11-ти октомври – Kurir.mk

ФОТО: Приватна забава за Заев, или прослава на 11-ти октомври во Прилеп?

Тале Кристо — Sun, 10 Oct 2021 18:44:14 +0000

Нетипично одбележување на Денот на народнот востание, 11-ти октомври во Прилеп, пишува порталот Маркукуле. Како и секоја година и оваа државниот празник се одбележа со импровизиран напад на бугарскиот полициски Участак и огномет, но она што остави впечаток и ги шокираше граѓаните беа поставените огради околу бината. Таму напред се обратија се уште актуелниот градоначалник на општина Прилеп, Илија Јованоски и премиерот Зоран Заев. Сместени под шатори и опкружени главно со партиска публика, а на околу огради кои го оневозможуваа пристапот на “обичните” граѓани до нив. Значи Заев, па празен простор, па ограда, па “обични граѓани”….

Ковачев: 11-ти октомври да си го одбележувате друг ден!

Ивана Ефремовски — Tue, 20 Oct 2020 20:53:04 +0000

Европратениот Андреј Ковачев во дебатниот магазин „Клик Плус“ на ТВ21 вели дека 11-ти Октомври треба да го одбележуваме на друг ден. „Да се обединиме како најблиски народи. Пред малку ви кажав мојата изјава е за разбирање, добрососедство, дека вие имате право како сакате да се самоидентификувате и право на јазик кој сакате да го зборувате. Со тоа е пружена рака кон вас. Вие сега сакате да дебатираме за 11-ти октомври. Ве прашувам што се случило на 11 октомври“, запраша Ковачев. „Вие сакате да кажете дека на 11-ти октомври започнала борбата со фашизмот со убиството кое се случило во Прилеп. Тоа е големата разлика и интерпретацијата која вие ја правите. Фашизмот е негативен и треба да има јасна антифашистичка борба, антинационал-социјалистичка како и антикомунистичка, тогаш мислам дека ќе е апсолутно јасно“, вели Ковачев.

Ова се добитниците на наградата „11-ти Октомври“

Ивана Ефремовски — Fri, 28 Sep 2018 09:11:52 +0000

Одборот за доделување на државната награда „11-ти Октомври“, согласно Законот за државните награди, Законот за изменување и дополнување на законот за државните награди („Службен весник на РМ” бр.52/06,54/07,74/12 и 99/18) и Правилникот за работа на Одборот, на својата последна седница донесе одлука за доделување на државната награда „11 Октомври“ во 2018 година за највисоко признание за животно дело во областа на науката, уметноста, стопанството и другите дејности од јавен интерес на Република Македонија. За животно дело во областа на културата и уметноста, наградата им се доделува на:

проф. д-р Драги Михајловски, преведувач и писател
Ристо Лазаров, писател и новинар
Петре Арсовски, актер
За животно дело во областа на здравството, наградата му се доделува на: проф. д-р Александар Ставридис, хирург - уролог.
Оваа одлука стапува во сила од денот на донесувањето и ќе биде објавена во „Службен весник на РМ“.

Наградата на добитниците ќе им биде врачена на 11 Октомври 2018 година (четврток) во 12 часот во Собранието на Република Македонија.