100 милиони евра – Kurir.mk

Италија го казни Гугл со над 100 милиони евра – еве и зошто!

Дарко Андоновски — Thu, 13 May 2021 08:22:46 +0000

Италија ќе го казни Гугл со повеќе од 100 милиони евра поради злоупотреба на доминантната позиција, соопшти денеска телото за заштита на конкуренцијата. Казната, која изнесува 102,084 милиони евра, е образложена со одбивањето на интернет гигантот на својата платформа Гугл плеј да прифати независна апликација која овозможува пронаоѓање станици за полнење на електрични автомобили, се наведува во соопштението. – Преку оперативниот систем Андроид и продавницата за апликации Гугл плеј, Гугл има доминантна позиција… Треба да се има предвид дека во Италија околу три четвртини од паметните телефони користат Андроид, објаснува регулаторното тело. Според истрагата на италијанскиот регулатор, Гугл не одобрил употреба на апликацијата JuicePass, која ја развил италијанскиот енергетски гигант Енел, на системот Android Auto кој му овозможува на возилото да се поврзе и да добие бројни услуги. Апликацијата JuicePass е конкурент на апликацијата Гугл Мапс, која само овозможува пребарување на станици за полнење на електричните возила.

Милан во летниот преоден рок ќе потроши 100 милиони евра за трансфери

Тале Кристо — Sun, 28 Mar 2021 16:33:51 +0000

Раководството на Милан ќе оди на сериозни финансиски инвестиции пред летниот преоден рок, пренесува „Фудбал Италија“. Според изворот, клубот ќе добие 100 милиони евра за трошоци на трансфер пазарот. „Росонерите“ наводно гледаат на неколку играчи како потенцијални засилувања, посебно ако се избори учество во Лигата на шампионите. Милан е втор на табелата во италијанската Серија А со 59 бода по 28 натпревари.

Јувентус може да го продаде Дибала за 90-100 милиони евра за да купи нови играчи

Тале Кристо — Sun, 16 Aug 2020 20:25:54 +0000

Фудбалерот на Јувентус, Пауло Дибала може да го напушти клубот. Според „La Gazzetta dello Sport“, италијанскиот клуб е подготвен да ја разгледа опцијата за продажба на Аргентинецот, доколку добие понуда од 90-100 милиони евра. Парите собрани од овој трансфер би можеле да се искористат за купување играчи што новиот тренер Андреа Пирло сака да ги види во составот. Исто така, клубот е под влијание на правилата за финансиски фер-плеј. Во исто време, се забележува дека Јувентус не се сомнева во вештината на фудбалерот. Минатото лето Дибала веќе беше близу до напуштање на Јувентус. Тогаш Тотенхем и Манчестер Јунајтед сакаа да го купат. Претходно беше објавено дека интерес за 26-годишниот играч од средниот ред покажува Реал. Исто така, се дозна дека фудбалерот преговара за продолжување на договорот со Јувентус и сака да остане во Италија. Сегашниот договор истекува во летото 2022 година.

Баер сака 100 милиони евра за Хаверц

Магдалена Андонова — Thu, 16 Jul 2020 10:33:48 +0000

Бундеслигашот Баер ја одреди цената за играчот од средниот ред Каи Хаверц. Доколку некој сака да го купи најдобриот фудбалер на тимот од Леверкузен ќе мора да плати 100 милиони евра. Според „Кикер“ Баер нема ништо против дел од суматада биде во форма на бонуси, но се нагласува дека фудбалерот со сигурност нема да биде продаден до крајот на Лигата на Европа. Во првиот натпревар од 1/8 финалето на второто по квалитет фудбалско натпреварување во Европа, германскиот тим го победи Ренџерс со 3:1. Оваа сезона, 21-годишниот Хаверц настапи на 39 натпревари на сите турнири, постигна 15 гола и забележа осум асистенции. Баер го зазема петтото место во германскиот шампионат и стигна до финалето на националниот куп, каде загуби од Баерн Минхен. (МИА)

Јуве сака 100 милиони евра за Дибала

Дарко Андоновски — Sun, 21 Jul 2019 10:34:14 +0000

Интересот за напаѓачот на Јувентус, Пауло ДиБала, продолжува да расте. Аргентинецот го бараат Манчестер Јунајтед, Пари Сен Жермен и Баерн (Минхен), но „црно-белите“ не сакаат лесно да се разделат со него. Според „Калчомеркато“, италијанскиот шампион е подготвен да го ослободи напаѓачот ако добие 80 милиони евра плус уште 20 милиони во форма на бонуси. Најновите информации од „РМЦ Спорт“ во Франција се дека понуда од 50 милиони евра е примена во канцелариите на Јуве, но била одбиена од страна на биконкертите. Во овој момент, Манчестер Јунајтед е фаворит за потписот на ДиБала. Самиот играч сака да оди таму, бидејќи сака да обезбеди место во стартниот состав во неговиот нов тим, а Англичаните се подготвени да му го понудат. Покрај тоа, може да се користи во зделката за привлекување на Пол Погба во Торино. Сепак неговата желба е да остане во Јувентус и да се бори за свое место во составот на Маурицио Сари.