12 – Kurir.mk

Во САД одобрена бустер доза на Фајзер/Бионтек за деца од над12 години

Тале Кристо — Mon, 03 Jan 2022 16:40:35 +0000

Американската Администрација за храна и лекови (ФДА) го прошири овластувањето за итна употреба на засилувачка доза на вакцината на Фајзер/Бионтек против Ковид-19 за да вклучи деца на возраст од 12 и повеќе години. Бустер дозата е со иста јачина на дозата (30-микрограми) како и дозата одобрена во примарната серија, се вели во соопштението. ФДА претходно одобри засилена доза на вакцината на Фајзер/Бионтек 19 за итна употреба по завршувањето на примарната серија кај лица на возраст од 16 години и постари. Вакцината е одобрена и за подобни поединци на 18 години и постари кои завршиле со примарна вакцинација со различна овластена вакцина против Ковид-19. Дополнително, ФДА го измени постоечкото овластување за итна употреба за да го намали времето за администрација на бустер доза од најмалку шест месеци на најмалку пет месеци по завршувањето на примарната серија за лица на возраст од 12 години и постари. ФДА го прошири тековното одобрение за употреба за итни случаи за да вклучи инјектирање на трета примарна сериска доза најмалку 28 дена по втората доза за деца на возраст од 5 до 11 години за кои е утврдено дека имаат одредени видови на нарушување на имунитетот. Третата примарна доза од вакцината на Фајзер/Бионтек претходно беше одобрена за лица на возраст од најмалку 12 години за кои е утврдено дека имаат одредени видови на нарушување на имунитетот. Фајзер и Бионтек соопштија дека ја исполниле својата цел да испорачаат една милијарда дози од нивната вакцина против Ковид-19 во земјите со низок и среден приход во 2021 година.

Модерна: Нашите вакцини се ефикасни кај деца на возраст од 12-18 години

Тале Кристо — Tue, 25 May 2021 14:02:33 +0000

Компанијата „Модерна“ соопшти дека нејзината вакцина е 100 процентна ефикасна во испитувањата кај младите луѓе, исто како „Фајзер“, чија вакцина беше одобрена од Администрацијата за храна и лекови на САД (ФДА) за адолесценти на возраст од 12 до 15 години. Во студијата во која учествувале 3.700 млади луѓе на возраст од 12 до 18 години, немало симптоматски случаи на Ковид-19 меѓу оние кои примиле две дози од вакцината. Со оглед на тоа што меѓу децата и адолесцентите и онака има помалку случаи, истражувачите биле водени од дефиницијата на Американскиот центар за контрола на болести (ЦДЦ), која вклучува и поблаги случаи. Применувајќи ја дефиницијата на ЦДЦ за само еден симптом плус позитивен ковид-тест, истражувачите од Модерна регистрирале 93 проценти ефикасност после една доза. Компанијата соопшти дека немало сериозни несакани ефекти. Регистрирани се болка во раката, главоболка, замор и треска по втората доза. Сите оние кои учествувале во истражувањето ќе бидат следени во следните 12 месеци за да се обезбеди дека нема долгорочни ефекти.

Дванаесети граѓански протест во Белград

Дарко Андоновски — Sun, 24 Feb 2019 09:13:22 +0000

Во Белград синоќа се одржа 12-иот граѓански протест „Еден од пет милиони“, на кој главна порака е изградба на систем во Србија, на кој нема да биде можно чие било самоволие. Преку прошетка низ веќе познатите централни улици во Белград, една од карактеристиките на овој протест е лепењето на пораки во Теразискиот тунел на „сите лаги на Александар Вучиќ“. Граѓаните носеа и медицински маски за заштита од вирусoт „Н1-СНС1“во знак на протест против недамнешната посета на Вучиќ со делегацијата и фотографирањето со дете во Хематолошко-онколошката болница во текот на епидемијата на грип. Како и на минатонеделниот протест, на студентскотот плато се наоѓаа кутии во кои граѓаните ги ставаа своите потписи на примерокот од Договорот со народот, кој неодамна го усвои српската опозиција од „Сојузот за Србија.“ Покрај Белград и околу 60 градови, синоќа по првпат граѓански протести се одржаа и во странство, во Виена и Прага. Непосредно пред почетокот на протестот, вчера попладне, во просториите на општина Стари Град беше формирана Асоцијацијата на слободни одборници од речиси 700 пратеници во градските совети низ цела Србија кои ја бојкотираат работатата на советите. Тие потпишаа договор со народот неодамн усвоен од претставниците на опозицијата и усвоија Манифест со кој се обврзаа дека ќе водат постојан дијалог со граѓаните, ќе ги штитат нивните интереси, ќе се залагаат за поголеми надлежности на локалните самоуправи и ќе ги заштитат сите советници кои се подложени на „политички криминал на режимот” на српскиот претседател Александар Вучиќ. Потпретседателот на Народната партија и заменик-шеф на пратеничката група на Сојузот за Србија во Собранието на град Белград, Никола Јовановиќ, на основачкото собрание на Асоцијацијата му порача на Вучиќ, кој „се заканува со избори под неправедни и нефер услови” овие избори и да ги распише. -На тој ден сите ние ќе гласаме, но не во вашите кутии, туку мирно и достоинствено на отворено. И кога 200.000 луѓе ќе се соберат под твојот балкон истиот ден, тоа ќе биде директно гласање за вас. Тогаш и вие ќе знаете тоа што и ние веќе го знаеме – дека е крај, дека е крајот на стариот систем. И дека со својот народ ќе почнеме да градиме нешто сосема ново , рече Јовановиќ.