Фудбал – Kurir.mk

ПМФЛ: Работнички триумфално, Брера до бод против Воска

Бошко Тасиќ — Sat, 04 Nov 2023 17:04:48 +0000

По три последователни порази во ПМФЛ, Работнички се израдува на триумф откако со 1-0 го совлада Силекс, херој беше Деспотовски кој го постигна единствениот гол на мечот, Тиквеш со погодок на Ивановски во 91. минута дојде до реми од 2-2 против Гостивар. Тренерската смена во Работнички вроди со плод, тимот од Дебар Маало им се врати на победите откако на стадионот „Борис Трајковски“ во Маџари го совлада тимот на Силекс со минимални 1-0. Голот го постигна Стефан Деспотовски во 54. минута кој најдобро се снајде по еден корнер за домаќините. Во 69. минута Влатко Стојановски доби втор жолт картон. Работнички остана со фудбалер помалку. Силекс до крајот на мечот се обидуваше да го искористи тоа, но не успеаа. На крајот скопскиот тим се израдува на важен триумф за враќање на самодовербата. Вистинска драма имаше во Кавадарци каде Тиквеш и Гостивар одиграа нерешено 2-2. Гостиварци поведоа со гол на Абдула во 12. минута, а дваесетина минути подоцна беше покажан контроверзен пенал за гостите кој го реализираше Атиемен за 2-0. Во тие моменти на терен влезе и градоначалникот на Кавадарци, Митко Јанчев по што имаше неколкуминутен прекин на мечот.Тиквеш се врати во игра со гол на Сапхиу, a во судиското продолжение погоди Ивановски за реми од 2-2. Најмногу голови имаше Штип каде Македонија Ѓорче Петров славеше гостинска победа над Брегалница од 3-2. Гостите по првото полувреме водеа со убедливи 3-0 со голови на Мишевски, Стојков и Алији. Во вториот дел Брегалница преку Велкоски и Калпачки намали, но не успеа да постигне уште еден погодок и да избегне пораз. Брера ја продолжи серијата без победа. Денеска одигра 1-1 на гостувањето кај Воска. Двата гола беа постигнати во второто полувреме. Воска поведе со погодок на Јашаровски, но струмичани брзо дојдоа до изедначување преку Галевски. Резултати 13. коло: Брегалница - Македонија ЃП 2-3 Велкоски 50, Калпачки 54 - Мишевски 23, Стојков 26, Алији 44 Работнички - Силекс 1-0 Деспотовски 54 Тиквеш - Гостивар 2-2 Спахиу 38, Ивановски 90+1 - Абдула 12, Атиевмен 34 Воска - Брера 1-1 Јашароски 61 - Галевски 65 Утре Шкупи - Вардар Струга - Шкендија Табела: Шкупи 25, Шкендија 25, Струга 24, Силекс 20, Брера 16, Тиквеш 16, Работнички 16, Македонија ЃП 15, Гостивар 15, Брегалница 14, Воска 13, Вардар 11

Елмас стрелец во победата на Наполи над Салернитана

Дарко Андоновски — Sat, 04 Nov 2023 16:54:46 +0000

Наполи ја победи Салернитана со 2:0 на гостински терен во натпреварот од 11. коло во италијанската Серија А. Денешната победа на тимот на Руди Гарсија ја донесоа Џакомо Распадори (13. минута) и македонскиот фудбалски репрезентативец Елиф Елмас (82. минута). „Наполитанците“ се искачија на четвртото место во Серија А со 21 бод. Салернитана остана на дното на табелата со само четири освоени бода.

Милан за Тонали: Од медиумите дознавме дека е зависен од коцкање

Тале Кристо — Sat, 04 Nov 2023 14:55:17 +0000

Италијанскиот фудбалски клуб Милан ги отфрли шпекулациите дека биле свесни за проблемите на Сандро Тонали. Ден Ешворт, спортскиот директор на Њукасл, на кого Росонерите му го продадоа играчот од средниот ред за рекордни 70 милиони евра плус бонуси, вчера изјави дека му било тешко да шпекулира дали италијанскиот клуб бил свесен за зависноста на играчот од коцкање и последиците од таквите дејства. - За зависноста на Тонали првпат дознавме од медиумите. Не знаевме ништо друго, одговори Милан. Тонали поради обложувања на својот клуб кога настапуваше за Милан, неодамна доби 10-месечна суспензија од фудбалските натпревари. Од Њукасл најавија правна постапка.

ПСЖ победи на пет натпревари по ред, постигнувајќи по три гола на секој од нив

Тале Кристо — Sat, 04 Nov 2023 13:30:35 +0000

Францускиот фудбалски шампион Пари Сен-Жермен ја продолжи победничката серија која треа пет натпревари. Избраниците на Луис Енрике синоќа го совладаа Монпелје со 3:0 во 11. коло од Лига 1. Претходно ПСЖ ги победи Рен, Стразбур, Милан и Брест. На секој од овие натпревари парижаните постигнаа по три гола. Во следниот натпревар ПСЖ повторно ќе се сретне со Милан во Лигата на шампионите. Натпреварот ќе се одигра на 7 ноември во Милано.

Меси би можел да игра на Светското првенство во 2026 година

Тале Кристо — Sat, 04 Nov 2023 12:55:03 +0000

Аргентинскиот фудбалер Лионел Меси одговори на прашање за неговото учество на Светското првенство во 2026 година.

– Светско првенство 2026? Со оглед на возраста на која ќе бидам, изгледа тешко – но ќе видиме, го цитира Меси новинарот Фабрицио Романо.

Меси го имаше своето деби за репрезентацијата на Аргентина во август 2005 година на мечот против Унгарија. Вкупно, 36-годишниот напаѓач одигра 178 натпревари за националниот тим, постигна 106 гола и даде 56 асистенции.

Пред четири дена Меси беше прогласен за најдобар фудбалер на светот за минатата сезона и по осми пат ја освои Златната топка.

Интер Мајами се договори за трансферот на Суарез

Тале Кристо — Sat, 04 Nov 2023 12:18:57 +0000

Интер Мајами се договори за трансферот на напаѓачот на Гремио, Луис Суарез. Според „ESPN“, страните ги договориле сите детали од договорот, кој ќе биде официјализиран во јануари, кога напаѓачот ќе стане слободен агент. Претходно беше објавено дека 36-годишниот Уругваец сака да игра во истиот тим со Лионел Меси, Жорди Алба и Серхио Бускетс. Тие претходно заедно играа за Барселона. Суарез оваа сезона настапи на 46 натпревари во сите натпреварувања, постигнувајќи 19 голови и 16 асистенции.

Натпреварот со Реал на Барселона и донесе 7,6 милиони евра

Тале Кристо — Sat, 04 Nov 2023 11:16:35 +0000

Барселона речиси го повтори рекордот по приходи од „Ел класико“. Како што изјави за Каталонското радио потпретседателот за маркетинг на Барселона, Џули Гиу, последната средба со Реал (1:2) на Каталонците им донесе 7,6 милиони евра. Ова сума е рекорд за „Олимпискиот стадион“ каде се одржа натпреварот. Беше забележано и дека 7,6 милиони евра се повеќе од 60% од натпреварите на „Камп ноу“. Оваа бројка е и блиску до апсолутниот рекорд на Ел класико – 8,3 милиони евра. Најголемото дерби на шпанскиот фудбал минатиот викенд се одржа на „Олимпискиот Стадион“ попознат како „Монтжуик“, бидејќи стадионот на Барселона „Камп ноу“ се реновира.

Официјално Мајнц му го раскина договорот на Ел Гази поради ставовите за Палестина

Бошко Тасиќ — Sat, 04 Nov 2023 07:02:34 +0000

Екипата на Мајнц и официјално му го раскина договорот на холандскиот интернационалец, Анвар Ел Гази, поради неговите јавно искажани ставови со поддршка за Палестина. Откако фудбалерот првиот пат напиша објава на социјалните мрежи со осуда за Израел и поддршка за Палестина, тој беше суспендиран, но веднаш го избриша напишаното, а после една недела беше вратен во екипата. Сепак, тој повторно се јави на социјалните мрежи и напиша дека не се кае за напишаното и останува неговата отворена поддршка за палестинскиот народ. После ова следуваше експресна реакција на Мајнц, од каде му го раскинаа договорот и сега тој е слободен фудбалер. – “Мајнц го раскинува договорот со Ел Гази и одлуката стапува на сила веднаш. Клубот ја презеде оваа мерка како одговор на изјавите на фудбалерот на социјалните мрежи.“ – стои во соопштението на бундеслигашот. Веднаш одговори и фудбалерот, кој го напиша следново. – “Стојам за она што е исправно, макар тоа да значи и дека ќе останам сам. Губењето на моите животни приходи е ништо во споредба со пеколот кој го доживуваат невините во Газа.“

Сер Џим Ратклиф планира да му даде отказ на Тен Хаг

Бошко Тасиќ — Sat, 04 Nov 2023 07:00:07 +0000

Се очекува во скоро време „ѓаволите“ да дадат зелено светло за Сер Џим Ратклиф да купи 25% од акциите на клубот. Како дел од зделката, најбогатиот Британец ќе добие контрола над фудбалските операции и последните информации велат дека тој планира да го избрка Ерик тен Хаг, без разлика какви ќе бидат резултатите во следниот период. Џим Ратклиф сака да го именува Роберто Де Зерби за нов тренер, Италијанецот ќе треба да го промени стилот на игра на Манчестер јунајтед. 44 годишниот стратег често добива пофалби за работата на кормилото на Брајтон и партиите кои ги прикажуваат популарните „галеби“.

ФФМ одреди популарна цена на билетите за натпреварот против Англија

Бошко Тасиќ — Sat, 04 Nov 2023 06:58:19 +0000

Управниот одбор на македонската Федерација донесе едногласна одлука за износот на билетите за последниот квалификациски меч кој го играме на домашен терен против Англија. Македонија остана без шанси за пласман на Европското првенство по поразот кој го претрпе од Украина, но до крајот на квалификациите имаме уште два натпревари против големи великани. Најпрво ќе и гостувамен а Италија на средината на месец ноември, а на 20-ти истиот месец ќе ја пречекаме Англија на националната арена „Тодор Проески“. Новиот тревник ќе биде мотивација плус за нашите фудбалери да се прикажат во најдобро светло, но потстрек да бидат дел од натпреварот сега добиваат и фановите. ФФМ одреди популарна цена на билетите за овој натпревар, па истите ќе се движат од 300 до 500 денари.