Снежна лавина затрупала денеска бордери на ски-центарот Василица, по што 30-годишен маж е повреден и во критична состојба префрлен во болница, јавуваат грчките медиуми.
Во падот удрил во дрво, по што се здобил со тешки повреди, додека останатите членови од групата се во добра здравствена состојба.
Во оваа област видливоста била намалена и ограничена поради густа магла. Во моментот кога се случил инцидентот скијачките патеки биле затворени, а групата на сноубордери се обидела да се спушти надвор од пистата.
