10 милиони евра – Kurir.mk

Во Италија „Епл“ казнет со 10 милиони евра

Тале Кристо — Mon, 30 Nov 2020 11:22:01 +0000

Италијанската антимонополска комисија казни две компании, „Епл Интернешнл“ и „Епл Италија“, со 10 милиони евра за неточно рекламирање на паметни телефони и неисполнување на обврските, кои се гарантираат со набавка на нивниот мобилен телефон. Имено, компанијата Епл во рекламните пораки тврди дека нивните паметни телефони се отпорни на вода до длабочина од 4 метри и во траење од 30 минути. Сепак, контролата утврди дека тоа не е точно и дека тврдењето на компанијата се однесува само на лабораториско мерење на паметните телефони на Епл. Всушност за време на лабораториски мерења се користи статична и чиста вода, што не одговара на реалниот живот. Исто така, следеше казна, бидејќи Епл одби да им ја признае на клиентите штетата предизвикана откако паметниот телефон бил оштетен од вода или некоја друга течност, иако на тоа се обврзала со гаранција. Според локалните медиуми, најпродавани мобилни телефони во Италија се „Самсунг“, при што три од пет продадени телефони се од таа марка, а на второ место е кинескиот Ксиаоми. Мобилните телефони на „Епл“ се наоѓаат на четвртото место според продажбата во Италија, а годинава има пад на продажбата за 10 проценти.

Мицкоски: Бараме интервентен откуп и 10 милиони евра за лозарите, Заев да го исполни она што го ветуваше во 2016 година!

Тале Кристо — Fri, 02 Oct 2020 12:06:30 +0000

Бараме од Заев интервентен откуп и 10 милиони евра за лозарите, да го исполни она што го ветуваше во 2016 година!, пишува на својот Фејсбук профил претседателот на ВМРО-ДПМНЕ Христијан Мицкоски. Денеска во Собранието на Република Македонија се оддржа јавна расправа во врска со состојбата со откупот на грозјето, по иницијатива на пратеничката група на ВМРО-ДПМНЕ. Бараме од Заев интервентен откуп и 10 милиони евра за лозарите, да го исполни она што го ветуваше во 2016 година! Потпретседателот Александар Николоски, и нашиот колектив, во кампањата зборуваа дека зелената мафија царува во Македонија и ја јаде маката на македонските земјоделци! Тогаш беше тешко и тажно да се гледа како се откупува еден килограм краставици за пет денари. Овие денови, уште потешко и потажно е да се гледа како се откупува еден килограм грозје за еден ипол или два денари!, пишува лидерот на ВМРО-ДПМНЕ во својата објава. https://www.facebook.com/MickoskiHristijan/posts/1678818595626926

Барса сака 10 милиони евра за Ракитиќ

Магдалена Андонова — Sun, 02 Aug 2020 12:16:49 +0000

Раководството на Барселона се согласи да го продаде играчот од средниот ред Иван Ракитиќ на Севиља, пренесува „Мундо Депортиво“. Според изворот, каталонскиот клуб сака да добие 10 милиони евра за 32-годишниот Хрват. Самиот фудбалер сака да ја заврши кариерата во тимот од Андалузија, каде играше од 2011 до 2014 година. Во сезоната 2019/20, Ракитиќ забележа 41 натпревар за Барселона, постигнувајќи 1 гол и оствари 4 асистенции. Transfermarkt.com ја проценува вредноста на играчот на 20 милиони евра. (МИА)

Тијаго Силва бара плата од 10 милиони евра годишно

Тале Кристо — Fri, 19 Jun 2020 16:43:52 +0000

Дефанзивецот Тиаго Силва сака да добие договор што ќе му гарантира плата од 10 милиони евра годишно, пренесува Goal.com. Според изворот, Фиорентина и Евертон се заинтересирани за 35-годишен Бразилец, чиј договор со ПСЖ важи до крајот на јуни годинава, но клубовите се „плашат“ од финансиските барањата на фудбалерот. Се соопштува дека Фиорентина е подготвена да му плати на играчот само 5,5 милиони евра. Во сезоната 2019/20, Тијаго Силва одигра 30 натпревари за ПСЖ, има еден гол и една асистенција