со плач: „Тешко мене, ја примив на земјата својата плата!“, тој бегаше од место во место само за да се скрие од луѓето и да остане сам со својата душа и со Бога. Така се населуваше и извесно време живееше во Мисир, во Сицилија, во Далмација и најпосле на Кипар, каде што го заврши својот земен живот околу 372 година, кога имаше осумдесет години . Неговиот ученик Исихиј чудотворните мошти на Св. Иларион ги пренесе во Палестина и ги положи во манастирот што го основаше тој. Тропар Горостасу на Божјата благодат, чие име е запишано на Небесата, жив саду кој милост Христова источуваш, преку тебе злонавидникот во прашина преминува, оче Иларионе преподобен. Жителу пустински, моли се срцето наше – градина Негова да постане, тебе величајќи те и од Спасителот прошка добивајќи, по твоите свети молитви.

Календар на МПЦ: Утре се празнуваат овие светители

Катерина Бојаџиева — Thu, 02 Nov 2023 20:20:50 +0000

Преподобен Иларион Велики Како што розите растат на трнливо стебло така и овој прекрасен светител се роди од родители незнабожци, во селото Тавата близу Газа Палестинска. Родителите го дадоа на науки во Александрија, каде што како надарено момче брзо ја прими и светската ученост и духовната мудрост. Штом Го позна Христа и се крсти, посака целосно да Му се предаде на служба на Господа. Со таа желба во срцето Иларион појде и го посети Св. Антониј во пустината и стана негов ученик. Потоа се врати во својата татковина и се подвизуваше близу Мајум, кај Газа. Демоните го плашеа со разни застрашувања, но со молитва кон Бога и со знакот на крстот постојано ги победуваше и ги изгонуваше. Околу него се собраа мноштво љубители на духовниот живот и за Палестина Св. Иларион стана она што за Египет беше Св. Антониј. Како Божествен учител, нерасслаблив подвижник, прекрасен чудотворец, Иларион беше уважуван не само од христијаните туку и од незнабожците. Но плашејќи се од човечките пофалби и говорејќи си со плач: „Тешко мене, ја примив на земјата својата плата!“, тој бегаше од место во место само за да се скрие од луѓето и да остане сам со својата душа и со Бога. Така се населуваше и извесно време живееше во Мисир, во Сицилија, во Далмација и најпосле на Кипар, каде што го заврши својот земен живот околу 372 година, кога имаше осумдесет години . Неговиот ученик Исихиј чудотворните мошти на Св. Иларион ги пренесе во Палестина и ги положи во манастирот што го основаше тој. Тропар Горостасу на Божјата благодат, чие име е запишано на Небесата, жив саду кој милост Христова источуваш, преку тебе злонавидникот во прашина преминува, оче Иларионе преподобен. Жителу пустински, моли се срцето наше – градина Негова да постане, тебе величајќи те и од Спасителот прошка добивајќи, по твоите свети молитви. Свети Иларион Мегленски Роден е од угледни и побожни родители. Неговата бездетна мајка долго Му се молеше на Бога да ? даде едно дете и по нејзините молитви ? се јави Пресвета Богородица и ја утеши со зборовите: „Не тагувај, ќе родиш син и тој многумина ќе обрати кон светлоста на вистината.“ Кога Иларион имаше три години, од неговите усни непрестајно се слушаше песната: „Свјат, Свјат, Свјат Господ Саваот!“ Добро школуван, тој се замонаши во својата осумнаесетта година и основа манастир со типикот на Св. Пахомиј. Трновскиот архиепископ Евстатиј во 1134 година го ракоположи за епископ Мегленски. Св. Иларион речиси сиот живот водеше голема борба против богомилите и против ерменските еретици. Но со својата духовна ученост и со својата светост неспоредливо ги посрами сите и мнозина од нив ги приведе кон Православието. Се упокои мирно во Господ во 1164 година. Тропар Откако се јави како чудо на уверувањето, си засветлил со делата на Божјите добродетели; си ги водел монашките заедници, си ги исчистил архиерејските седишта; откако не се поколеба од еретичките напади, си ја воздигнал Црквата Христова, преподобен Иларионе. Откако умре спиејќи, твоето тело остана сочувано цело и нераспадливо, и дава исцеленија на болни од разни болести, и прогонува демони. Поради ова те молиме: Моли се, да се спасат душите наши. Кондак Како светлоносен се покажа твојот спомен, архиереју, го растера мракот на очајанието, и блесна светлината на небесните дарови, сите на радост повикувајќи ги, зашто си примил благодат од Бога, Иларионе, и си бил скала на монасите. Преподобен Филотеј Роден е во Хрисопол во Македонија. Турците го грабнаа од мајка му којашто беше вдовица и заедно со уште еден негов брат ги фрлија во затвор. Од затворот чудесно ги спаси Пресвета Богородица и ги пренесе во еден манастир во Неаполис Малоазиски. Подоцна неговата мајка ги најде своите синови како монаси, па и самата се замонаши. Филотеј премина на Света Гора, каде што се подвизуваше најпрво во манастирот Дионисијат, а потоа во пустина. Беше чудесен подвижник и победник над демонската сила. Се упокои мирно во осумдесет и четвртата година од својот живот. Нареди да не го погребуваат, но да го фрлат неговото тело на шумските ѕверови и птици. Подоцна ноќе еден рибар виде некоја голема светлина во шумата и бидејќи беше премрзнат појде за да се огрее, зашто мислеше дека е оган. Но светлината доаѓаше од чудотворните мошти на Св. Филотеј. Тропар Чествување денес воздаваме на светиот подвижнички живот твој, о Филотее, оче преподобен, и Господа Бога Го прославуваме, Кој ни го откри смиреното твое живеење, кое Небеса достигна во слава Негова. Закрилен од Богомајката и денес моли се мир да најдеме за душите наши во Христа Господа.

Како песничките влијаат на говорниот развој кај бебето?

Катерина Бојаџиева — Thu, 02 Nov 2023 15:04:03 +0000

Песничките што возрасните им ги пејат на бебињата и тоа како малечките реагираат на ритамот и движењата, има влијание врз говорниот и јазичен развој на детето, според ново истражување спроведено во Универзитетот на Виена во Австрија. Музиката игра важна улога во секојдневниот живот на луѓето уште од рана возраст. Поаѓајќи од тоа, научниците си го поставија прашањето - како новороденчињата реагираат на различните ритми на песните што нивните родители им ги пејат и какви последици има перцепцијата и обработката на овие ритми врз развојот на говорот? Во испитувањето, мајките им пееле две познати детски песни на своите седуммесечни бебиња - „приспивна“ и „весела“. Мозочната активност на бебињата притоа била мерена со електроенцефалографија (ЕЕГ). Биле бележани и ритмичките движења на бебињата (на пр. лулањето и слично). Кога овие деца навршиле 20 месеци, родителите одговараа на прашања околу речитоста на нивните деца. Сѐ на сѐ, на бебињата им било полесно да ја следат „приспивната“ песна. Но, бебето покажува повеќе ритмички движења додека ја слуша „веселата“ песничка. Занимливо е што само „веселата“ - во комбинација со ритмичките движења позитивно влијаат на речникот на децата на 20-месечна возраст, според начниот труд. Натамошните испитувања, според истражувачите, ќе се насочат кон развојот на повеќе интервентни програми за подобрување на музичката интеракција меѓу родителите и бебињата, како и умствено-јазичниот развој на децата во нивната најрана возраст.

Комарците убиваат најмногу луѓе на светско ниво, на второ место е човекот, а на трето змиите

Катерина Бојаџиева — Thu, 02 Nov 2023 14:43:01 +0000

Комарците убиваат најголем број луѓе во светот секоја година. Следи топ-листата на животни кои директно или индиректно усмртуваат најмногу луѓе. Како што пренесува порталот „Кликс“, комарците се причината за смртта на околу 725.000 лица годишно, во просек. Овој инсект пренесува маларија, Зика-вирус, западнонилска треска и повеќе други опасни или смртоносни болести. Зад комарецот е човекот. Просечно, по 400.000 луѓе во една година се убиени од човек. Змиите, статистички, се „помалку опасни“ - тие годишно убиваат околу 138.000 луѓе. Според Светската здравствена организација - СЗО, во светот има над 600 видови отровни змии, но само 200 од нив се опасни за луѓето. Кралската кобра е една од нив. Кучињата годишно убиваат по 59.000 луѓе, главно со пренесување на болеста беснило. Ова е особено голем проблем во Азија, Африка и Средна и Јужна Америка. Следни на списокот се тн. грабливи стеници (лат.: Reduviidae), со околу 10.000 усмртени лица, скорпиите коишто усмртуваат 3.300 лица, крокодилите (1.000), слоновите (600), нилските коњи (500) и лавовите (200 убиени луѓе годишно).

Истражување: Затворањата и ограничувањата за време на пандемијата оставија трајни ефекти врз мозокот на луѓето постари од 50 години

Ивана Ефремовски — Thu, 02 Nov 2023 13:44:17 +0000

Затворањата и ограничувањата воведени за време на пандемијата имаа „навистина трајни ефекти“ врз здравјето на мозокот на луѓето над 50 години, сугерира истражување. Студијата покажа дека когнитивната функција и работната меморија кај постарите луѓе брзо опаѓале за време на пандемијата, без оглед на тоа дали биле заразени со Ковид-19. Истражувачите велат дека ова може да се должи на фактори влошени од пандемијата, како што се недоволно вежбање и пиење премногу алкохол, како и осаменост и депресија. Тим составен од истражувачи од Универзитетот во Ексетер во Обединетото Кралство и Институтот за психијатрија, психологија и невронаука (IoPPN) на Кралскиот колеџ во Лондон ги анализираше тестовите за функцијата на мозокот на 3.142 луѓе кои учествуваа во студијата Protect, која првично беше лансирана во 2014 година, за да добиете увид во мозочните функции на луѓето над 40 години во период од 25 години. Луѓето вклучени во истражувањето се на возраст меѓу 50 и 90 години и живеат во Обединетото Кралство. Тимот ги разгледа податоците од март 2019 и февруари 2020 година, споредувајќи ги со податоците собрани во текот на првата (март 2020 до февруари 2021 година) и втората (март 2021 до февруари 2022 година) години на пандемијата. Анализата покажа дека стапката на когнитивно опаѓање се забрза во првата година од пандемијата и беше поголема кај оние кои веќе покажуваа знаци на благ когнитивен пад пред избувнувањето на Ковид-19. Моделот продолжи и во втората година од пандемијата, за која истражувачите велат дека сугерира перформанси по првичните национални исклучувања во 2020 и 2021 година. Ен Корбет, професор по истражување за деменција и водач на студијата Protect на Универзитетот во Ексетер, рече: „Нашите наоди сугерираат дека заклучувањето и другите ограничувања што ги доживеавме за време на пандемијата имаа вистински долгорочен ефект врз здравјето на мозокот кај луѓето на возраст 50 и повеќе, дури и по затворањето. (МИА)

Денека е Светиот великомаченик Артемиј

Ивона Петрова — Thu, 02 Nov 2023 06:10:47 +0000

Овој славен светител беше родум Мисирец и прв војвода на царот Константин Велики. Кога на царот Константин му се јави победоносниот крст, поверува во Господ Исус Христос и се крсти. Подоцна, во времето на царот Констанциј овој цар го испрати Артемиј во Елада за да ги пренесе моштите на Св. Андреј од Патрас и на Св. Лука од Тива во Цариград, а ова војводата Артемиј го изврши со радост. Потоа беше поставен за августалиј и царски намесник во Мисир и во овој чин остана и во времето на Конастанциј, Константиновиот син, а извесно време и при Јулијан Отстапник. Кога овој богоотстапен цар тргна во војна со Персијанците, запре во Антиохија и му нареди и на Артемиј да дојде со својата војска во Антиохија. Артемиј дојде. Во тоа време царот удри на маки двајца христијански свештеници, Евгениј и Макариј. Кога го виде тоа Артемиј се возмути со сето срце и излезе пред царот и му рече: „Зошто цару толку нечовечно ги мачиш невините и на Бога посветени мажи и зошто ги присилуваш да се откажат од верата православна?“ И уште Артемиј му прорече на царот: „Твојата погибел е близу.“ Разјарен царот ги испрати оние двајца чесни свештеници на прогонство во Арабија, каде што набрзо се упокоија, а војводата Атемиј го расчини и нареди да го растргнуваат и бијат. Сиот ранет и раскрвавен Артемиј го фрлија во затвор, каде што му се јави Самиот Господ Исус Христос, Кој го исцели и го утеши. Потоа царот нареди, та го спростреа на еден камен, а со друг тежок камен го притиснаа така што телото на Артемиј го здробија и го сплескаа како штица. Најпосле му ја отсекоа главата во 362 година. А царот Јулијан отиде на бој против Персијанците и срамно загина, како што му прорече Св. Артемиј.

Календар на МПЦ: Утре се празнуваат овие светители

Катерина Бојаџиева — Wed, 01 Nov 2023 22:00:07 +0000

Светиот великомаченик Артемиј Овој славен светител беше родум Мисирец и прв војвода на царот Константин Велики. Кога на царот Константин му се јави победоносниот крст, поверува во Господ Исус Христос и се крсти. Подоцна, во времето на царот Констанциј овој цар го испрати Артемиј во Елада за да ги пренесе моштите на Св. Андреј од Патрас и на Св. Лука од Тива во Цариград, а ова војводата Артемиј го изврши со радост. Потоа беше поставен за августалиј и царски намесник во Мисир и во овој чин остана и во времето на Конастанциј, Константиновиот син, а извесно време и при Јулијан Отстапник. Кога овој богоотстапен цар тргна во војна со Персијанците, запре во Антиохија и му нареди и на Артемиј да дојде со својата војска во Антиохија. Артемиј дојде. Во тоа време царот удри на маки двајца христијански свештеници, Евгениј и Макариј. Кога го виде тоа Артемиј се возмути со сето срце и излезе пред царот и му рече: „Зошто цару толку нечовечно ги мачиш невините и на Бога посветени мажи и зошто ги присилуваш да се откажат од верата православна?“ И уште Артемиј му прорече на царот: „Твојата погибел е близу.“ Разјарен царот ги испрати оние двајца чесни свештеници на прогонство во Арабија, каде што набрзо се упокоија, а војводата Атемиј го расчини и нареди да го растргнуваат и бијат. Сиот ранет и раскрвавен Артемиј го фрлија во затвор, каде што му се јави Самиот Господ Исус Христос, Кој го исцели и го утеши. Потоа царот нареди, та го спростреа на еден камен, а со друг тежок камен го притиснаа така што телото на Артемиј го здробија и го сплескаа како штица. Најпосле му ја отсекоа главата во 362 година. А царот Јулијан отиде на бој против Персијанците и срамно загина, како што му прорече Св. Артемиј. Тропар О, величенствено смирение, о, послушание свето пред Бога принесено, на твоите трудови се восхитуваме, свети Артемие великомачениче, а преку тебе името Христово го величаме, кој има таков воин во свитата Своја. Душата твоја од Духот Свети запалена и прочистена, телото го предаде да сведочи за бесмртноста, а таа остана да лекува немоќи наши до века, сведочејќи дека Љубовта на Галилеецот победува. Моли се, великомачениче, телесниот човек да го соблечеме, а духовниот да порасне по мерката Христова. Светиот праведен Артемиј Роден е во 1532 година. Син на руски селани, Козма и Аполинарија, од селото Веркол, во Дивинскиот округ. Уште од петтата година се разликуваше од другите деца со својата необична побожност и кротост. Кога имаше тринаесет години како момченце одеше по својот татко низ некоја голема шума. Од силна бура и невреме Артемиј умре во шумата и неговиот нажален татко не можејќи да копа гроб го покри телото со гранки и замина. По дваесет и осум години некој човек виде во таа шума необична светлина, ? пријде и го најде нераспаднато и нетлено телото Артемиево. Многумина болни се исцелуваа докоснувајќи се до телото на Свети Артемиј. Неговите свети мошти почиваат во еден манастир близу Пинега во Архангелската губернија. Тропар По милоста Твоја Господи, чудеса пројави во човека, покажувајќи дека љубовта Твоја е над смртта и вечноста над телесната минливост, во праведното дете Артемиј, кое доаѓајќи при Тебе, со нас остана преку нетлените мошти негови. Во твоја слава, Христе Боже, а преку неговото застапништво, спаси ги нашите души. Преподобен Герасим Нови Од Трикали во Пелопонез, од славната фамилија Нотарас. Роден е во 1509 година. Се подвизуваше на Атон, потоа во Палестина, каде што постеше четириесет дена. Потоа се насели на островот Кефалонија, каде што основа еден женски манастир. Со молитва низведуваше дожд, исцелуваше болни и проѕираше во иднината. Се упокои во Господ на 15 август 1579 година. Чудотворец за време на животот и после смртта. Тропар Да го пофалиме, верни, божествениот Герасим, новојавениот наш богоносен чудотворец, ангел во тело, на православните заштитник, кој достојно прими од Бога дар на исцеление, ги лечи раслабените, од демонот поробените. Затоа сите кои него го почитуваат наоѓаат исцеление. Преподобниот маченик Игнатиј Од Ески-Загора во Бугарија, од онаа славна Загора којашто на Црквата Божја ? даде многубројни свети подвижници и маченици. Се подвизуваше во Скитот на Свети Јован Предвесник на Атон. Драговолно им се предаде на Турците на мачење заради Христа . Го обесија во Цариград на 8 октомври 1814 година. Моштите му се чудтворни. Неговата глава се чува чесно во манастирот на Св. Пантелејмон. Тропар Блажен си ти, Игнатие, на кого Христос беше поткрепа, а Богомајката Атонска закрила. На пат кој кон живот води беше упатен, благодатно од горостаси искусни поучен, пример од браќа во срце пламен разгоре, и ти поита да го прославиш маченички Неговото име. Затоа за нас моли се пред Оној Кој те ободри и венец страдалнички ти подари. Преподобен Гаврил Ургебадзе На 22 февруари 2014 година, во женскиот манастир Самтавро (Мцхет, Грузија) беше извршено ексхумирање на моштите на преподобниот Старец, исповедник и чудотворец Гаврил (Ургебадзе). Седумнаесет години по неговото упокојување, на 20 декември 2012 година Старец Гаврил е вброен во светителите на Грузиската Црква. Светител кој околу вратот носел табла на која пишувало: „Човек без љубов е како стомна без дно“. Желбата за монаштво кај него се јавила уште во раната младост. Монашкиот завет го дал на свои 26 години. Покажувајќи го својот револт кон безбожничкиот режим, запалил огромен портрет на Ленин. По ова бил затворен, а му се случувале и полоши работи: епископите не му давале да служи и немал можност да се причестува. Подоцна го прогласиле и за луд. Ова смирено го прифатил и оттогаш станал јуродив. Со тоа се прикривал секогаш кога ќе направел добро дело, понекогаш преправајќи се дека е пијан. Спиел во јама, а некое време живеел и во кокошарник. Кога завршило времето на прогон на христијаните и кога во луѓето почнала да се раѓа желбата за духовното, многумина почнале да доаѓаат кај јеромонахот Гаврил за духовен совет. Тој станал Старец и духовник на многу луѓе, вклучувајќи ги и монахињите од еден женски манастир. Манастирот во кој живеел е посветен на Господовото Преображение, каде воедно се наоѓаат и моштите на света рамноапостолна Нина. Првпат дошол во Самтаврискиот манастир на 12-годишна возраст. Монасите го примиле, но не му дозволиле да остане. На манастирските порти цела ноќ ? се молел на Мајката Божја да го прими во манастирот. По многу години неговата молитва била услишена. Погребан е на местото каде се молела света Нина.

ФОТО: Црниот лак останува број еден, есенски маникир кои ќе освојува оваа година

Ивона Петрова — Wed, 01 Nov 2023 12:56:21 +0000

Иако секој ден се појавуваат нови трендовски маникир, често се навраќаме на оние испробани и вистински основни бои. Не случајно оваа година се враќа типичната есенска боја, длабоко црвената. И црниот лак стана еден од класиците во последниве години. Некогаш тешка алтернатива и боја резервирана за готски девојки, панк девојки, сега го најде својот дом во рацете на „шминкерите“ или барем на т.н. обични жени и покажа колку навистина е елегантен.