10 загинати – Kurir.mk

Најмалку 10 загинати, и повеќе десетици повредени во двата бомбашки напади во Филипини

Тале Кристо — Mon, 24 Aug 2020 10:31:16 +0000

Најмалку десет лица се убиени, а повеќе десетици се повредени во двојниот бомбашки напад, што денеска се случи во јужниот дел на Филипините, во исламистичкото упориште Сулу, во кои учестуваше и жена самоубиец. Нападот се случи во градот Холо, во мнозински муслиманската покраина Сулу, во која владините армиски сили долго време се борат со исламистичката бунтовничка група Абу Сајаф. -Во првата експлозија на импровизирана бомба, поставена на моторцикл паркиран пред трговски центар, загинаа петмина војници и четворица цивили, соопшти потполковник Корлето Винлуан. Набрзо на истата улица, која филипинската полиција ја опколи, се случи уште една експлозија, а самоубиствениот напад го изведе жена, при што почина уште едно лице, а повредени се шест припадници на филипинските безбедносни сили.

Сирија: Најмалку 10 загинати и 30 ранети во пограничниот град Тал Абијад

Тале Кристо — Sat, 02 Nov 2019 15:30:21 +0000

Најмалку десет лица загинаа, и повеќе од 30 се повредени во експлозија на пазар во сирискиот град Тел Абијад во близина на границата со Турција, јавија турските медиуми и Сириската организација за човекови права. Според нив, протурски борци и цивили се меѓу загинатите и повредените во експлозијата на автомобил-бомба. Во тој град се водат најнасилните судири откако турската војска почна офанзива минатиот месец против курдските милиции во североисточна Сирија.

Најмалку 10 жртви во свлечиште во Бразил

Дарко Андоновски — Sun, 11 Nov 2018 08:14:57 +0000

Најмалку 10 лица, меѓу кои и тригодишно дете, загинаа во свлечиште во близина на Рио де Женеиро, а 11 луѓе се повредени, соопштија локалните власти. Шефот на одделот за цивилна одбрана на Рио, Роберто Робадеј изјави дека лизгањето на земјиштето во Нитерој се случило после обилни врнежи дожд и оти се затрупани шест куќи. Според локалните жители, под натрупаната земја најверојатно има уште луѓе.

Најмалку 10 загинати при уривање на брана во Авганистан

Дарко Андоновски — Thu, 12 Jul 2018 07:35:18 +0000

Најмалку 10 лица загинаа кога на северот на Авганистан, поради обилните врнежи, се урна оштетена брана, соопштија денеска официјални лица. Портпаролот на авганистанското Министерство за хуманитарна помош Омар Мохамеди изјави дека надојдената вода целосно уништила околу 300 куќи во долината Пандшир. Таа долина, популарна меѓу туристите, се наоѓа на околу 140 километри од Кабул. По пукањето на браната водата го поплавила блиското населено место, каде синоќа жителите во паника ги напуштале домовите. Заменикот на локалниот шеф на полицијата Наџим Кан соопшти дека 13 лица се водат како исчезнати, додавајќи оти се стравува оти загинале. Според него, водата поплавила и уништила 1.000 хектари земјоделско земјиште.