17 часот – Kurir.mk

Мицкоски од 17:00 часот гостин во вестите на МТВ

Тале Кристо — Thu, 29 Apr 2021 13:23:06 +0000

Претседателот на ВМРО-ДПМНЕ, Христијан Мицкоски попладнево од 17:00 часот ќе биде гостин во вестите на МТВ. -Во 17 часот гостувам во вестите на МТВ. Следете ме, објави Мицкоски на својата Фејсбук страница.

Следува полициски час од 17 до 05 часот за викенд?

Тале Кристо — Tue, 16 Mar 2021 09:02:06 +0000

Полициски час од 17 часот попладнето до 05 часот утрото, следниот ден од петок до понеделник е една од можните рестриктивни мерки кои се планираат за земјава за крајот на тековнава недела односно за викенд. Се размислувало дури и за целосен „локдаун“ во текот на двата дена од викендот, но таа опција сега е малку веројатна, тврди извор на Фактор кој потврдува дека од друга страна, заострувањето на рестрикциите е извесно, пишува порталот Фактор.мк. Од Министерството за здравство потврдуваат дека е можно да следува викенд во кој ќе има порестриктивни мерки за заштита, но дека нема таква одлука се уште. Дали ќе има ќе зависи од бројот на заболени и хоспитализациите во деновите до петок. Членови на Комисијата за заразни болести за Фактор велат дека нема најави за нови состаноци, а неофицијално тврдат дека нивната улога во последниот период е безначајна затоа што одлуките не се дискутираат на ниво како кога почна епидемијата на Ковид-19. Одлуката за заострување на мерките би можела да се донесе и поради зголемениот број на семејни собирања, но најмногу поради полнењето на кафулињата и рестораните особено во викенд деновите. Повеќе прочитајте ТУКА

Состојба со Ковид-19 во светот до 17 часот: Хрватска ќе почне постепено да ги олеснува рестриктивните мерки во борбата против коронавирусот

Тале Кристо — Thu, 23 Apr 2020 15:12:37 +0000

Според најновите податоци, во светот со новиот коронавирус досега се заразени 2.668.644 лица. Од нив починале 186.316, а оздравеле 730.987 луѓе. – Британските власти објавија дека започнуваат голема научна студија, со која ќе бидат земени примероци од многу луѓе во земјата за да се утврди присуството на антитела на коронавирусот. Според Министерството за здравство, до 300.000 луѓе ќе учествуваат во програмата за една година. Целта на студијата е да се утврди вистинските бројки на ширење на вирусот во Велика Британија. – Десетици демонстранти започнаа да се собираат во Тбилиси со барање за укинување на вонредната состојба воведена за да се спречи ширењето на коронавирусот, како и сите забрани во моментот во Грузија, јави грузиската телевизија Рустави-2. Вонредна состојба е во сила од 21 март. Во средата Парламентот ја продолжи до 22 мај. Бројот на заразени Грузија е 420, а 107 се излекувале. Во Грузија има 5.200 лица во карантин и 584 во болници. – Хрватска ќе почне постепено да ги олеснува рестриктивните мерки во борбата против коронавирусот, што ги воведе пред еден месец, со отворање на повеќе продавници и започнување јавен превоз следната недела, рече премиерот Андреј Пленковиќ. Земјата е блокирана од средината на март, оставајќи ги само отворени продавниците за храна, аптеките и бензинските пумпи. Досега има регистрирано 1.981 случај и 50 смртни случаи. – Индонезија утре привремено ќе забрани домашни и меѓународни летови и поморски транспорт, со некои исклучоци, за да спречи ширење на коронавирусот, соопштија денеска претставници на Министерството за транспорт. Забраната за летање ќе биде во сила до 1 јуни додека забраната за патување по море ќе биде на сила до 8 јуни.

Состојба со Ковид-19 во светот до 17 часот: Повеќето европски држави денеска соопштија дека ја совладале епидемијата

Тале Кристо — Wed, 22 Apr 2020 15:10:53 +0000

Според најновите податоци, со новиот коронавирус во светот се заразени 2.586.266 лица. Од нив починати се 179.929 , а оздравеле 705.814 луѓе. – Турција испрати 20.000 маски, 50.000 заштитни одела и 100.000 визири помош за пакистанските лекари. – Во Бугарија има вкупно 1.024 потврдени случаи на Ковид-19, соопшти Националниот оперативен штаб. Починати се 49 лица. – Повеќето држави од ЕУ денеска соопштија дека ја совладале епидемијата на Ковид-19, изјави заменик-претседателот на Европската комисија Марош Шефчович по состанокот на министрите за европски прашања. – Кина ја нарече „апсурдна“ тужбата против неа поднесена од американската држава Мисури поради пандемијата на коронавирусот. – Украинските власти ќе ги продолжат строгите карантински мерки до 11 мај, изјави денеска премиерот Денис Шмигал. – Авиони на Романските воени воздушни сили денеска од Турција во земјата ќе донесат 300.000 заштитни маски од типот FFP2 и FFP3, соопшти романското Министерство на национална одбрана. – Иран денеска соопшти дека има уште 94 починати од новиот коронавирус, и во исто време истакна дека продолжува тенденцијата на намалување на бројот на новозаразени. Вкупниот број на жртви во Иран достигна 5.391, а заразени се вкупно 85.996 луѓе. – Во Сингапур бројот на заразени се зголеми на 1-.141, откако во последните 24 часа се потврдени 1.016 нови случаи на коронавирусот.

Состојба со коронавирусот во светот до 17 часот – Заразени над 2,5 милиони лица, од кои починати се повеќе од 172 илијади

Тале Кристо — Tue, 21 Apr 2020 16:21:00 +0000

Според најновите податоци, во светот со новиот коронавирус досега се заразени вкупно 2.505.858 лицa. Од нив починати се 172.406, а оздравеле 659.691 луѓе. – Во САД се заразени 792.938 лица, а регистрирани се 42.518 смртни случаи. Шпанија е на второ место со 204.178 заразени лица, а 21.282 луѓе починаа во таа земја. Италија има 181.228 случаи на Ковид-19 и 24.114 починати. – Во Франција од новиот коронавирус се заразени 155.383 лица, а починаа 20.265, додека во Германија се заразени 147.103, но се забележани помалку смртни случаи – 4.862. – Велика Британија има 124.743 заразени и 20.265 смртни случаи, додека 90.980 заразени и 2.140 смртни случаи се регистрирани во Турција. – Турскиот претседател Реџеп Таип Ердоган изјави дека епидемијата на новиот коронавирус во Турција започнала да го достигнува платото. – Владата на Јужна Кореја испрати помош на Украина во вредност од 700.000 долари за борба против коронавирусот, соопшти денеска украинското Министерство за надворешни работи. – Шведскиот вирусолог Јохан Гисеке тврди дека досега 600.000 жители на Стокхолм се заразиле со вирусот Ковид-19 и дека 99 проценти од заразените не се свесни дека го имаат вирусот. Гисеке, кој е еден од најистакнатите вирусолози во Шведска, советник на шведската Влада и советник на генералниот директор на СЗО, за шведската телевизија СВТ изјави дека повеќето од заразените не го ни забележале тоа, но и дека имало некои кои имале благи симптоми, а некои кои биле тешко болни починале. – Ирак денеска ги олесни рестриктивните мерки воведени за спречување на ширењето на коронавирусот, дозволувајќи им на некои фирми повторно да започнат со работа. Владата соопшти дека е намален и полицискиот час. Мерките се преземени пред Рамазан, кој оваа година ќе се слави во поинакви услови. – Меѓународните владини и невладини организации и агенции на Обединетите нации, кои работат на искоренување на причините за екстремна глад, предупредија денеска дека пандемијата на вирусот Ковид-19 се заканува дека ќе предизвика криза со храна во најзагрозените земји.

Состојба со коронавирусот во светот до 17 часот – Повеќе од милион луѓе се заразени со новиот вирус во Европа

Тале Кристо — Wed, 15 Apr 2020 15:03:47 +0000

Скопје, 15 април 2020 (МИА) – Според најновите податоци, во светот со новиот коронавирус досега се заразени 2.025.004 лица. Од нив починати се 128.987, а оздравеле 492.833 луѓе. – Од вчера во Велика Британија починаа 761 лице, со што вкупниот број смртни случаи од Ковид-19 во таа земја се искачи на 12.868. Бројот на позитивни случаи во последните 24 часа изнесува 4.605, па вкупниот број заразени во Велика Британија се зголеми на 98.476 лица. – Американската одлука за стопирање на финансирањето на СЗО нанесува удар на меѓународната соработка која е нужна во борбата против пандемијата на коронавирус, предупредија голем број влади и здравствени експерти. Единствена грижа на СЗО е помош при спасувањето ѓивоти и ставање крај на пандемијата на Ковид-19, порача на Твитер претседателот на таа агенција на ОН Тедрос Тедрос Адханом Гебрејесус, не спомнувајќи ја американската одлука. – Високиот претставник за надворешна и безбедносна политика на ЕУ Жозеп Борел изрази жалење поради одлуката на американскиот претседател Доналд Трамп за запирање на финансиската поддршка за СЗО. – Длабоко жалам поради американската одлука за премин на финансирањето на Светската здравствена организација. Нема причина која би го оправдала таквиот чекор, во момент кога помош во сузбивањето на пандемијата на коронавирус е попотребна од кога и да е. Единствено со заеднички сили можеме да ја надминеме оваа криза, која не познава граници, порача Борел преку Твитер. – Велика Британија не планира запирање на финансирањето на СЗО, која има важни улоги во водечкиот глобален здравствен одговор, изјави портпаролот на британскиот премиер Борис Џонсон. – Германскиот министер за надворешни работи Хајко Маас упати остра критика по одлуката на Трамп. – Една од најдобрите инвестиции во борбата против пандемијата е јакнење на ОН, посебно недоволно финансираното СЗО, на пример за развој и дистрибуција на вакцини и тестови, истакна Маас. – Руската новинска агенција ТАСС објави дека потегот на Трамп за Москва е „себичен“ и „многу алармантен“. – Новиот седумгодишен буџет на Европската унија ќе биде нејзин одговор на коронакризата и ќе мора да послужи како лост за големи инвестиции, чија вредност ќе биде изразена во трилиони, а не милијарди евра, изјави претседателката на Еврокомисијата Урсула фон дер Лајен. – Кони Титчен, 106-годишна жена од Велика Британија отпуштена е од болница после три недели. Таа се опорави од коронавирусот. – Србија потврди 408 нови случаи на заразени со коронавирус. Во таа земја вкупно се заразени 4.873 лица. Министерот за здравство Златибор Лончар изјави дека во домовите за нега на стари и изнемоштени лица заразени се 234 корисници и 32 вработени. Во србија хоспитализирани се 3.245 заразени. Во последните 24 часа починале пет лица, со што смртниот биланс од Ковид-19 во Србија се искачи на 99. – Од вчера до денеска Холандија потврди нови 734 случаи на коронавирус, со што вкупниот број се зголеми на 28.153 лица. Освен тоа, во последните 24 часа починаа 189 лица, а вкупниот број смртни случаи изнесува 3.134 лица. – Африканската подружница на СЗО ги предупреди граѓаните на тоа дека конзумирањето алкохол не штити од коронавирус и потенцира дека 5Г мрежите не помагаат за ширењето на вирусот. – Повеќе од милион луѓе се заразени со коронавирус во Европа, што претставува над половина од вкупниот број заразени во светот.

Состојба со коронавирусот во светот до 17 часот: Во Кина забележан и нов случај на локална зараза

Тале Кристо — Fri, 27 Mar 2020 16:38:06 +0000

Според најновите податоци, во светот досега се регистрирани 566.064 лице се заразени со новиот коронавирус. Од нив починати се 25.422, а оздравеле 129.357 лице. – Бројот на потврдени случаи на заразени со коронавирус во Холандија се зголеми за 1.172, односно 16 проценти, и достигна 8.603, соопштија здравствените власти. Со новите 112 смртни случаи, вкупниот број на починати е 546 лица. – Еден град и четири села во турската провинција Ризе, која се наоѓа на брегот на Црно Море, се ставени во карантин поради пандемијата од коронавирус. Тоа е прв таков случај во Турција од појавата на Ковид-19 во оваа земја. – Во Јужна Кореја се пријавени 91 нов случај на коронавирус, со што вкупниот број на заразени се зголеми на 9.332, соопшти јужнокорејскиот Центар за контрола и превенција на болести. Бројот на смртни случаи се зголеми за уште 13 и сега изнесува 144. – Бројот на починати од Ковид-19 во Швајцарија се зголеми на 197. Билансот на заразени лица, исто така, се зголеми и изнесува 12.161. – Во Србија почина уште едно лице како последица на коронавирусот, што е осма жртва на оваа болест во земјата. Потврдени се и 71 новозаразено лице, по што вкупниот број сега достигна 528. – Шведската Влада одлучи да ги забрани сите јавни собири на повеќе од 50 луѓе со цел да се спречи ширењето на коронавирусот, заострувајќи ги н тој начин мерките, кои се благи во однос на другите европски земји. – Во Австрија бројот на заразени се зголеми на 7.040 лица, а починати се 58 лица, изјави австрискиот министер за здравство и социјална работа Рудолф Аншхубер, додавајќи дека земјата допрва го чека пикот на епидемијата. – Во Велика Британија во последните 24 часа починале 181 лице од новиот коронавирус, со што бројот на смртните случаи достигна 759 лица. Тоа претставува пораст од 31 процент, што е седми најголем пораст на светот по Италија, Шпанија, Кина, Иран, Франција и САД. – На техничката влада во Белгија и се дадени овластувања за борба против новиот коронавирус. – Кина ги затвори границите за голем број странски државјани, забележан е и нов случај на локална зараза. – Русија размислува за воведување ограничувања на извозот на житарици поради епидемијата на Ковид-19.

Состојба со коронавирусот во светот до 17 часот: Во Грција родено второ бебе од мaјка заразена со Ковид-19

Тале Кристо — Mon, 23 Mar 2020 16:20:54 +0000

Според најновите податоци, во светот досега се регистрирани 358.804 луѓе заразени со новиот коронавирус. Од нив починати се 15. 433, а оздравеле 100.645 лица. – Во Грција родено второ бебе од мјака заразена со коормнавирус – Според податоците на австриското Министерство за здравство до 15 часот, во таа земја се евидентирани 3.924 случаи на заразени со коронавирус, додека бројот на починати се зголеми на 21 лице. Од почетокот на епидемијата, во Австрија се спроведнеи 23.429 тестови. – Во Бугарија пријавени 11 нови случаи во изминатото деноноќие и сега во таа земја има вкупно 201 заболени од Ковид-19 и тројца починати. – Австрија по првпат од Втората светска војна ги мобилизираше воените резервисти, откако тие побараа да се вклучат во борбата против коронавирусот. – Бројот на лекари кои починаа од Ковид-19 во Италија се зголеми на 23, соопшти италијанската федерација на лекари. Од вкупно 23 починати, 19 работеле во најтешко погодениот регион во таа земја – Ломбардија. – Европската комисија издаде упатства до државите членки на граничните премини да воспостават т.н. „зелени ленти“ со цел да се овозможи непречен промет на стока на единствениот европски пазар. – Словенија потврди 442 случаи на заразени со коронавирус. земјата досега тестираше 13.812 лица. – Српскиот епидемиолог Предраг Кон изјави дека сега е време за носење маски и дека согласно сегашната епидемиолошка ситуација има смисла тие да се носат и во затворен простор. Тој соопшти дека став на кинеските експерти кои допатуваа во Белград е да се носат маски. – Мисијата на мировните мисии на ОН во јужен Либан соопшти дека еден од нејзините припадници е позитивен на коронавирус. Тој се наоѓа во целосна изолација во болница во накури. Во карантин се четворица припадници на мировната мисија кои имале контакт со него. Тројца се негативни, а за четвртиот се чекаат резултати. – Уште двајца лекари починаа во Франција, откако вчера беше соопштено за прв смрт на лекар од Ковид-19 во таа земја. – Германија забрани собир на повеќе од две лица на отворен простор доколку не се од исто домаќинство.

Состојба со коронавирусот во светот до 17 часот – Италија се соочува со најтешките моменти во историја

Тале Кристо — Fri, 20 Mar 2020 17:00:32 +0000

Според најновите податоци, во светот досега се регистрирани 256.879 луѓе заразени со новиот коронавирус. Од нив починати се 10.540, а оздравеле 89.920 лица. – Шефот за Организацијата за храна при ОН Дејвид Бизли е позитивен на новиот коронавирус. – Си Ен Ен јави за благо опоравување на американската берза. – Авионот од Кина, кој превезуваше над милион заштитни мерки за Чешка, слета денеска во Прага. – Њујорк во сабота во 8 часот ги затвора сите фризерски салони, берберници, студија за тетовирање и слични деловни субјекти. – Ер Канада привремено го отпушта кабинскиот персонал. – Њујорк за две до три седмици може да остане без медицинските потреби, соопшти портпаролката на градоначалникот. – Русија се залага следната недела да се одржи виртуелен самит на Г20, со цел најсилните светски сили заеднички да одговорат на пандемијата. – Најголем број на новозаболени на Тајланд за еден ден – 27. – Во САД во последните 24 часа има 4.500 новозаболени, јави Си Ен Ен – Италија се соочува со најтешките моменти во историја, изјави италијанскиот министер за здравство Роберто Сперанца, обраќајќи се на одборот во Националното здржение на лекари. – Претседателот на Зимбабве Емерсон Мнангагва се заблагодари на Кина и на други држави на помошта која ја дале за таа земја, која се обидува да се подготвува за епидемијата на коронавирус. Кина ја финансираше обновата и надградбата на водечкиот центар за изолација и лекување во Хараре. – Само неколку стотина верници се клањаа во комплексот на џамијата Ал Акса во Ерусалим, во споредба со околу 30 илјади, колку што обично присуствуваат на на верските обреди. – :Чилеанскиот Конгрес донесе одлука за одложување за шест месеци референдумот за уставни измени. Гласањето требаше да се случи на 26 април, но поради досегашните над 300 случаи на заразени од коронавирус, референдумот е одложен.

Состојба со Ковид-19 во светот до 17 часот: Во оваa земја од соседството започнаа да „фрчат“ казни поради кршење на препораките за самоизолација

Тале Кристо — Sat, 14 Mar 2020 16:19:14 +0000

Според најновите податоци, во светот досега се регистрирани 150.585 луѓе заразени со новиот коронавирус. Од нив починати се 5.618, а оздравени се 73.731. Хрватска – Властите почнаа со казни поради кршење на самоизолација Северна Ирска – Училиштата во Северна Ирска ќе се затворат на 16 недели, потврди премиерката Арлин Фостер. Таа нагласи дека школите нема веднаш да бидат затворени, но родителите да бидат подготвени за таква одлука. САД – Прв смртен случај во Њујорк – почина жена на возраст од 82 години. Повеќе од 20 милиони деца не одат во училишта. Сепак, целосно работат 130.000 приватни и јавни училишта. Британија – Бројот на смртни случаи за 24 часа зголемен двојно – починаа 11 луѓе, а вкупниот број сега е 21. Шпанија – Улиците во Мадрид, жариште на заразата во државата се празни. Дури 133 од 136 смртни случаи се во главниот град на Шпанија. Иран – Војската ќе почне со чистење улици, ќе бидат затворени голем број улици, продавнции и автопати во следните 24 часа за да се спречи ширење на епидемијата. Саудиска Арабија – Од утре прекинува меѓународниот авионски сообраќај за да се спречи ширење на коронавирусот.