По успешната работа во Кисела Јабука, каде екипите на ЈП Улици и патишта деновиве целосно асфалтираа пет улици во 46, 46А, 68, 4 и 6, продолжува изградбата на нови улици во Општина Ѓорче Петров – 4 улици во Ново Село за првпат добиваат асфалт, информираше градоначалникот на општина Ѓорче Петров, Александар Стојкоски.
-Станува збор за улици кои досега не биле асфалтирани, односно за првпат се асфалтираат на барање на граѓаните да добијат улици и услови какви што заслужуваат.
Градежните активности за асфалтирање на останатите локални улици во населените места Волково, Кисела Јабука, Даме Груев, Ново Село и Стопански Двор се одвиваат со забрзана динамика.
Во овие пет населени места во Општина Ѓорче Петров се гради нова патна инфраструктура со вкупна должина од околу 5 километри, пишува Стојкоски на Фејсбук.
Поврзани вести
Нови детски игралишта, изградба на улици и нова фекална мрежа во општина Ѓорче Петров
Мицкоски: Општина Ѓорче Петров од идната влада на ВМРО-ДПМНЕ ќе добие до 22 милиони евра за капитални инвестиции, ќе се реализираат проекти кои се потреба на граѓаните
