Претседателот на Украина, Володимир Зеленски денеска им се обрати на пратениците во американскиот Конгрес, а покрај аплаузот што го доби на почетокот и на крајот на говорот, Зеленски упати и директна порака до претседателот на САД.
Зеленски рече дека Украина е благодарна, но дека и треба повеќе и уште еднаш повика на воведување зона на забранети летови над неговата земја.
Своето обраќање го заврши со барање до претседателот Бајден.
– Мирот во вашата земја повеќе не зависи само од вас и од вашиот народ. Зависи од оние до вас, од оние кои се силни. Силен не значи голем. Тој е многу храбар и подготвен да се бори за животите на своите граѓани и граѓаните на светот – рече Зеленски.
Тој рече дека неговиот народ „се бори за вредностите на Европа и светот“, како и за своите.
Зеленски потоа стана емотивен и рече дека не гледа „смисла во животот“ ако не може да спречи смрт на украински деца и дека тоа е негова најголема грижа како лидер на земјата.
За време на својот говор тој директно му се обрати на американскиот претседател Џо Бајден.
Zelensky addresses Biden directly: “You are the leader of your nation. I wish for you to be the leader of the world. Being the leader of the world means being the leader of peace." pic.twitter.com/mkYYuEQXZ6
— Peter Stevenson (@PeterStevenson) March 16, 2022
– Вие сте лидер на вашата нација. Сакам да бидете и лидер на светот. Да се биде лидер на светот значи да се биде лидер на мирот – му порача Зеленски на Бајден.
Потоа Зеленски се заблагодари и своето обраќање го заврши со зборовите „Слава на Украина“.
