Овој симптом често останува незабележан

Постојат неколку стандардни симптоми кои укажуваат дека нешто не е во ред со вашето срце.

Некои од нив се толку интензивни и забележливи, како болки во градите или неправилно чукање на срцето, додека други знаат да се „прикрадат“, а вие мислите дека тоа е само привремена состојба.

Еден од видливите знаци што укажува дека треба да направите ЕКГ и да посетите лекар е „знакот на Френк“. Што е тоа?

Знакот на Френк е друго име за наборот по должината на ушната школка, а го добил името по човекот кој го открил – д-р Сандер Френк.

Оваа појава лекарот ја забележал кај пациенти кои имале болки во градите и блокирање на коронарните артерии, а одредени студии покажале дека оваа бразда на увото е поврзана со зголемен ризик од срцеви заболувања.

Сепак, не паничете веднаш! Во некои случаи тоа е само естетски „знак“ на кожата, а поради губење на еластин и влакна во тој дел од телото се појавуваат брчки.

Меѓутоа, ако сте загрижени, најдобро е да посетите лекар и да го проверите здравјето на вашето срце.

И за да го намалите ризикот од срцеви заболувања, држете се до овие три работи за кои експертите велат дека се најважни:

Урамнотежена исхрана.

Редовна физичка активност.

Позитивни животни навики.