“Веќе со години сум личен тренер, а низ историјата на мојата фитнес кариера им помогнав на многу познати дами, но и на дами кои не ѝ се познати на јавноста да бидат во топ форма”, вели Холи Перкинс.
“Низ работата со клиентите, забележав нешто што можам да го наречам тренд – сите оние кои сакаат да ослабат, сакаат да вежбаат со тегови. Првата работа која треба да ја знаете е дека процесот на слабеење започнува со кардио тренинзите”, вели таа.
Кардио вежбите се клучни за губење на килограмите и одржување на оптималното здравје.
“Теговите се резервирани за подоцна, кога треба да го обликувате телото”, вели Перкинс.
По долгогодишното искуство, таа на сите жени им открива пет клучни совети за тело од соништата.
Заборавете на вагата
“Можеби некаде сте слушнале дека мускулите се потешки од маснотиите и тоа е вистина! Токму поради тоа моите клиенти добиваат на тежина кога почнуваат да вежбаат со тегови. Преку ваквите вежби, можно е да забележите зголемување на килограмите, но намалување на конфекцискиот број. Затоа заборавете на вагата!”.
Не се исцрпувајте
“Најмногу успех сум имала со клиенти кои ја посетуваа теретаната два до четири пати неделно, во времетраење од 60 минути. Жените кои сакаат драстично да ослабат, понекогаш прават кардио од 60-90 минути. Тоа само ќе ве исцрпи, а резултатите нема да бидат онакви какви што очекувате”.
Правете напорни вежби со тегови
“Без разлика која и вежба да ја правите со тегови, издржете ги последните најтешки две повторувања во секоја серија. Тоа е клучниот момент кога се градат мускулите и мускулната сила”, советува Холи.
Вратете се на основните вежби
“Иако денес постојат безброј разработени техники и планови на вежбање, понекогаш е добро да се вратите на основните вежби. Најдобро е да започнете со едноставни повторувања кои подразбираат еднакви паузи помеѓу сериите”.
Не плашете се од “напумпаниот изглед”
“Најголемата заблуда за тренингот со тежини е дека ќе изгледате премногу напумпани – камо среќа да беше тоа толку лесно. Кога ќе видите жени со големи, дефинирани мускули, бидете сигурни дека во таквиот изглед се вложени многу време, труд и режим”, вели Холи Перкинс.
