15 милиони евра – Kurir.mk

Јувентус не сака да му плати на Наполи 15 милиони евра за Милик

Тале Кристо — Mon, 28 Dec 2020 13:11:43 +0000

Напаѓачот на Наполи, Аркадиуш Милик е една од главните трансфер цели на Јувентус во зимскиот преоден рок. Сепак, клубовите сè уште не се во можност да се договорат за трансфер на играчот, објави инсајдерот Николо Скира на Твитер. Наполи бара 15 милиони евра за Милик. Јувентус смета дека оваа сума е превисока за играч во последната година од договорот. „Бјанконерите“ се надеваат дека сепак ќе се договорат со „наполитанците“ за намалување на цената на играчот. Во тековната сезона, 26-годишниот полски репрезентативец нема одиграно ниту еден натпревар, бидејќи не е вклучен во ростерот на Наполи.

Тотенхем има намера да го купи Бејл за 15 милиони евра

Тале Кристо — Tue, 10 Nov 2020 10:49:11 +0000

Напаѓачот на Тотенхем, Герет Бејл, кој во Лондон е на позајмица од Реал Мадрид, може да остане во тимот на Спарс, пренесува „Калчомеркато“. Според изворот, Тотенхем е подготвен да го откупи договорот на 31-годишниот Велшанец за 15 милиони евра. Бејл игра за Тотенхем од летото 2020 година. Според условите на зделката, „Реал“ му плаќа на играчот 415 илјади евра неделно. Во тековната сезона, Бејл има три натпревари и еден гол.

ЕУ одобри 15 милиони евра помош за реконструкција на 22 училишта во Албанија

Тале Кристо — Wed, 15 Apr 2020 16:52:07 +0000

Европска Унија и одобри фонд од 15 милиони евра за изградба и реконструкција на училишта урнати или оштетени од земјотресот што Албанија ја погоди на 26 ноември минатата година. Еден ден откако ЕУ одобри фонд во износ од 115 милиони евра за обнова на Албанија, канцеларијата на ЕУ во Тирана и албанската Влада ја потпишаа програмата „ЕУ за училиштата“со фонд од 15 милиони евра, што ќе биде наменет за обнова на 22 училишта, каде настава следат околу 7.500 ученици. – Ветивме помош и еве истата брзо ја доближуваме . Училиштата се најдоброто олицетворение на обновата и вербата во иднина. Отпочнуваме со помошта за училишта со највисоки меѓународни стандарди, а тоа е најдобрата акција што треба да се преземе. Одговорот на ЕУ уште еднаш покажува дека Албанија не само што е географски блиска, туку и блиска до нашите срца и мисли, изјави амбасадорот на ЕУ во Тирана, Луиџи Сореца. Министерот за обнова Арбен Ахметај рече дека соо вие средства училишни објкети ќе се градат и санираат во пет области, кои беа најпогодени од земјотресот, а реализацијата на проектот ќе го набљудува канцеларијата на ЕУ во Тирана. Во катастрофалниот земјотрес загинаа 51 лице, а материјаната штета се проценува на повеќе од една милијарда евра.