13 ЗАГИНАТИ – Kurir.mk

Протести во Мјанмар, најмалку 13 загинати лица

Тале Кристо — Wed, 03 Mar 2021 14:10:12 +0000

Најмалку 13 лица загинаа денеска откако безбедносни сили отворија оган врз демонстрантите во Мјанмар. Меѓу загинатите, според локалните медиуми, е и еден тинејџер. Во мјанмарскиот централен град Монива убиени се пет лица, додека во градот Мингјан убиен е тинејџер. Загинати демонстранти има и во другите градови ширум Мјанмар каде се одржуваат протести. Протестите во Мјанмар почнаа откако армијата на 1 февруари воведе вонредна состојба и ја презеде власта во државата и уапси високи владини функционери под обвинување за измама на минатогодишните избори, меѓу кои и легално избраната премиерка Аунг Сан Су Чи. Власта ја презеде командантот на вооружените сили генерал Мин Аунг Хлаинг, кој смени 24 министри и заменици и именува 11 нови министри.

Најмалку 13 загинати во експлозија на подметната бомба во северен Авганистан

Тале Кристо — Sun, 11 Oct 2020 09:15:20 +0000

Најмалку 13 лица, вклучувајќи и тројца цивили, се убиени од подметната бомба крај пат во северната авганистанска провинција Сар-е Пул, соопштија денеска локалните властите, јави ДПА. Експлозијата, што се случила вчера во близина на истоимениот главен град на провинцијата, била проследена со голема размена на оган меѓу талибанците и авганистанските сили. Инцидентот траел шест часа. -Тројца војници се ранети, за ДПА изјавија советник и анонимен извор. Сар-е Пул отсекогаш бил бојно поле меѓу талибанците и безбедносните сили поради стратешкото место на северот на земјата. Талибанците веќе со години контролираат големи делови од покраината. Провинцискиот советник, Аминулах Ајдин, денеска изјави дека во последните 48 часа најмалку 46 авганистански војници биле убиени, ранети или заробени од талибанците во различни делови од оваа покраина, пренесе германската агенција. Во 2015 година оваа провинција прва падна во рацете на талибанците, откако нивниот режим се распадна во 2001 година по интервенцијата на САД.

Во автобуска несреќа во Виетнам 13 загинати

Магдалена Андонова — Mon, 27 Jul 2020 13:31:02 +0000

Тринаесет лица загинаа во сообраќајна несреќа во централниот дел на Виетнам кога автобус излетал од автопат и се превртел. Во несреќата има и повредени, пренесуваат виетнамските медиуми. Во автобусот имало околу 40 патници, кои се собрале да слават 30 години од матурирањето. Според преживеаните патници, возачот изгубил контрола над возилото, а најверојатно и сопирачките на автобусот не функционирале добро. Од почетокот на годинава, во сообраќајни незгоди во Виетнам загинале повеќе од 3.200 луѓе. (МИА)

Се урна зграда во Пакистан, 13 лица загинати

Тале Кристо — Tue, 09 Jun 2020 13:54:20 +0000

Најмалку 13 лица загинаа при уривање на зграда во пакистанскиот град Карачи, соопшти денеска локалната полиција. Спасувачките екипи пребаруваат под урнатините, во случај да откријат дали има други жртви. Меѓу загинатите се седум мажи, пет жени и едно девојче. Во инцидентот се повредени најмалку шест лица, а се стравува дека под урнатините има уште луѓе. Поголемиот дел од становите во зградата биле празни, бидејќи властите уште во март предупредиле дека не е безбедна поради полемите пукнатини во ѕидовите, но спасувачите велат дека дошло до уривање откако станарите влегле во зградата да ја земат својата покуќнина. Уривањето на згради е честа појава во Пакистан, бидејќи објектите имаат слаба конструкција и се изградени од лош материјал.

Најмалку 13 загинати во сообраќајна несреќа во Словачка

Дарко Андоновски — Wed, 13 Nov 2019 14:40:53 +0000

Најмалку 13 луѓе загинаа, а 20 се повредени при денешниот судир на автобус и камион во Словачка. Несреќата се случи во близина на градот Нитра, 100 километри источно од Братислава. Пожарникарите наведоа дека е можно да се зголеми бројот на жртви и на повредени.

Вкупно 13 загинати при уривање на казахстански воен хеликоптер

Дарко Андоновски — Wed, 27 Mar 2019 17:21:29 +0000

Вкупно 13 лица загинаа денеска при уривање на казахстански воен хеликоптер за време на воена вежба. – Хеликоптер на Министерството за одбрана се урна во регионот Кизилорда. Екипажот на хеликоптерот загина. Наредив започнување истрага. Мое сочувство до семејствата на загинатите. За нив ќе биде обезбедена материјална помош, објави на Твитер казахстанскиот претседател Касим-Жомрат Токаев. Казахстанското Министерство за одбрана соопшти дека хеликоптерот од типот Ми-8 се урнал за време на лет од градот Актау во западен Казахстан кон Шимкент на југоистокот на земјата. Причините за падот на хеликоптерот засега не се познати.