13 Ноември – Kurir.mk

Делегација од Коалицијата „За обнова на Македонија“ положи свежо цвеќе по повод 13-ти ноември

Тале Кристо — Sun, 13 Nov 2022 13:33:32 +0000

Положување на цвеќе по повод ослободувањето на градот Скопје, 13-ти Ноември. Во име на коалицијата предводена од ВМРО-ДПМНЕ за обнова на Македонија, која ја предводев како коалициски партнер од „Српската народна партија“ во Македонија. Како што во 1944 година е ослободен градот Скопје, така и Коалицијата за обнова на Македонија, ќе ја олободи државата од модерниот фашизам, кој е под закрила на сегашната владејачка структур во Република Македонија, пишува во својата објава Петар Милетиќ.

Тепачка за награди во на Мирчо Бишкарнико

Љупчо Цветановски — Mon, 15 Nov 2021 12:00:30 +0000

Понеделничка траги-пародија со Венко, Денко и Кастратенко. Да, нема - нема, па ќе ве потсетат кои се, што се и зошто не се со сите. Ова е една од ретките позитивни особини на забеганите северџанчиња, самобендисана владејачка каста која не може да издржи ни два дена без да направи некоја тешка глупост, скандал, криминал или идиотштина. Понекогаш тоа е пожар во кој горат живи луѓе поради нечии бизнис интереси, друг пат економија на колена поради нечија неспособност, трет пат корона шампиони по смртност заради партијска недоветност, па промена на име поради насушна потреба некој да владее, па на устав за да потврдат дека се сервилни потпикувачи, промена на историја за таа пуста фотелја и така редум... Уште една лоша навика им остана на другарчињата кои играат „ALL IN“, киднапирање пратеници за политички опстанок. Она, кога Кастриот стана Кастратенко, лош актер кому требаше да му дадат „Златна малинка“ - награда за најлоша глума. Така, од време на време Заевци ќе си киднапираат по некој пратеник, па пустите киднапирани ќе се вадат ли вадат идентично како во монтипајтоновата епизода со поменот за мафијашот тепач кога тепаните од маало сведочеа: „Супер човек беше, абе добричина. Од време на време ќе ми ја удреше главата од ѕид, па пукаше во нас, друг пат не гореше, некогаш и не сечеше кога не беше расположен, ама супер си беше, прекрасен чоовек...“ Шегата на страна, затоа што ѓаволот одамна ја однесе од и во Македонија, но аздисот со 13-то ноемвриските награди за Венко и Денко само покажа колку чедата комуњарски се саможиви и колку милуваат да покажуват мускули, дури и на заминување. Што беше ова „јачање“? Толку многу во стил на Заев, нели. Доживеав дебакл на избори, загубив ко Грчка на времето, но не загубив смисол за резил, нели? Да, ова беше само уште едно „ЕВЕ ВИ ГО НА!“ од мутринскиот простак кој обожуваа да покажува полови органи во јавност, човече кое нон-стоп заборава дека не е на пазар во Горни Милановац и дека не продава чушки, туку дека води држава. Северните соседи на насила северизираната Македонија би рекле: „Преварант гардеробу мења, али ќуд никада...“ Башка, ова е „наградна“ и надградна подготовка на другарчето му Венко кој ќе го замени на лидерскиот трон во СДСССССС. Кладба? И така, додека Тричко, Црничанец, Џабир, Најче, Јоци и Амон Мрак чекаат награда, а ние си чекаме власта демократски да се смени, Зочето по навика вели „мало сутра“ и си киднапира пратеници, небаре игра камај, криенка или продава скапани чушки во средина на вреќата. Работава се повеќе и повеќе е врвка, која ни се замотува околу вратот. Епа, ајде да прекинеме наградувања за изгорени четиринаесет живи душички и за човечка карикатура која не брука со изјави дека Мисирков бил Бугарин и дека сме краделе историја. Пофер ќе беше на сиромавиот кабел и на вонпарламентарниот Каракачанов да им ги доделеа... И да, се додека ние се однесуваме као да сме гости во сопствената татковина, североидните дилајли ќе се „понашаат“ како да се во на Мирчо Бишкарнико...

Арсовска: Да гледаме кон иднината и да ги надминеме разликите за Скопје повторно да биде град на солидарноста и соживотот

Катерина Бојаџиева — Sat, 13 Nov 2021 14:22:09 +0000

Во чест на 13 Ноември, Денот на ослободувањето на Скопје, делегации од земјава и од странство денеска положија цвеќиња пред Споменикот на ослободителите, на платото пред Владата. - Денес ја имаме можноста да живееме во слободен град, но тоа е и аманетот кој ни го оставија оние кои се жртвуваа за да имаме иднина. Да гледаме кон иднината, да ја живееме сегашноста надевајќи се дека ќе можеме да ги надминеме разликите и повторно да го направиме Скопје да биде град на солидарноста и на соживотот. Знам дека скопјани можат да се обединат и знам дека сите ние заедно ќе отпочнеме да реализираме визија за модерно, европско, поубаво Скопје. Не е важно само да го чествуваме овој ден. Важно е и секој еден ден да се сеќаваме на жртвата која борците ја дале, за денес да живееме во слободно Скопје и во слободна Македонија, рече Арсовска во своето обраќање на чествувањето пред Споменикот на ослободителите. Пред Споменикот на ослободителите се обрати и претседателот на градската организација на Сојузот на борците од НОАВМ, Наум Буревски кој порача дека борбата за слободно Скопје им припаѓа на сите граѓани на Македонија. - Ова е еден од најзначајните празници на Скопје. Денеска се потсетуваме на херојскиот чин на 12-та, 16-та и Третата ударна бригада кои што пред 77 години го ослободија Скопје. Во непосредна близина, кај тогашната Учителска школа, се водеше една од клучните операции за ослободување на нашиот град, каде што животот го положија многу борци – рече Наум Буревски, претседател на градската организација на Сојузот на борците од НОАВМ.

Трајановски: Делата оставени после секоја генерација остануваат да говорат, честит празник Скопје!

Катерина Бојаџиева — Sat, 13 Nov 2021 12:49:37 +0000

Поранешниот градоначалник на Град Скопје, Коце Трајановски, го честита „13- Ноември“ ден на ослободувањето на Скопје. -Денес навршуваат 77 години од херојскиот чин на плејадата борци кои ги заложиле своите животи за ослободување на Скопје. Скопје станува политички и културен центар на Македонија кој постојано расте и се развива. Да се заблагодариме на секоја генерација која допринела за Скопје да биде слободен и модерен град. Така и јас како градоначалник во двата мандата се трудев да допринесам за развојот на Скопје преку вложениот труд, многу работа и голема посветеност. Делата оставени после секоја генерација остануваат да говорат, честит празник Скопје!, пишува Трајановски на Фејсбук.

Заев со честитка на Фејсбук по повод 13 Ноември, Денот на ослободувањето на Скопје

Катерина Бојаџиева — Sat, 13 Nov 2021 11:39:37 +0000

Денеска го одбележуваме 13 Ноември, Денот на ослободувањето на Скопје. Ден кога пред 77 години борците од 42. и 50. Народноослободителна дивизија и 16. Македонска бригада, како и од другите партизански единици, станаа дел од завршните операции за ослободување од фашистичката окупација и за остварување на сонот за сопствена и самостојна држава, со Скопје како нејзин главен град, напиша премиерот Зоран Заев на „Фејсбук“. Ова, како што посочува Заев, е ден кога се сеќаваме на херојството, кога им се поклонуваме на жртвите, борците и на цивилното население кое заедно со партизаните се бореа за секоја улица на нашиот град, и се сеќаваме на радоста на скопјани и на ослободителите на развиеното знаме на слободата на тогашниот Офицерски дом. – Скопје памети многубројни закани и природни катастрофи, но градот секогаш повторно и повторно се кревал и закрепнувал и ги нижел своите победи. Победите на Скопје се неделиви од неговите скопјани чиј дух е запишан во бројни записи кои остануваат како сведоштва за взаемната љубов на градот и неговите граѓани, секогаш насочени кон подобра иднина на метрополата. Нека ни е честит и вековит 13 Ноември – Денот на ослободувањето на Скопје, напиша Заев.

Мицкоски: Нашите современи битки ќе бидат нашите заеднички победи, Скопје го чекаат подобри времиња

Ивона Петрова — Sat, 13 Nov 2021 10:29:56 +0000

Македонија и Скопје ја сакаат слободата. Скопје на пиедестал секогаш ја ставало борба за слобода, верувањето во принципи и надежта за иднината во која веруваме, пишува на Фејсбук претседателот на ВМРО-ДМНЕ, Христијан Мицкоски. -Луѓето кои за тоа се бореа пред 77 години се нашите херои денес, тие ја донесоа победата над фашистичкиот окупатор и нивна е славата, а заедничка е слободата. Таа слобода ја браниме и денес, и таквата љубов кон Скопје ја имаме и денес. Нашите современи битки ќе бидат нашите заеднички победи, нашето раздолжување кон градот на солидарноста, слободата и хуманоста. Скопје го чекаат подобри времиња, а новата иднина е нашиот сон за времето кое доаѓа, пишува Мицкоски. Со таа верба и непоколеблива надеж, среќен и вечен денот на ослободувањето - 13 Ноември, граду мој!, порача Мицкоски.

Скопје го одбележува 13 Ноември – Денот на ослободувањето

Ивона Петрова — Sat, 13 Nov 2021 08:07:42 +0000

Денеска се одбележува 13 Ноември – Денот на ослободувањето на Скопје во Втората светска војна. На 13 ноември 1944 година, борците од 42. и 50. Народнослободителна дивизија на македонската војска и 16. Македонска бригада го ослободија Скопје од фашистичка окупација. По неколкудневните тешки борби со припадниците на 22-та Гренадиска германска дивизија, составена од 47-от и 65-от полк и делови од 11-та воздухопловна десантна дивизија, како и со германската тврдинска бригада „Ангермилер“, која беше распоредена пред Качаничката Клисура, борците со победоносен марш влегоа во градот. По повод одбележувањето на 13 Ноември, борците од Народноослободителната антифашистичка војна ќе имаат средба со градоначалничката на Град Скопје, Данела Арсовска. По средбата предвидено е делегациите да положат цвеќе на Партизанските гробишта во Бутел и на вечното почивалиште на генерал Михајло Апостолски во Алејата на заслужни граѓани. Делегациите ќе положат цвеќе и пред Споменикот на ослободителите на Скопје, пред Владата на Република Северна Македонија. Во Филхармонија на Република Северна Македонија вечер ќе биде доделена и наградата „13 Ноември“. Од областа на науката добитници се: проф. д-р Денко Малески и д-р. Емил Нијами, автор, лектор и преведувач. Во образованието и воспитанието добитник е проф. д-р. Мишо Докмановиќ, а во публицистиката Слободан Петровиќ. Од областа на културата добитници се: Ирена Колиштрковска-Настева и Лилјана Пандева, писател, поет, прозаист, од областа на уметноста добитник е Емилија Џипунова. Од областа на здравствената заштита награден е тимот за имунизација од КОВИД-19 при Здравствениот дом – Скопје и медицински тим на доктори кои ја изведоа првата операција во Република Северна Македонија, имплантација на вагус нерв стимулатор, кај пациент со епилепсија отпорен на лекови. Од областа на меѓународна награда добитник е Раде Шербеџија. Од ученици и студенти добитници се: Сандра Недановска, од правни лица Институтот за македонска литература – Скопје и Основното училиште „Кирил и Методиј“ од село Стајковци, Општина Гази Баба.

Собраниска делегација ќе положи венци свежо цвеќе по повод 13-ти Ноември

Ивана Ефремовски — Fri, 12 Nov 2021 14:40:47 +0000

По повод 13 Ноември - Денот на ослободување на Градот Скопје, собраниска делегација во состав: Марија Георгиевска, Жаклина Пешевска и Даниела Марковска, ќе положи венци свежо цвеќе и тоа:

11:00 часот - Градски гробишта „Бутел“, на Партизанските гробишта;
11:30 часот - Алејата на великаните, Градски гробишта „ Бутел“, на гробот на генералот Михајло Апостолски;
12:30 часот - Пред Владата на Република Македонија, Споменик на ослободителите на Скопје.