Сцена – Kurir.mk

ПОЛИЦИЈАТА ЈА ОДНЕСЕ КАЛИОПИ ВО ПОЛИЦИСКА СТАНИЦА НА РАСПИТ – концертот прекинат, салата се испразни по ГОЛЕМАТА ТРАГЕДИЈА!

Дарко Андоновски — Sat, 04 Nov 2023 20:47:55 +0000

Вечерва на концертот на македонската пејачка во Белград Калиопи почина жена на која претходно и се слошило. Според српските медиуми во овие моменти нашата пејачка ја однела полицијата во станица за да биде сослушана. Претходно брзата помош не можела да ја спаси и реанимира жената која изгубила свест, па починала во преполната сала.

ВЕЧЕРВА ТРАГЕДИЈА НА КОНЦЕРТОТ НА КАЛИОПИ ВО БЕЛГРАД: Жена од публиката починала, македонската пејачка во солзи – молк во салата!

Дарко Андоновски — Sat, 04 Nov 2023 20:24:42 +0000

Пејачката Калиопи мораше да го прекине концертот кој требаше да се одржи во салата МТС во Белград. Како што пишуваат српските медиуми, на непознатата жена на возраст од околу 70 години ненадејно и се слошило, а присутните сведочат дека морале веднаш да го напуштат просторот. Српските медиуми известуваат дека жената починала, а итната помош не можела да помогне дури ни со реанимација. Полицијата е на лице место и вши увид.

ЌЕ ВИ СЕ СКРШИ СРЦЕТО ОД ТЕКСТОТ – со оваа песна е погребан Метју Пери, гробиштата се наоѓаат спроти студиото каде се снимаше „Пријатели“ (ВИДЕО)

Дарко Андоновски — Sat, 04 Nov 2023 18:02:54 +0000

Најблиската фамилија и дел од пријателите на Метју Пери се собраа во петокот на погребот на актерот, кој се одржа во Меморијалниот парк Форест Лон во Лос Анџелес во близина на студиото „Ворнер Брос“, изјави извор за People, додавајќи дека актерската екипа на „Пријатели“ исто така присуствувала на церемонијата. Изворот наведува и дека погребот започнал во 15 часот, а завршил во 17 часот. Гробиштата се спроти студиото на Ворнер Брос, каде што десет сезони се снимаше „Пријатели“ и се вечно почивалиште на многу други познати ѕвезди. Церемонијата заврши со изведба на песната „Не се откажувај“ од Питер Габриел. Текстот на песната со која беше погребан легендарниот Чендлер е многу симболичен и во овие моменти навистина го крши срцето.

ВИДЕО: Погребан е актерот Метју Пери, го испратија колегите од „Пријатели“

Тале Кристо — Sat, 04 Nov 2023 11:23:24 +0000

Метју Пери е погребан. Најблиските пријатели и семејството на починатиот актер се собраа на интимна церемонија во Меморијалниот парк Forest Lawn во Лос Анџелес во близина на студиото Warner Bros. Заедно со бројни пријатели и членови на семејството, на погребот беа и колегите од „Пријатели“, Џенифер Анистон, Кортни Кокс, Лиза Кудроу, Мет Лебланк и Дејвид Швимер. Пери почина на 28 октомври на 54-годишна возраст во својот дом во Лос Анџелес. Тој бил пронајден мртов во неговото џакузи. Неделава беа објавени првите резултати од извештајот за токсикологија, кој потврди дека Метју Пери не конзумирал фентанил или метамфетамин, а во неговото тело нема никакви траги од овие недозволени супстанци. Првиот извештај, кој е помалку детален, засега исклучува предозирање со метамфетамин или фентанил како причина за смртта, пренесува TMZ. Целосниот токсиколошки извештај за Пери можеби нема да биде достапен со месеци и ќе открие дали Пери имал штетни количини на лекови во неговиот систем во моментот на смртта. Портпаролот на полициската управа во Лос Анџелес претходно потврди дека полицијата во неговиот дом не пронашла сомнителни супстанци, туку само лекови за кои имал лекарски рецепт.

Matthew Perry's family and friends have come together to farewell the actor.

The star's funeral was a small, private affair in Los Angeles with mourners told of a new foundation set up in his honour. @jekearsley #9News pic.twitter.com/9wFE2CtvUz
— 9News Australia (@9NewsAUS) November 4, 2023

Ал Пачино наводно се согласил на Нур Алфала да ѝ плаќа 30.000 долари месечно за нивното заедничко дете

Катерина Бојаџиева — Fri, 03 Nov 2023 17:15:34 +0000

По гласините дека Ал Пачино и Нур Алфала се разделиле, јавноста сега дознава оти познатиот глумец се согласил на неговата партнерка да ѝ плаќа 30.000 долари месечно за грижа на нивното петмесечно бебе, објави „Ти-ем-зи“ (TMZ). Тоа, за 83-годишниот глумец, е само почеток, се чини. Првичните податоци говорат дека 54 години помладата Нур ќе добие и аванс од 110.000 долари, како дополнение на основните 30.000 секој месец. Пачино ќе плаќа и за образованието на детето, при што парите ќе одат на сметката за образование... Се говори и за други трошоци. Западните медиуми пишуваат дека двојката е разделена, а новопечената мајка поднела документи на Суд за детето да остане кај неа. Сепак, за „Дејли мејл“, член на семејството ги отфрли тие наводи, велејќи: „Тие сѐ уште се заедно“.

Фановите на „Битлси“ воодушевени, слушнете ја новата песна на легендарниот состав

Ивана Ефремовски — Fri, 03 Nov 2023 12:21:06 +0000

Новата и засега последна песна на легендарниот британски поп-рок состав „Битлс“ - „Now And Then“ (Сега и тогаш) за само 21 час по првичното објавување на платформата Јутјуб собра речиси 4,8 милиони прегледи. А, пристигнуваат и бројни реакции од обожавателите. Песната е првично снимена во облик на демо-снимка пред 45 години. Нецелосната трака е напишана и отпеана од Ленон во 1978 година, а минативе неколку месеци е довршена и дообликувана од Пол Макартни, Ринго Стар и вештачката интелигенција. Снимките на Макартни му ги подарила вдовицата на Ленон, Јоко Оно во 1994 година. Она што е највпечатливо и според преостанатите живи членови од „четворката од Ливерпул“ и според интернет-корисниците, е тоа како ВИ „го оживеа“ гласот на покојниот Ленон. - Ова е веројатно последната песна на „Битлс“ и - слушнете тука... Тоа е вистинска снимка на „Битлс“, нагласува 81-годишниот Пол Макартни во кратката видеопорака за најавата на меланхоличната „Now And Тhen“. Во новиот производ се мешаат звуците на пијано, сологитара и гудачки инструменти. Пол и Ринго во новата верзија вклучија и изведба со електрична и акустична гитара на покојниот Џорџ Харисон снимена 1995 година. (МИА)

ТАЖЕН И БЕЗ НАСМЕВКА НА ЛИЦЕТО – познатиот Џои за првпат во јавноста по смртта на Метју Пери (ФОТО)

Дарко Андоновски — Fri, 03 Nov 2023 11:52:42 +0000

Познатиот Мет Лебланк кој го глумеше Џои Трибиани во ситкомот „Пријатели“ е фотографиран за првпат во јавноста по смртта на Метју Пери. Чендлер Бинг и Џои беа цимери и фантастичен тандем на малите екрани, а нивното пријателство постоеше и надвор од камерите. Мет Лебланк се појавил во јавноста два дена откако се огласи во врска со смртта на Метју Пери, кого го сметал за член на своето семејство, заедно со остатокот од главната актерска екипа на „Пријатели“.

Matt LeBlanc spotted in L.A. after Matthew Perry's death, looking downcast. Friends fans mourn together. #MattLeBlanc #MatthewPerry #FriendsForever pic.twitter.com/zRUrLX4hCj
— olivers (@OliverS88776242) November 3, 2023

Актерот изгледаше крајно тажно, што може да се види на фотографиите кои ги објави „Дејли Мејл“. Во 2016 година, Лебланк изјавил за People, зборувајќи за неговото пријателство со Метју Пери, дека можат да поминат и пет години, а тие би влегле во просторија и со леснотија би ги започнале своите добро познати разговори.

Били Ајлиш се пофали со новата боја на косата, ја споредија со временската прогноза (ФОТО)

Дарко Андоновски — Fri, 03 Nov 2023 10:20:18 +0000

Били Ајлиш ја покажа својата нова боја на коса на Инстаграм Стори и стана вирален хит откако луѓето почнаа да ја задеваат дека нејзината коса сега наликува на временска карта. „Таа ја стави временската прогноза на нејзината глава“, напиша еден корисник на X, додека друг додаде: „Доаѓа бура“. Третиот напиша: „Изгледа како центарот на бурата на слика на радар“, проследено со бројни мемиња.

Billie Eilish via Instagram stories 💚❤💛 pic.twitter.com/MthhwSX7vk
— Gabriel !¡ (@goldeilishgirl) October 31, 2023

Инаку, пејачката е позната по тоа што сака често да го менува својот изглед, а на Инстаграм ја следат повеќе од 110 милиони луѓе.

Same energy pic.twitter.com/9slvivA4aE
— Nitu (@knitu7193) November 3, 2023

ЕДНИОТ ПОРАНЕШЕН И СЕ ЗАКАНИ ДЕКА ЌЕ ЈА УБИЕ, ПА СЕ СЛИКАШЕ СО ДРУГИОТ – Александра Младеновиќ не престанува да го провоцира опасниот Босанец (ФОТО)

Дарко Андоновски — Fri, 03 Nov 2023 09:35:10 +0000

Српската пејачка Александра Младеновиќ доживеа вистинска драма изминатава недела кога нејзиното поранешно момче и се закани дека ќе ја убие и ќе се самоубие по нивното раскинување. Медиумите објавија дека тој потоа дошол, викал и кршел во нејзиниот стан, а претходно и ги земал и парите и се коцкал со нив. А откако таа го пријавила во полиција, полицајците го чуваа нејзиниот стан и тој бил екстрадиран во Босна и Херцеговина и му е забранет влез во Србија. Сепак, пејачката немала лоши односи со сите поранешни момчиња во минатото, со некои останала дури и во пријателски односи, а следната фотографија е доказ за тоа. Младеновиќ била во друштво на Урош Живковиќ кој воедно и е колега на пејачката, но и поранешно момче. Таа во емисијата „Амиџи шоу“ откри дека би се смирила со Урош кој важи за пејач кој го посакуваат сите колешки на естрадата.

ТРОШИ КАКО ДА НЕ ПОСТОИ УТРЕ: Милица Павловиќ потрошила вртоглави 5.000 евра за новиот стајлинг (ФОТО)

Дарко Андоновски — Thu, 02 Nov 2023 14:16:10 +0000

Пејачката Милица Павловиќ гостуваше во емисијата „Амиџи шоу“ и по тој повод потрошила многу пари за нов стајлинг. Милица, која досега беше русокоса, се врати на старото јас и сега е повторно бринета, во која многумина првично се заљубија. За промена на бојата на косата, надградба и шминка платила околу 1.000 евра. За оваа прилика избрала црн комбинезон, а цената на ова парче облека чини дури 2.000 евра. За црна чанта „Сен Лоран“ платила околу 2.150 евра, па одвоила повеќе од 5.000 евра вкупно за на најдобар можен начин да и се претстави на публиката. Милица во споменатата емисија зборуваше за ново-стара боја на коса. – Се вратив на корените! Иако вечерва е Ноќта на вештерките, ова не е костим! (се смее) Сега ќе останам ваква, малку ми е огорчена – рече таа.