100 милиони долари – Kurir.mk

Отштета од 100 милиони долари за семејството на Мајкл Џексон за филмот „Ливинг Неверленд“

Тале Кристо — Fri, 18 Dec 2020 09:44:08 +0000

Семејството на Мајкл Џексон победи на судски процес против каналот Ејџ-Би-О, кој во 2019 година го прикажа филмот за поп-кралот „Ливинг Неверленд“ (Leaving Neverland). Според „Варајети“, наследниците на големиот музичар треба да добијат 100 милиони долари. Семејството го наведува фактот дека во 1992 година, Џексон потпиша договор со телевизискиот канал, според кој Ејџ-Би-О нема да шири клевети за него, неговото семејство и вработените во период од 27 години. Апелацискиот суд на САД донесе одлука дека договорот е сè уште во сила. Во 2019 година, Долниот суд им дозволи на наследниците на Џексон да поднесат тужба. Ејџ-Би-О поднесе жалба, но Апелацискиот суд ја потврди претходната одлука. Документарецот следи настани во кои се вклучени 37-годишниот режисер Џејмс Сејфчук и 41-годишниот кореограф Вејд Робсон. Како деца, тие беа блиски пријатели со поп-ѕвездата, но како возрасни сфатиле дека се жртви на насилство од страна на Џексон. Малиот Џејмс се среќава со пејачот на снимање реклама, а Вејд бил поканет од Џексон откако победи на детски танцов натпревар. Според жртвите, Вејд имал седум години кога првпат бил малтретиран, а Џејмс имал 10 години. Децата со другите „мали пријатели“ на Џексон честопати престојувале во неговиот ранч „Неверленд“ со своите родители, каде ја поминувале ноќта. Но, тие велат дека биле единствените во спалната соба со Мајкл без нивните родители.

Џордан донира 100 милиони долари во борба против расизмот

Тале Кристо — Sat, 06 Jun 2020 07:42:58 +0000

Мајкл Џордан најави дека ќе направи донација од 100 милиони долари за поддршка на борбата против расизмот. Легендарниот НБА играч го стори тоа по немирите во Соединетите држави, кои избувнаа по смртта на Џорџ Флојд како резултат на полициското насилство. Донацијата на Џордан ќе биде направена за групите кои се борат против расната нееднаквост и ја бранат социјалната правда. Износот ќе биде дистрибуиран во рок од 10 години. – Заедно, Мајкл Џордан и брендот „Џордан“ решија да направат донација од 100 милиони во текот на следните 10 години. Сите ние мора да ги здружиме силите и да го направиме ефектот на нашите активности трајни, рече претседателот на брендот „Џордан“, Крег Вилијамс.. Ние мора да се слушаме едни со други, да покажеме сочувство и емпатија и никогаш да не вртиме грб на бесмислена бруталност, посочи пак легендарниот бек на Чикаго Булс. – Мора да продолжиме да зборуваме мирно против неправдата, напиша Џордан (57) по смртта на Флојд.

Разводот може да го чини Бред Пит 100 милиони долари

Дарко Андоновски — Sat, 22 Dec 2018 13:27:28 +0000

Разводот на најпознатата двојка во Холивуд – Бред Пит и Анџелина Џоли, добива своја завршница во судот. Како резултат на судските спогодби, поделбата на имотот и старателството ќе го чини Бред Пит до 100 милиони долари. Запознаени со случајот раскажуваат пред „Радаронлајн“ дека Пит ќе треба да ги плаќа трошоците за децата поврзани со нивниот живот, безбедност, образование и слично, додека тие не наполнат 21 години. – Тој успеа да си ги врати децата, но веќе гледа во сосема друга реалност, која му носи голем ангажман. Токму договорот за децата го влече толку долго случајот. Бред се обиде да се бори и да се брани, но не успеа да ја спречи Анџелина да земе скоро половина од она што го има, вели изворот за „Радаронлајн“. Фактот дека судењето за разводот е близу до својот крај, стана познато пред 2-3 месеци. Пред една недела Бред Пит сам призна дека е „добил она што сакал“ по речиси двегодишниот спор со Анџелина Џоли за старателството на децата. Џоли долго време се обидуваше да ја ограничи комуникацијата со децата. На 30 ноември адвокатката на актерката – Саманта Блеј ДеЏин потврди дека договор за туторство над децата е постигнато. Според ДеЏин, Анџелина никогаш не сакала сама да се грижи за децата, иако сите мислеле токму спротивното. Поранешните сопружници постигнале одредени аранжмани, но останува да решат уште многу нијанси и детали за да има конечен договор, но факт е дека Бред Пит ќе може да поминува значително повеќе време со децата и дури мисли да биде со нив за време на претстојните празници. Како што е познато, Анџелина Џоли поднесе барање за развод на 20 септември 2016 година по 12 години брак со Пит. Џоли потоа најави дека таа и Пит имале непомирливи несогласувања, и таа требало да добие целосно старателство над децата, за нивниот татко да нема лошо влијание врз нив.