13 часот – Kurir.mk

До 13 часот во Дебар гласале 16,4, во Центар Жупа околу 10 отсто од гласачите

Тале Кристо — Wed, 15 Jul 2020 12:21:35 +0000

Изборниот ден во општините Дебар и Центар Жупа минува во мирна, фер и демократска атмосфера, со постепено зголемување на одѕивот на гласачи, потврдија за МИА претсдателите на општинските изборни комисии. -Во нашата општина до 13 часот правото на глас го остварија 3.011 лица или 16,4 отсто од вкупно запишаните 18.764 во единствениот избирачки список. Гласањето минува без проблеми. Се надеваме дека така ќе мине целиот изборен ден, вели Елмира Бакали претседателката на ОИК Дебар. На последните избори до 13:00 часот одѕивот бил околу 18 отсто или правото на глас го оствариле 3.259 гласачи. Во Општина Центар Жупа од вкупно 7.061 лице со право на глас, гласале 677 или 9,59 отсто. Споредено со последните избори оѕивот е повисок за нешто повеќе од четири отсто. И двајцата додаваат дека членови на Општинските изборни комисии вршат обиколка по избирачките места, со цел од блиску да се запознаат со изборниот процес.

Ова се најновите податоци со состојбата со коронавирусот во светот до 13 часот

Тале Кристо — Sun, 26 Apr 2020 11:20:04 +0000

Според најновите податоци, во светот со новиот коронавирус досега се заразиле 2.934.651 лице. Од нив починале 203.684, а оздравеле 840.765 луѓе. – Во Германија потврдени се уште 1.737 пациенти заболени од Ковид-19, со што вкупната бројка на заразени се искачи на 154.175 луѓе. Бројот на смртни случаи од последици од новиот коронавирус во изминатите 24 часа се зголеми за 140, така што вкупниот број на починати изнесува 5.640 луѓе. – Во Франција во изминатото деноноќие починаа 369 луѓе од последици на Ковид-19, со што вкупниот број на смртни случаи достигна 22.614. За еден ден се евидентирани 1.660 новозаразени лица, со што цифрата на инфицирани лица со новиот коронавирус изнесува 161.488. – Во Унгарија во изминатите 24 часа од последици од Ковид-19 починаа десет пациенти, со што бројот на смртни случаи изнесува 172. Во земјата има 2.500 заразени со новиот коронавирус, од кои најголем број – 1.274 луѓе во Будимпешта. Во моментот 9.589 лица се во куќен карантин. – Во Австрија во изминатите 24 часа регистирани се само 46 новозаразени лица со Ковид-19. Од избивање на епидемијата во земјата инфицирани се 15.140 луѓе, а излекувани се 12.103, додека евидентирани се 536 смртни случаи. – Во Русија денеска се потврдени 6.361 новозаразени луѓе со Ковид-19, со што бројот на инфицирани достигна до 80.949. Во изминатите 24 часа евидентирани се 66 смртни случаи, така што вкупно починале 747 луѓе од последици од новиот коронавирус. – Министерството за здравство на Сингапур денеска соопшти дека регистрирани се 931 новозаразени лица со Ковид-19, со што вкупната бројка се искачи на 13.624. поголемиот број од новоинфицираните се странски работници.

Состојба со Ковид-19 во светот до 13 часот: Експериментална вакцина за првпат обезбедила заштита на мајмуни против новиот коронавирус

Тале Кристо — Fri, 24 Apr 2020 11:03:23 +0000

Според најновите податоци, во светот со новиот коронавирус досега се заразени 2.745.469 лица. Од нив починати се 191.719, а оздравеле 755.462 луѓе. – Бројот на нови случаи на коронавирус во Германија треба да се намали на неколку стотици на ден за да се продолжи со олеснување на рестриктивните марки. Ова го соопшти денеска Институтот за инфективни болести Роберт Кох. Во Германија се регистрирани 2.337 нови случаи, со вкупно 150.383 случаи. Смртните случаи се зголемени за 227, и сега изнесуваат 5.321. Оздравени се 106.800, од кои 3.500 во изминатите 24 часа. – Оваа сабота и недела во Србија полицискиот час ќе биде од 18 часот денеска до 5:00 в понедленик. Според анкета, граѓаните на Србија не се плашат од вирусот, но се внимателни – 70 отсто имаат доверба во здравствениот систем, а 90 отсто анкетирани сметаат дека до 1 јуни ќе биде совладана епидемијата. Оа анкетираните, 86 отсто не се плашат дека тие или членови на нивно семејство ќе се заразат додека 75 отсто носат маски и заштитни ракавици. – Визер има намера од 1 мај да обнови летови од Виена до 20 дестинации и покрај широките ограничувања во патувањата воведени поради пандемијата со коронавирусот. – Експериментална вакцина за првпат обезбедила заштита на мајмуни против новиот коронавирус, соопшти кинеска лабораторија од компанијата Sinovac Biotech. – Истанбул беше турскиот Вухан, но се справивме со ситуацијата. Тоа го призна турскиот министер за здравство Фахретин Коџа. Според него, властите успеал еда ја стават ситуацијата под контрола откако исптратиле таму тимови од по три лица со 1.300 возила за да го откријат синџирот на заразување. – Откако тоа го увидовме, заразените беа навремено дијагностицирани и подложени на лекување со што процесот беше во контролирано ниво, изјави министерот. – Хотелите во Романија ќе бидат повторно отворени од 15 мај кога истекува рокот на вонредната состојба. За рестораните се уште не е донесена одлука. По 15 мај ќе останат дел ограничувања – социјална дистанца и собирање на едно место на најмногу три лица. Бројот на заразени надмина 10.000 (10.096), а смртните случаи се 552. – Советот за национална безбедност на Белгија денеска ќе заседава за да одлучи дали да укине делумно мерки за ограничување. Во изминатите 24 часа заразени се нови 1.496 лица (вкупно 44.293), оздравени се 322. Во изминатите 24 часа направени биле речиси 10.000 лабораториски тестови. – Албанскиот Парламент ќе гласа за продолжување на вонредната состојба до 23 јуни. Според најновите податоци во Албанија има 663 заразени, 27 смртни случаи и оздравени се 385 Албанци.

Состојба со Ковид-19 во светот до 13 часот: Вкупно заразени околу 2,5 милиони лица, а починале повеќе од 165 илјади

Тале Кристо — Mon, 20 Apr 2020 11:13:29 +0000

Според најновите податоци, во светот со новиот коронавирус досега се заразени вкупно 2.419.234 лицa. Од нив починати се 165.777, а оздравеле 633,446луѓе. – Првапат од 5 март во Бања Лука не се регистрирани новозаразени лица со Ковид-19. Исто така бројот на оздравени е поголем од активните случаи. Во Реплука Српска денеска се регистрирани 11 новозаразени, со што бројот на инфицирани со Ковид-19 изнесува 545, од кои 262 оздравеле. – Во Русија во последните 24 часа регистрирани се уште 4.268 луѓе со новиот коронавирус, со што вкупниот број се искачи на 47.000 лица. За последните 24 часа од последици од Ковид-19 починаа 44 луѓе, со што бројот на смртни случаи изнесува 400, додека оздравеле 3.500 луѓе. – Во Норвешка во последното деноноќие забележани се 45 новозаразени со Ковид-19, со што бројот на инфицирани се искачи на 7.113 луѓе. Тоа е најмала цифра на новозаразени во изминатата недела. Во Норвешка од последици од новиот коронавирус починаа 165 пациенти. – Во Индија денеска е регистриран најголем број на заразени со новиот коронавирус на дневно ниво откако Владата ги олесни мерките овозможувајќи продолжување на некои производствени и земјоделски активности. Во последните 24 часа регистрирани се 1.553 новозаразени лица со Ковид-19, со што бројот на инфицирани луѓе се искачи на околу 17.000, од кои 542 починале. – Во последните 24 часа во Иран од последици од новиот коронавирус починале 91 човек, со што бројот на смртни случаи се искачи на 5.209. Иран со 83.505 инфицирани лица е најпогодена земја од епидемијата на Блискиот Исток.

Состојба со коронавирусот во светот до 13 часот – Во Србија од вторник ќе почне постепено ублажување на рестриктивните мерки

Тале Кристо — Sun, 19 Apr 2020 11:02:41 +0000

Според најновите податоци, во светот со новиот коронавирус досега се заразени вкупно 2.346.819 лицa. Од нив починати се 161.097, а оздравеле 605.642 луѓе. – Австралија денеска ја проблематизираше транспарентноста на кинеските власти во однос на одговорот на епидемијата на коронавирусот и побара покренување меѓународна истрага за појавата и ширењето на коронавирусот. Австралиската министерка за надворешни работи Марис пејн изјави дека е исклучително загрижена во однос на кинеската транспарентност за епидемијата на коронавирус. – Коландски еквиваленти за изразите „корона-кашлач“, „забрана за ракување“ и „карантинска забава“ се некои од новите зборови во холандскиот јазик, исковани во текот на пандемијата на коронавирус, се наведува во новиот интернет речник. – Во Србија од вторник ќе почне постепено ублажување на рестриктивните мерки, соопшти претседателот Александар Вучиќ и најави дека во првата половина на мај ќе биде исплатена еднократна помош од по 100 евра за секој полнолетен граѓанин. – Јужна Кореја денеска пријави само осум нови случаи на инфекција, што е прва едноцифрена бројка на нови случаи во последните два месеца. – Австрискиот канцелар Себастијан Курц денеска им го честиташе Велигден на сите православни верници и им се заблагодари што годинава не го прославуваат заеднички празникот, почитувајќи ги мерките на австриската Влада. – Им благодарам на сите православни верници што годинава се откажаа од заедничко славење. Ви посакувам, и покрај актуелната ситуација, среќен Велигден, напиша Курц на својот Фејсбук профил. – Во Иран, 87 лица починаа од коронавирусот во изминатите 24 часа, со што вкупниот број на смртни случаи достигна 5.111, изјави денеска портпаролот на иранското Министерство за здравство, Киануш Јаханпур. Ова е мало намалување на бројот на починати во однос на саботата, кога беа пријавени 73 жртви. – Во Велика Британија сè уште не размислува за укинување на мерките за изолација воведени поради пандемијата на коронавирус, бидејќи зголемувањето на смртните случаи од Ковид-19 е причина за длабока загриженост, изјави денеска Мајкл Гов, еден од министрите во британската влада. Четири недели по воведувањето на овие мерки, Велика Британија е близу до врвот на здравствената криза, во која досега починаа повеќе од 15.000 луѓе, со што земјата стана петта во светот, а во текот на изминатите три дена бројот на починати се зголемуваше за повеќе од 800 дневно. – Италијанските медиуми пишуваат дека полицијата која проверува дали граѓаните ги почитуваат мерките за ограничено движење, понекогаш во тоа и претерува. Карабињерите напишале казна од 533 евра на родители, кои со автомобил ја воделе осумгодишната ќерка на контрола во болница, по направена трансплантација. Медицинска сестра, по 24-часовно дежурство, останала без можност да се врати во својот дом, откако полицијата го запрела нејзиниот сопруг кој требал да ја земе и го казнила со 533 евра. Еден маж е казнет со 280 евра, откако полицијата го сопрела и се посомневале дека неговата фризура е уредно потстрижена и средена, во време кога сите бербери и фризери не работат.

Состојба со коронавирусот во светот до 13 часот: Според најновите податоци, во светот има 1.934.977 лица заразени со новиот коронавирус

Тале Кристо — Tue, 14 Apr 2020 11:12:37 +0000

Според најновите податоци, во светот има 1.934.977 лица заразени со новиот коронавирус. Од нив починати се 120.438 луѓе, а оздравеле 456.841. – Возачите на автобуси во Велика Британија стравуваат за своите животи откако одреден број нивни колеги починаа од Ковид-19, соопшти денеска претставникот на синдикатот за патнички превоз Боби Мортон. – Слушам страшни работи секој час, секој ден. Тие седат во автобуси и секој ден работат со готовина, што значи дека секоја секунда виросот може да се пренесе на нив, изјави Мортон за Би Би Си. Градоначалникот на Лондон Садик Кан вчера соопшти дека 21 возач во Лондон починале од вирусот, од кои 15 се возачи на патнички автобуси. – Бројот на излекувани лица од коронавирус во Санкт петерсбур се зголеми на 163, соопшти денеска регионалниот оперативен штаб и додаде дека бројот на илзекувани се зголемил за 85 во изминатите 24 часа. – Европската унија ги повика црногорските власти да го изнајдат вистинскиот баланс меѓу почитување на слобода на изразување и пропорционално постапување кога се обидуваат да избегнат ширење паника и лажни вести. „Слободата на изразување е фундаментална вредност на ЕУ и круциален елемент во процесот на пристапување на Црна Гора кон ЕУ“, се наведува во соопштението од портпаролката на Европската комисија Ана Писонеро, јави РТЦГ. – Благодарејќи на дисциплината, издржливоста и единството, Австрија денеска може да почне постепено олабавување на рестриктивните мерки, воведени поради епидемијата на коронавирус, изјави австрискиот канцелар Себастијан Курц. Тој оцени дека земјата се наоѓа на добар курс, поради што се отворени помалите продавници. сепак, Курц предупреди дека и натаму остануваат во сила мерките кои бараат од граѓаните држење физичка дистанца, носење маски и излегување од дома само поради купување, посета на лекар, на работа или за помош на други лица. – Канцеларијата за национална статистика на Велика Британија соопшти дека 6.235 лица во Англија и Велс починале од 3 април досега од Ковид-19. – Лондонскиот аеродром Хитрои, еден од најпрометните во Европа, предвидува дека бројот на патици во април ќе се намали за над 90 отсто, бидејќи огромен број луѓе не можат да патуваат поради ограничувањето на слободата на движење. Преостанатите 10 проценти, или околу 680.000 луѓе се Британци кои се враќаат од странство или странски државјани кои заминуваат во своите матични држави. – Хрватскиот микробиолог Гордан Лауц, врз основа на податоци објавени во списанието Њу Ингланд џурнал оф медицин, тврди дека голем дел од популацијата нема ни да знае дека имала коронавирус. – Во изминатите 24 часа во Романија почина уште едно лице од Ковид-19, со што смртниот биланс во земјата се зголеми на 332. – Полскиот министер за здравство Лукаш Жумовски изјави дека таа земја од недела, 19 април ќе почне со олеснување на рестриктивните мерки. Први, најверојатно, ќе бидат отворени продавниците. Од четврок, во Полска ќе бидат задолжителни заштитни маски за лице при излегување од дома. Владата размислува и за укинување на забраната за посета на шуми и национални паркови. До синоќа, во Полска се регистрирани 6.934 случаи на заразени со коронавирус и 245 починати. – Русија денеска информираше за 2.774 новозаразени со коронавирус во еден ден, со што вкупниот број во земјата се искачи на 21.102. Состојбата во Москва е најдраматична, каде е најголемото жариште на епидемијата во таа земја, па руската престолнина се соочува со недостиг на болнички легла. – Во пакистанскиот град Карачи, полицијата запечати населби каде има голем ризик за ширење на епидемијата и ги блокираше сите влезови и излези од градот со помош на бродски контејнери, јави Би Би Си.

Состојба со коронавирусот во светот до 13 часот – Австрија, по Велигден би можела постепено да ги укинува мерките против ширење на заразата

Тале Кристо — Sun, 05 Apr 2020 11:27:11 +0000

Според најновите податоци, во светот досега се регистрирани 1.214.487 лицa заразени со новиот коронавирус. Од нив починати се 65.605, а оздравеле 253.626 луѓе. – Речиси 60 војници се заразени со коронавирус во Србија. Во периодот од 13 до 16 март тие биле ангажирани за прием на луѓе кои пристигнувале од странство,појасни српскиот претседател Александар Вучиќ. – Тие примија тежок удар. Станува збор за десетици луѓе. Тогаш е јасно со што се соочувале. Им благодариме за тоа и се надевам дека ќе се опорават, рече Вучиќ. – Австрискиот канцелар Себастијан Курц изјави дека постои можност Австрија, по Велигден, постепено да ги укинува мерките против ширење на заразата. – Австрија е на добар пат. Зад нас е долг пат, иако ние се уште не сме на врвот на епидемијата, но полека можеме да размислуваме за тоа како чекор по чекор да се намалуваат мерките, рече Курц. – На подрачјето на Република Српска евидентирани се три нови случаи на коронавирус во последните 24 часа, со што бројот на вкупно заразени се искачи на 302. – Велика Британија очекува дека ќе го достигне врвот на епидемијата за десетина дена. Потоа кривата на раст би можела да почне да затапува, предвиде водечкиот епидемиолог Нил Фергусон. – Имаме одредени знаци дека епидемијата забавува, рече тој. – Во Германија досега од Ковид-19 починаа 1342 лица. Во последните 24 часа починаа 184 заразени. Вкупниот број потврдени случаи се зголеми за 5.936 и сега изнесува 91.714 лица. – Бројот на заразени на Нов Зеланд надмина 1000, а стапката на зараза е ниска во однос на другите мерки поради почитување на мерките за физичко растојание и изолација, соопштија здравствените власти. Во земјата досега се позитивни 1.039 лица, што е за 89 повеќе од вчера. Од заразените, едно лице почина. – Индија, во голема мера, ќе го ограничи извозот на тестови за коронавирус со оглед на порастот на бројот на заразени и покрај строгите мерки. Во Индија веќе е воведена забрана за извоз на одредени лекови, респиратори, маски и друга заштитна опрема. – Бројот на смртни случаи во Иран достигна 3.603, соопшти денеска Министерството за здравство. Во последните 24 часа починале 151 лице. Од земјите на Блискиот Исток, Иран е најтешко погодена земја со вкупно 58.226 случаи. – Прв случај на коронавирус евидентиран во Јужен Судан, изјави денеска претседателот на таа африканска држава Ријек Маќар. Станува збор за 29-годишна пациентка, која на 28 февруари пристигнала од Етиопија и сега се лекува во изолација. – Во Хрватска денеска починаа две лица заболени од коронавирус, така што бројот на починати се искачи на 14. Заклучно со вчера, во Хрватска има 1.126 потврдени случаи на збаолени од Ковид-19.

BO ЖИВО: Прес-конференција на Христијан Мицкоски во 13 часот

Тале Кристо — Sun, 05 Apr 2020 10:28:35 +0000

Лидерот на ВМРО-ДПМНЕ Христијан Мицкоски денеска во 13 часот ќе одржи прес-конференција во седиштето на партијата. На истата Мицкоски ќе се осврне на актуелните теми во нашата земја. Неговото обраќање во живо можете да го проследите на нашиот портал со почеток точно во 13 часот. https://www.facebook.com/MickoskiHristijan/videos/530842651187007/

Состојба со коронавирусот во светот до 13 часот: Вкупно регистрирани 1.030.325 заразени лица

Тале Кристо — Fri, 03 Apr 2020 11:13:52 +0000

Според најновите податоци, во светот досега се регистрирани 1.030.325 лицa заразени со новиот коронавирус. Од нив починати се 54.207, а оздравеле 219.905 луѓе. – Германската канцеларка Ангела Меркел денеска излегува од дводневен карантин, откако и третиот тест и беше негативен на коронавирус. – Канцеларката денеска се враќа на своето работно место во канцеларија. Секако, со почитување на правилата за физичка дистанца, изјави портпаролот Штефен Зајберт. – Бројот на заразени со коронавирус во Словенија вчера се зголеми за 41 лице и сега има вкупно 938 инфицирани. – Лондонскиот аеродром Хитроу најави дека поради намалениот број летови ќе затвори една од двете писти за слетување. – Пакистанската полиција најви дека денеска ќе ги спречува верниците да одржат молитви во џамиите за да се спречи проширување на коронавирусот, откако минатонедлениот апел не даде резултат. – Здравствените експерти предупредуваат на опасност од ширење епидемијата во јужна Азија, дом на една петтина од светската популација со лошо јавно здравство. Пакистан досега потврди 2386 случаи на инфекција со коронавирус, што е најмногу во јужна Азија. Бангладеш е дом на околу 160 милиони луѓе и е една од најгусто населените земји во светот. Досега бележи 56 случаи, од кои шест се фатални. Индија има 2069 инфекции, со 53 смртни случаи. Овие бројки се мали во споредба со САД, Кина, Италија и Јапонија. – Унгарија ќе воведе нов фонд за пандемијата и до вторник ќе ги разработи деталите за најголемиот економски пакет стимуланси, рече премиерот Виктор Орбан, додавајќи дека плановите првенствено се насочени кон зачувување на работните места. Здравствените работници ќе добијат бонус оваа година во висина од 1.500 долари како компензација за дополнителниот обем на работа и ризици во борбата против коронавирусот, рече тој. – Бројот на починати од Ковид-19 во Иран за едно деноноќие се зголеми за 134 лица и сега изнесува 3.294 луѓе, соопшти претставникот на Министерството за здравство Кијануш Јаханпур. Во земјата се заразени 53.183 лица, а 4.035 се под надзор. Досега се опоравија вкупно 17.935 лица во Иран. – Амбасадорите на земјите-членки на ЕУ во Подгорица во заедничка изјава посочија дека се планира следната помош за Црна Гора од 8,4 милиони евра за здравствениот систем ќе биде дистрибуирана од 2021 година. „Европа се соочува со досега невидена, вонредна ситуација во јавното здравје, но дури и во овие тешки времиња, Европската унија е тука за нашите партнери од Западен Балкан – како сега, среде кризата, така и понатаму“, се вели во соопштението. .-Во Москва во последните 24 часа се регистрирани 448 нови случаи на заразени, со што вкупниот број се искачи на 2.923. Меѓу новозаразените, 199 се на возраст меѓу 18 и 45 години, 159 се на возраст од 46 до 65, а 73 лица се над 65 години. Меѓу новозаразените има и 17 деца, кои се ставени под медицински надзор. Од работната група посочуваат дека сите жители на Москва ќе мора да останат во своите домови до 1 мај.

Состојба со Ковид-19 во светот до 13 часот- Шпанија ја надмина Италија во бројот на смртни случаи во едно деноноќие

Дарко Андоновски — Thu, 02 Apr 2020 11:46:41 +0000

Според најновите податоци, во светот досега се регистрирани 950.708 лицa заразени со новиот коронавирус. Од нив починати се 48.311, а оздравеле 202.826 луѓе. – Во БиХ досега се потврдени 512 случаја на зараза со коронавирус. Дваесет се излекувани, а 15 починати. – Кина, каде епидемијата на новиот коронавирус првпат изби во декември минатата година, забележа помал број на новозаразени, но мерките кои го ограничуваат движењето се заострени во некои делови на земјата поради страв од појава на повеќе случаи на зараза од странство. Во државата вчера се пријавени 35 нови случаи на Ковид-19 и сите пристигнале од странство, соопшти Националната здравствена комисија. – Бројот на заразени со новиот коронавирус во Словенија се зголеми за нови 56 лица и достигна бројка од 897. Потврдено е дека од последици на вирусот починале 16 луѓе. – Јапонија во последните 24 часа потврди нови 97 случаи на коронавирус, што претставува најголем раст во еден ден. Вкупниот број на заразени во земјата сега изнесува 2.384 лица. – Според шпанските медиуми, во последните 24 часа починале 950 луѓе во државата, со што вкупниот број сега изнесува 10.003. Тоа е најголем број на жртви за едно деноноќие во Шпанија. Воедно ова е шести ден по ред во кој умираат над 800 луѓе во рок од 24 часа. Во земјата заразени се 110.238 лица, а повеќе од 54.000 се хоспитализирани. – Од коронавирусот дневно умираат по 748 луѓе во САД. – Во Албанија досега се потврдени 277 заразени случаи, а 16 се починати. Вкупно 79 лица се хоспитализирани, од кои седуммина се наоѓаат на интензивна нега. – Австрискиот министер за здравство Рудолф Аншобер изјави дека досега се спроведени 92.190 тестирања на коронавирусот, а деталната анализа покажала дека поголем дел од пациентите се заразиле во Австрија. – Бројот на починати од коронавирусот во Иран достигна 3.136, откако во претходните 24 часа починаа 124 луѓе, соопшти иранскиот министер за здравје Кијануш Јаханпур. Во земјата се регистрирани вкупно 50.468 заразени случаи со Ковид-19. – Поранешната инженерска единица на тимот Вилијамс на Формула 1 соопшти дека ќе помогне во производство на почетна серија од 5.000 респиратори за британскиот национален здравствен систем. – Во Република Српска во последните 24 часа се потврдени 24 нови случаи на заразени со новиот коронавирус и сега се вкупно 267, истакна министерот за здравство Ален Шераниќ. – Бројот на пациенти кои се заразени со Ковид-19 во Унгарија изнесува 585, а досега се починати 21 лице.