Во Албанија од Ковид-19 починаа 18, а новозаразени се 801 лице

Тале Кристо — Fri, 04 Dec 2020 17:10:52 +0000

По благото опаѓање на бројот на заразени на дневно ниво, во последното деноноќие во Албанија, според Министерството за здравство и социјална заштита забележани се повторни високи бројки. -Во изминатите 24 часа од направените 2.264 тестови, опасниот вирус е дијагностициран кај 801 лице, што е 35,3 отсто од тестираните. Во исто време регистрирана е висока бројка на починати или 18 сите во болнички услови, додека вирусот го победиле 490 лица, информираше министерството. Моментно во четирите ковид болници хоспитализирани се 483 пациенти, од нив 35 се на интензивна терапија, додека 10 се интубирани. -За седум месеци, од почетокот на март, кога беа регистрирани првите случаи, до сега направени се 199.326 тестови, позитивни беа 41.302 лица, оздравеа 20.974, додека починаа 870 лица. Апелираме на строго почитување на мерките и препораките, со цел да го заштитиме сопствено и здравјето на нашите најблиски, -апелира министерството. Инаку и понатаму главно жариште на болеста е Тирана каде се 349 од новопотврдените случаи. Во главниот град се и 10.503 од вкупно активните 19.458. Поради тоа, како што претходно најави министерката Огерта Манастирлиу, в понеделник во Тирана ќе почне примената на брзите тестови. Рече дека набавени се 100.000 а набрзо ќе бидат обезбедени уште 300.000 брзи тестови.

Во Мексико од илегални пијалоци на база на метанол починаа 18 лица

Тале Кристо — Tue, 09 Jun 2020 12:47:04 +0000

Уште десет лица во Мексико починаа како резултат на труење откако конзумирале фалсификувани пијалоци направени на база на метанол, со што бројот на смртни случаи се зголеми на 18, потврдија надлежните органи. Властите во државата Гуреро на југот на Мексико соопштија дека 18 лица починале во планинската населба Тапа де Комонфорт, откако конзумирале пијалок сличен на текила од непознати производители. Поради симптоми на труење, хоспитализирани се 16 лица, а четворица се во критична состојба. Властите во оваа држава објавија дека пијалокот е означен како „дестилирана агава“, а од ова растение, слично на кактус, се добиваат текила и мескал. Од фалсификувани алкохолни пијалоци починаа стотина лица во Мексико од почетокот на пандемијата на коронавирусот, кога многу градови забранија легална продажба на алкохолни пијалоци.

18 починати – Kurir.mk

Во Албанија од Ковид-19 починаа 18, а новозаразени се 801 лице

Во Мексико од илегални пијалоци на база на метанол починаа 18 лица