1 тв – Kurir.mk

Телевизијата на Боки 13 во стечај- Судот отвори постапка

Катерина Бојаџиева — Thu, 30 Jan 2020 18:12:37 +0000

Телевизијата зад која стоеше Бојан Јoвановски, познат како Боки 13- обвинет во случајот „Рекет“, од денеска е во стечај. Граѓанскиот суд во Скопје отвори стечај над 1ТВ, а за стечаен управник го назначи Ацо Петров. Тој го водеше и стечајот на А1 Телевизија.

1ТВ престана да емитува програма

Катерина Бојаџиева — Thu, 05 Sep 2019 20:15:55 +0000

На телевизискиот канал на 1ТВ од вечерва веќе не се емитува програма. По само година и неколку месеци работа, телевизијата самоиницијативно престана да емитува програма. Инаку, согласно Законот за аудио и аудио-визуелни медиумски услуги, доколку 30 последователни денови не се емитува ништо, на телевизијата ќе ѝ биде одземена дозволата за работа. Неформален сопственик на телевизијата беше Бојан Јовановски- Боки 13, кј е уапсен за случајот „Рекет“.

ЗНМ: Случајот со 1ТВ е последен аларм за итни медиумски реформи

Ивана Ефремовски — Thu, 18 Jul 2019 09:10:29 +0000

Последните случувања со приведувањето на Бојан Јовановски, менаџер во кабелската телевизија 1ТВ отвора сомнеж за сериозна злоупотреба на медиумите на сметка на лично богатење на поединци. Овој развој на настаните поврзани со 1ТВ претставуваат и удар врз репутацијата на професионалното новинарство, а доколку нема соодветна правна разрешница може да предизвика и намалување на довербата кон новинарите и медиумите во целост, реагираат од Здружението на новинари (ЗНМ). Соопштението на ЗНМ го пренесуваме во целост: ЗНМ изразува загриженост и за состојбата во која се наоѓаат новинарите и медиумските работници вработени во оваа телевизија кои поради овој скандал може да останат на улица. Ова дополнително може негативно да се одрази и на севкупниот пазар на трудот во медиумскиот сектор. Оваа состојба нека биде последен аларм за итно спроведување на најавените и ветени реформи во медиумската сфера, но и во вкупниот медиумски бизнис, преку неопходен мониторинг во однос на начинот на кој медиумите се финансираат и во однос на сопствеништвото. Ги повикуваме Владата и опозицијата, преку Парламентот да најдат механизам за итно деблокирање на собраниските процедури преку кои треба да продолжат реформите важни за нашата медиумска сфера. Потенцираме и потсетуваме дека се пробиени сите рокови за екипирање на програмскиот совет на МРТ и на Советот на ААВМУ . Тоа беа предуслови што треба да водат кон конечно креирање на амбиент во кој приватните медиуми, како и јавниот сервис ќе можат да функционираат независно, во интерес на јавноста. Ја повикуваме АВМУ да спроведе итен вонреден надзор со цел да се утврди дали телевизијата 1ТВ ги има прекршено одредбите од Законот за аудио и аудиовизуелни медиумски услуги. Бараме од Основното јавно обвинителство во Скопје како и од надлежните институции со брза и ефикасна истрага да придонесат да се оттргне сомнежот во јавноста дека институциите делуваат селективно и не работат во интерес на граѓаните. Брза правна разрешница на случајот ќе биде многу значајна и за иднината на вработените новинари и медиумски работници во 1ТВ.

Мицкоски со неговото интервју ја крена гледаноста на 1ТВ за три пати

Катерина Бојаџиева — Thu, 29 Nov 2018 16:09:43 +0000

Гледаноста на 1ТВ во периодот помеѓу 21 часот до 22:30 часот на 22.11.2018 година, кога се емитуваше интервјуто на претседателот на ВМРО-ДПМНЕ, Христијан Мицкоски трократно се зголеми. Вообичаено AMR % на телевизијата се движи под 1, за во периодот на интервјуто на Мицкоски истото да изнесува од 2.11 до 3.02. Интервјуто во кое Мицкоски зборуваше за политичката ситуација во државата, особено за тргувањето со правдата, каде се затвораат политички неистомисленици на оваа власт, додека нема ниту едно обвинение за претставници на актуелната власт. -Вие имате случај во државата кога човек е фатен на дело како бара мито и тој е на една висока функција во оваа држава. Потоа, имате градоначалник во државата којшто е фатен како шверцува цигари и добива 6 месеци затвор којшто претпоставувам дома го издржува и никому ништо, истакна Мицкоски. Дополнително Мицкоски во истото интервју зборуваше и за лажните ветувања на оваа власт, но и обид на истата да го отргне вниманието на власта од актуелните теми. - Можеме да зборуваме за ланскиот снег колку сакаме, но тоа нема да ни донесе 500 евра плата, тоа нема да ни донесе реформи во „Кацарска судството“. Тоа нема да ја придвижи Македонија напред. Тоа нема да обезбеди повисоки пензии, почист воздух, посочи Христијан Мицкоски, Претседател на ВМРО-ДПМНЕ при самото гостување на интервју на 1ТВ. Наспроти манипулаторскиот карактер на Заев, Мицкоски понуди сосема нов пристап во политиката, базиран на чесност, искреност и отчетност. -Не можам вас да ви ветам дека режимот е виновен затоа што имаме загадено Скопје и дека само да се промени режимот од тре ќе дојде чист, свеж алпски воздух. Тоа е невозможно. Но, можам да ви ветам методологија која во период од Х години ќе го направи воздухот помалку загаден за 30 проценти. Не можам да ви ветам 500 километри автопати, затоа што не е возможно, но можам да ветам дека ќе направиме 500 километри патишта низ Македонија, ќе ги реконструираме и реновираме бидејќи имам методологија и знам како тоа да го направам со моите соработници, кажа Мицкоски во интервјуто.

АВМУ: Серија прекршувања на 1 ТВ

Дарко Андоновски — Fri, 23 Nov 2018 19:34:01 +0000

Агенцијата за аудио и аудиовизуелни медиумски услуги при извршувањето редовен програмски надзор врз 1 ТВ констатитра прекршување на забраната за пласирање производи во засебни аудиовизуелни целини со информативна функција и јасно означување на програмата со пласирани производи во засебни аудиовизуелни целини со забавна функција, прекршување на правилата за заштита на малолетната публика, и на обврските при обезбедување квизови и други облици за наградно учество. Прекршување е констатирано и на правилата за прикриено рекламирање, условите за рекламирање и телешопинг, како и на правилата за рекламирање на поделен екран. Со редовниот програмски надзор врз телевизискиот програмски сервис на Трговското радиодифузно друштво Телевизија 1Тв ДОЕЛ Скопје, констатирани се прекршувања на член 55 став 1 ( забрана за пласирањена производи ) и став 5 ( јасно означување програма со пласирани производи ) од законот за аудиовизуелни медиумски услуги ( ЗААВМУ ). Овие прекршувања биле во рамките на “Отворено студио” и “Мода со Сергеј Варошлија”

Славески: Првичните ефекти од економските мерки се катастрофални

Матеја Петровски — Mon, 08 Oct 2018 20:43:42 +0000

Во вечерашната емисија на 1 ТВ гостуваше универзитетскиот професор и поранешниот министер за финансии Трајко Славески како и сегашен член на извршниот комитет на ВМРО ДПМНЕ. Во емисијата се дискутираше за економската состојба на државата. Славески истакна дека треба да се почека за да се видат ефектите од мерките кои сегашната Влада ги спроведува бидејќи првичните не ветуваат многу. -Мислам ако сме фер и коректни во однос на резултатите од економските мерки треба да почекаме за да видиме бидејќи првичните не ветуваат дури и се катастрофални. Трајко Славески потенцираше дека за отворање на 83 работни места од оние фирми кои што добиле поддршка од Фондот за иновации трошокот изнесува 263 илјади евра што го прави највисокиот износ по работно место од сите анализирани досега.