Фудбалерот на Манчестер Јунајтед, Маркос Рохо го продолжи договорот до 2021 година, објави клубот од „Олд Трафорд“.
Аргентинецот, кој е надвор од теренот поради повреда повеќе од еден месец, има можност да остане една сезона по истекот на актуелниот договор со Манчестер.
Овој 27-годишен дефанзивец, три и пол години, е член на клубот „Олд Трафорд“ од неговото пристигнување од Спортинг Лисабон, а за тоа време освои ФА Куп, Лига Куп, Лига Европа и Комјунити шилд.
Претходно играше за Спартак Москва и Естудијантес, додека за репрезентацијата има 54 натпревари и два гола.
