1 јануари – Kurir.mk

Куба од 1 јануари укинува една од двете валути

Тале Кристо — Fri, 11 Dec 2020 07:40:13 +0000

Куба планира од почетокот на следната година да укине една од двете валути, информира вчера на државната телевизија претседателот на оваа карипска држава, Мигуел Дијаз-Канел, пренесе ДПА. -Од 1 јануари во оптек ќе биде само една валута – пезос, најави претседателот, додавајќи дека обединувањето на валутата ќе создаде подобри услови за гарантирање еднакви можности и социјална правда за сите граѓани на Куба. Курсот на валутата ќе биде 24 пезоси на еден американски долар. Социјалистичката островска држава од 1994 година има систем на двојна валута. Покрај официјалната национална валута, во платежните трансакции, главно од странските туристи, се користи и конвертабилниот пезос и неговата вредност приближно е еквивалентна на американскиот долар. Куба во јули го укина 10-процентиот данок за купување долари, што беше во сила од 2004 година, поради недостигот од приходи од туризмот за време на пандемијата на коронавирусот. Оттогаш, одредени производи во некои продавници можат да се плаќаат и со картичка во американска валута, додава ДПА.

На Британците од 1 јануари им е забранет влез во ЕУ

Тале Кристо — Thu, 10 Dec 2020 09:40:39 +0000

На британските туристи ќе им биде забранет влез во Европската унија поради сегашните рестриктивни мерки воведени со цел спречување на ширењето на коронавирусот. Европската комисија најави дека Велика Британија нема да биде исклучок, пренесува „Гардијан“. Само неколку земји со ниска стапка на зараза со коронавирус се ослободени од правилата кои забрануваат влез на посетители во ЕУ и Европската економска област (ЕЕА) – а Британците можат да патуваат само до крајот на преодниот период на Брегзит, кој трае до 31 декември. Членките на ЕУ во октомври се согласија да го усвојат предлогот да им се дозволи на граѓаните на земјите со мала стапка на зараза да влезат во Унијата, вклучувајќи ги Австралија, Нов Зеланд и Јужна Кореја.

Вторник, неработен ден за сите граѓани

Ивона Петрова — Tue, 25 Dec 2018 11:02:50 +0000

Министерството за труд и социјална политика, соопштува дека согласно со Законот за празниците на РМ, 1 јануари 2019 година, Нова Година е неработен ден за сите граѓани на Република Македонија. Од Министерството за труд и социјална политика на граѓаните на Република Македонија им ја честитаат Новата Година.