15 мај – Kurir.mk

Дневен хороскоп за 15 мај 2021: Што да очекуваат знаците од зодијакот денеска?

Тале Кристо — Sat, 15 May 2021 07:51:46 +0000

Овен Работа: Ве очекува нестабилна ситуација на ова поле денеска. Можно е да имате финансиски проблеми. Љубов: Можно е поранешната љубов да ви се врати во живот, некако нагло и неочкувано. Здравје: Проблеми со крвотокот. Бик Работа: Пред вас е период во кој ќе бидете под знак прашалник кога се во прашање важните работни одлуки. Љубов: Иако сте вљубени во својот партнер, кај него приметувате многу маани кои ви пречат. Здравје: Наклонети сте кон алергии. Близнаци Работа: Ве очекува напорен ден во кој ќе имате голем број на обврски и доста стресови. Љубов: Осамени сте и сакате нова љубов. Наскоро ве очекува интересно познанство со нова личност. Здравје: Проблеми со стомакот. Рак Работа: Имате прилика да ги докажете своите способности и да ги остварите амбициите кои долго ви биле на ум. Љубов: Очекувајте интересна средба со личност со која ќе посакате повеќе од пријателство. Здравје: Имате многу енергија во себе. Лав Работа: Малите пречки на полето работа може да ви внесат чувство нервоза и несигурност во себе. Љубов: Познанство кое ви се случило неочекувано, излегло многу интересно и сега сонувате за врска со таа личност. Здравје: Урогениталниот тракт е чувствилен. Девица Работа: Може да се надевате на подобрување на ситуацијата. Ве очекува поволен за нови работни решенија и одлуки. Љубов: Имате чувство партнерот не е сосема искрен кон вас, и се сомневате во неговите емоции. Здравје: Избегнувајте претерано мрсна храна. Вага Работа: Поволен ден да се свртите кон работење на работата која ја сакате и од хоби или талент да заработите. Љубов: Ви се појавува нова личност која со сите сили ќе сакате да ја освоите. Здравје: Проблеми со несоница. Шкорпија Работа: Доколку планирате работно патување, може да очекувате многу добар ден во кој трудот и патот ќе ви се исплати. Љубов: Уживате во убавиот однос со саканата личност. Имате добро сложување и убаво сте расположени. Здравје: Одлично се чувствувате. Стрелец Работа: Денеска можеби ќе имате прилика за вработување на кое долго сте чекале. Пред вас е поволен ден. Љубов: Можно е да постои доста несогласувања помеѓу вас и саканата личност и дека од таа причина сте незадоволни. Здравје: Менувајте ги лошите навики. Јарец Работа: Потребно е да поработите на својто став за да успеете да остварите подобар однос со соработниците. Љубов: Ви се допаѓа личност која наскоро ќе покаже дека ниту таа не е рамнодушна. Здравје: Потребно е ви е опуштање денеска. Водолија Работа: Бројни обврски ве очекуваат денеска. Подготвени сте максимално да се посветите на својата работа. Љубов: Подготвени сте да тргнете напред и да правите промени на љубовното поле во иднина. Здравје: Минлива главоболка. Риби Работа: Ако сте планирале да воведете некои новитети на полето работа, ќе бидете задоволни. Поволен ви е денот. Љубов: Пости некоја личност од минатото која и натаму ви е присутна во мислите. Не би било лошо да ја контактирате. Здравје: Болки во грбот.

Од 15 мај во оптек влегуваат првите полимерни банкноти

Дарко Андоновски — Wed, 18 Apr 2018 13:30:12 +0000

Од 15-ти следниот месец Народната банка на Република Македонија првпат воведува полимерни банкноти со апоенска вредност од 10 до 50 денари. - Од 15 мај годинава, Република Македонија ќе биде на мапата на државите чијашто централна банка има започнато процес на полимеризација на банкнотите на националната валута. Македонскиот денар ќе се вбројува меѓу валутите чии банкноти со пониска апоенска вредност, коишто се и најзастапени во одвивањето на готовинските трансакции, се изработени на најсовремен начин и од најсовремен материјал, соопштуваат од Народната банка на Република Македонија. Според банката оценува дека ваквите банкноти не се оштетуваат лесно, што не е случај со хартијата и имаат многу подолг век од хартиените. Анализите покажуваат дека животниот век на банкнотите изработени од полимер е подолг за 2,5 до три пати, а во некои случаи и за четири пати од оној на банкнотите изработени од хартијата во чијашто основа се памучни влакна. - Полимерните банкноти не може лесно да се скинат при секојдневна употреба, ниту, пак, може лесно да се оштетат при допир со вода, а се и неколкукратно поотпорни на влага во споредба со хартиените. Мошне важно, супстратот од којшто се изработуваат полимерните банкноти спречува апсорпција на нечистотија, со што овие банкноти не само што имаат подолг животен век од хартиените, туку се и похигиенски за употреба од страна на граѓаните, посочуваат од НБРМ. Додават дека покрај долгиот животен век на овие банкноти нивната употреба значи и заштеда на ресурси и средства бидејќи потребата од нови изданија со иста апоенска вредност во иднина ќе биде многу помала. Народната банка наведува дека изработувањето банкноти од многу тенка, флексибилна пластична фолија овозможува нивниот дизајн да содржи безбедносни карактеристики и заштитни знаци кои не може масовно да се репродуцираат со употреба на воспоставените техники за фалсификување банкноти. - Полимерните банкноти како заштитен знак можат да содржат и транспарентен прозорец, што не е возможно кај банкнотите од хартија изработена од памучни влакна. Производството на банкноти од полимер, сметаат од НБРМ, не само што се редуцираат трошоците на централната банка, туку се придонесува и за заштита на животната средина. - Истражувањата потврдуваат дека банкнотите изработени од полимер се поеколошки од оние коишто се изработени од хартија. Меѓу другото, на крајот на животниот циклус на парата, доколку е изработена од хартија, таа се поништува, се реже и остатоците се носат на депонија, односно се горат, додека доколку е изработена од полимер, по режењето, таа се рециклира заради нејзино натамошно користење за добивање материјал од којшто се изработуваат пластични предмети за секојдневна употреба. Анализите покажуваат и дека полимерните, за разлика од хартиените банкноти, се енергетски поефикасни во процесот на изработка. Исто така, фактот што банкнотите изработени од полимер имаат помала тежина од хартиените придонесува нивниот транспорт и нивната дистрибуција да се посоодветни за зачувување на животната средина, наведуваат од НБРМ. Појаснуваат дека полимерот овозможува на банкнотите да има втиснати ознаки во вид на издигнати точки, коишто се корисни за распознавање на различните апоени од страна на лицата со оштетен вид. Полимерните банкноти почнуваат со употреба во 1988 година и тоа во Австралија, денес се употребуваат во над 20 држави, меѓу кои, покрај Австралија се и Канада, Велика Британија, Нов Зеланд, Малдиви, Брунеи, Романија итн. Од 15 мај годинава, Република Македонија ќе биде на мапата на државите чијашто централна банка има започнато процес на полимеризација на банкнотите на националната валута. Македонскиот денар ќе се вбројува меѓу валутите чии банкноти со пониска апоенска вредност, коишто се и најзастапени во одвивањето на готовинските трансакции, се изработени на најсовремен начин и од најсовремен материјал. МИА