Поради Ковид-19 во Каталонија 14 дена ќе бидат затворени баровите и рестораните

Тале Кристо — Wed, 14 Oct 2020 15:45:48 +0000

Во шпанската покраина Каталонија од денеска во следните 14 дена ќе бидат затворени сите барови и ресторани, а се воведуваат и ограничувања за продавниците и парковите со цел да се запре ширењето на новиот коронавирус. На рестораните ќе им биде дозволено да служат храна за носење и достава. Шпанија со приближно 900.000 регистрирани случаи и над 33.000 починати луѓе стана жариште на пандемијата во Западна Европа. Мадрид и девет околни градови уште од минатата неделасе под делумна блокада.

Лекарите во одделот за трансфузиогија во Охрид се на 14 дневна изолација

Тале Кристо — Mon, 23 Mar 2020 16:07:33 +0000

Веќе неколку дена во карантин е одделот за трансфузиологија во Општата болница во Охрид, а сите вработени се во самоизолација. Станува збор за вработени, лекари и друг медицински персонал. Како што дознава Алсат, причината за ова е тоа што првиот жител на Охрид со Ковид 19 бил во овој оддел пред да му биде дијагностициран вирусот, односно нему му била земена крв за анализа. „Поради затворањето на одделот за трансфузиологија во Охрид, сите итни случаеви за крвни анализи се испраќаат во Центарот за дијализа во Струга. Неофицијално, овој оддел не работи од петокот“. Од Центарот за јавно здравје не го кажуваат точниот број на вработени кои се во изолација, туку само рекоа дека откако ќе заврши времето на изолација, ќе се види дали ќе бидат потребни дополнителни тестови и инспекции. За време на состанокот на координативното тело во Струга се разговараше и за можните локации на кои би можеле да бидат испратени евентуални пациенти од Струга. Како можни локации се споменуваат интернатот на средните училишта и некои хотели кои не работат во текот на зимата. - На неодамнешната седница на Советот за координација за моменталната состојба предизвикана од Ковид 19, одлучи граѓаните да ги следат упатствата за да го заштитат здравјето и благосостојбата на граѓаните. Свеста на граѓаните во овие моменти е многу важна бидејќи живееме во близина на градовите каде има случаи на заболени од Ковид 19. Апелираме за висока свесност и одговорност - велат од Општина Струга. Во охридско струшкиот регион изолирани се 549 лица. Од нив, 149 се во Охрид, 137 во Струга, 99 во Кичево и 146 во Дебар.

14 дена – Kurir.mk

Поради Ковид-19 во Каталонија 14 дена ќе бидат затворени баровите и рестораните

Лекарите во одделот за трансфузиогија во Охрид се на 14 дневна изолација