Полициски службеници од Единицата за внатрешни работи – Одделение за криминалистички работи Гази Баба го лишиле од слобода М.Ш.(25) од Скопје, поради основано сомнение дека сторил кривично дело „тешка кражба“, извршено ноќта на 14/15.05.2020 во стан на ул.„Вамбел“ во Скопје.
Од МВР денеска информираа дека по добиена наредба од Кривичен суд Скопје, полициските службеници извршиле претрес во домот кај М.Ш. и при што се пронајдени предмети кои потекнуваат од наведеното кривично дело.
– М.Ш. е приведен во Полициска станица Гази Баба и по целосно документирање на предметниот материјал против него ќе биде поднесена кривична пријава, се наведува во соопштението од МВР.