18 – Kurir.mk

ПРЕМНОГУ Е! ОВА Е ПРОТЕСТ ЗА ПРОМЕНИ!: ВМРО-ДПМНЕ на 18-ти јуни на голем граѓански протест

Тале Кристо — Mon, 16 May 2022 20:18:22 +0000

ВМРО-ДПМНЕ на 18-ти јуни излегува на протест, одлучија вечерва на Извршниот комитет на партијата. Под слоганот „Протест за промени“, ВМРО-ДПМНЕ на 18-ти јуни, изјави вечерва членот на ИК на ВМРО-ДПМНЕ Тимчо Муцунски. Тој додаде дека активната блокада на Собранието и натаму продолжува. Во продолжение интегрален текст и видео од обраќањето на Муцунски: Вечерва заседава Извршниот Комитет на ВМРО-ДПМНЕ каде се разгледува актуелната состојба во државата. Членовите констатираа дека активната блокада на штетните политики во Собранието овозможи да излезе на виделина политичкиот пристап на власта. Отсуството на демократски капацитет на Владата се гледа со секој изминат ден. Почитувани претставници на медиумите, Најпрвин благодарност за вашиот интерес за добивање информација во однос на одлуките донесени на тековниот Извршен Комитет на ВМРО-ДПМНЕ. Истовремено морам да додадам дека на актуелната владејачка коалиција и дадовме доволно простор да покаже што знае и умее, но евидентниот заклучок е дека: 1.Поминавме преку исклучително тешка здравствена криза, во која за жал одговорот на истата беше ненавремен, и неефикасен, со голем број на изгубени човечки животи на нашите граѓани. Истовремено владините мерки за помош на приватниот бизнис сектор и загрозените категории на граѓани беа нецелосни и доведоа до уништување на голем број компании. 2.Не беа понудени навремени и кредибилни активности и мерки за соочување со енергетската криза, а за која постоеше кредибилни информации дека е повеќе од евидентна. 3.Владата не покажа адекватна способност за соочување со економската и финансиската криза, придружена со постојан пораст на цените и висок процент на инфлација кои удрија со максимален интензитет и целосно го соборија стандардот на граѓаните и ги зголемија трошоците на работење на компаниите. 4.Јавниот долг на државата се зголеми енормно. 5.Странските инвестиции се на исклучително ниско ниво. 6.Користењето на средствата за капитални инвестиции се на многу ниско ниво. 7.Неефикасната и неодговорна дипломатија не ги исполни дадените ветувања за формален почеток на пристапните преговори со ЕУ. 8.Функционирањето на правосудниот систем и понатаму е тема на загриженост од страна на меѓународните фактори од каде ни се упатуваат кредибилни забелешки. 9.Реформите на нефункционалната и дополнително партизирана администрација се во целосен застој. 10.Нетранспарентноста и високиот степен на корупција се уште претставуваат суштинска пречка за враќање на изгубената доверба на граѓаните во институциите на државата и политичарите. 11.За Инцидентите со автобуската несреќа кај Ласкарци, изгорената монтажна болница во Тетово и автобуската несреќа во Бугарија се уште нема никаков вид на одговорност. Доколку на тоа се додадат и резултатите од последните локални избори кои владејачката партија ги постави на ниво на одлучувачки во поглед на идното владеењето со државата и на кои ВМРО-ДПМНЕ извојува силна победа, повеќе од јасен е заклучокот дека единствениот излез од овие исклучително тешки состојби е одржувањето на вонредни парламентарни избори, а на кои граѓаните ќе одлучат кому ќе му ја дадат довербата да ја води државата. Вечерва заеднички се согласивме околу неопходноста за организирање на голем народен протест кој ќе се одржи на 18-ти јуни. Извршниот Комитет одлучи во наредниот период да продолжи активната блокада во Собранието на Република Македонија. А, воедно ја оставаме отворена вратата и за дополнителни чекори во периодот што следи. Подаваме рака и испраќаме порака за обединување на обесправените, сиромашните, стопанствениците, просветните работници, докторите, професорите, земјоделците. Напатениот народ на Македонија. Молкот не е опција! Протест за промени и подобар живот! ПРЕМНОГУ Е! ОВА Е ПРОТЕСТ ЗА ПРОМЕНИ! Основната причини за донесувањето на наведените одлуки, за жал е Отсуството на било каква подготвеност на премиерот и владејачка гарнитура за воспоставување на вообичаен политички дијалог со опозицијата и барем минимум државно единство во поглед на нашите барања за изнаоѓање соодветни излезни решенија околу одредени кризни состојби и предизвици со кои веќе подолг временски период се соочува нашата држава. Протестот очигледно е изнуден и повеќе од неопходен и затоа ги повикуваме сите граѓани да ни се придружат и во еден глас да соопштиме дека тие се оние кои ја даваат и одземаат довербата. Време е да се обединиме, а нашите граѓани се мудри и знаат да го направат вистинскиот избор. Повторувам, молкот не е опција! Протест за промени и подобар живот! ПРЕМНОГУ Е! ОВА Е ПРОТЕСТ ЗА ПРОМЕНИ!, рече Муцунски.

Дневен хороскоп за вторник, 18-ти јануари 2022-ра

Тале Кристо — Tue, 18 Jan 2022 08:28:08 +0000

ОВЕН Ова е уште еден работен ден каде што сѐ ќе се одвива со поспоро темпо, најмногу поради фактот дека е неопходно да ги почекате и другите соработници. Вишокот слободно време може да го насочите кон саканата личност, приоритет нека ви биде негувањето на постоечките партнерски релации.Немате здравствени проблеми. БИК Вториот работен ден во неделата за Биковите нооси помали застои во реализацијата на договорените работи, пре сѐ поради различните интереси и нелојалната конкуренција. Бидете упорни. Потрудете се што појасно да ја согледате комплетната ситуација, пред да повлечете одредени потези на љубовно поле. Здравјето е многу добро. БЛИЗНАЦИ И денеска ќе бидете многу ангажирани. Добро прочитајте што потпишувате. Вашите очекувања во љубовта во текот на овој ден не се големи, а може така е и најдобро. Ниту околностите, ниту пак разбирањето од другата страна е ви е наклонето. Контролирајте го крвниот притисок. РАК Напорите кои најтипичните Ракови ги вложуваат да се прилагодат кон професионалните околности конечно може да дадат резултати какви што се очекуваат. Повеќе убави работи може да очекувате денеска на љубовно поле, а најважната се однесува на пријатното изненадување од драга личност. Здравјето е одлично. ЛАВ Поради недостиг од вистинска поддршка, ова никако не е поволен работен ден за да можат Лавовите да ги изнесат идеите за започнување нови професионални проекти. Астролошките аспекти на љубовно поле денеска не ви се наклонети, доколку имате намера да разговарате за клучни теми и проблеми.Чувајте се од вирусни инфекции и настинки. ДЕВИЦА Релативно мирен работен ден ги очекува типичните Девици. Ова е можност малку подобро да се организирате и прилагодите на новите деловни трендови кои доаѓаат. Солиден ден во љубовна сфера кој може да го искостите на повеќе начини, а можеби најинтересно би било за разговор со саканата личност на тема иднина. Можни се стомачни тегоби. ВАГА Прилично напорен ден ги чека повеќето Ваги на деловно поле, особено во сегментот од работата кој се однесува на организација и планирање. Овој ден не би требало да биде поразличен од претходниот на љубовно поле. Убавата комуникација со саканата личност не треба да ја потцените.Зајакнете го имунитетот. ШКОРПИЈА Овој работен ден Шкорпиите треба да направат дополнителна лична реорганизација, пред да започнат било какви нови деловни обврски. Подолг разговор ве чека во сферата на љубовта, само што нема причина да се плашите бидејќи поле тоа треба да бидете задоволни со постоечката ситуација. Чувствителност во бубрезите. СТРЕЛЕЦ Не е лош ден за поголемиот дел од Стрелците успешно да ги завршат професионалните задачи. Недоволната јасна визија на иднината и недостиг од приоритетите, се главна причина поради која денес може да бидете малку изгубени кога станува збор за љубовта. Можни проблеми со крадиоваскуларниот систем. ЈАРЕЦ Денеска нема препреки на деловно поле за Јарците, иако не е исклучено многу енергија да потрошите при средувањето на документација. Многу внимание и позитивна енергија во текот на овој ден доаѓа до вас од страна на друга личност. Потрудете се да одговорите барем на приближно адекватен начин. И натаму ве мачар проблеми предизвикани од реума. ВОДОЛИЈА Без промени на вашето деловно поле во однос на претходниот ден. Обидете се некако да се повлечете за да работите на мир. Ова е ден во кој практично сѐ ќе ви оди од рака кога зборуваме за љубовта. Уживајте! Здравјето е многу добро. РИБИ Не се преоптоварувајте со дополнителни активности кои не ви се приоритет. Посветете доволно внимание на формалностите и документите од претходниот период. Не очекувајте големи промени на љубовно поле денеска, но вреди да се обидете барем малку да го привлечете вниманието на драгата личност. Потребна ви е физичка активност

Се очекува поскапување на струјата, ВМРО-ДПМНЕ нуди намалување на ДДВ-то од 18 на 5% на електричната енергија

Тале Кристо — Wed, 26 May 2021 11:16:06 +0000

Се очекува поскапување на електричната енергија во Република Македонија, а причината за тоа АД ЕЛЕМ и АД МЕПСО станаа загубари и натрупаа милионски долгови. Имено, државните електрани на крајот на март годинава должеле кон сите доверители, каде влегуваат и приватни фирми, но и институции од јавниот сектор, односно во бројки 6.079.544 евра. Во 2017 година АД ЕЛЕМ беше во одлична техничка и финансиска состојба, со реновирана главна опрема во термо и хидро централите, со финансиска резерва од 20 милиони ЕВРА, без долгови кон никого и сите финансиски обврски према странски и домашни доверители исполнети, а во моментов оваа компанија ги истрошила сите ресурси и затоа се очекува и поскапување на електричната енергија, со што власта како и секогаш порано ќе удри врз грбот на граѓаните. Дека се очекува поскапување на струјата неодамна во едно интервју потврди и премиерот Зоран Заев. Тој нагласи дека граѓаните треба да знаат дека сите инвестиции кои државата ќе ги прави во фотоволтаици, ветерници, гасни централи ќе чинат пари. -Сакаме зелена енергија, ќе поскапува и цената на струјата. Развиваме програми во кој што ќе создадеме фонд за обновливи извори. Следуваат сериозни предизвици, климатските промени си го носат своето, мора да бидеме составен дел од светот, имаме амбиција рамо до рамо со ЕУ, па дури и да бидеме порано од нив во делот на затворењето на РЕК Битола, Осломеј – рече Заев. ВМРО-ДПМНЕ исто така во 2017 година на новата Влада предводена од СДСМ и Зоран Заев му остави готови и спремни проекти за реализација на санација на електростатските филтри во РЕК Битола со затворена финансиска конструкција, готови проекти за решавање на проблемот со десулфуризација на издувните гасови, објавен тендер за помошна рударска механизација за РЕК Битола, модернизирани генератори, турбини и два котли во РЕК Битола, откриен јаглен за непречена работа на РЕК Битола за следните 7 месеци, одобрена физибилити студија и средства за рехабилитација на трета фаза на големите хидроцентрали, завидна резерва на вода во акумулациите за работа на хидроцентралите и многу други проекти, но недомаќинското работење на власта државните електани станаа загубари, а цената за неодговорноста на надлежните и одговорни лица треба да ја плаќаат граѓаните на Република Македонија. Опозициската ВМРО-ДПМНЕ и овој пат нуди друго решение, односно намалување на ДДВ-то од 18% на 5%, а на сметка на електричната енергија, а со цел да да се намали и ценовниот шок од поскапување на струјата, од која најмногу ќе бидат засегнати граѓаните.

Модерна: Нашите вакцини се ефикасни кај деца на возраст од 12-18 години

Тале Кристо — Tue, 25 May 2021 14:02:33 +0000

Компанијата „Модерна“ соопшти дека нејзината вакцина е 100 процентна ефикасна во испитувањата кај младите луѓе, исто како „Фајзер“, чија вакцина беше одобрена од Администрацијата за храна и лекови на САД (ФДА) за адолесценти на возраст од 12 до 15 години. Во студијата во која учествувале 3.700 млади луѓе на возраст од 12 до 18 години, немало симптоматски случаи на Ковид-19 меѓу оние кои примиле две дози од вакцината. Со оглед на тоа што меѓу децата и адолесцентите и онака има помалку случаи, истражувачите биле водени од дефиницијата на Американскиот центар за контрола на болести (ЦДЦ), која вклучува и поблаги случаи. Применувајќи ја дефиницијата на ЦДЦ за само еден симптом плус позитивен ковид-тест, истражувачите од Модерна регистрирале 93 проценти ефикасност после една доза. Компанијата соопшти дека немало сериозни несакани ефекти. Регистрирани се болка во раката, главоболка, замор и треска по втората доза. Сите оние кои учествувале во истражувањето ќе бидат следени во следните 12 месеци за да се обезбеди дека нема долгорочни ефекти.

Нови 18 случаи на Ковид-19 во Кичево, оздравеле пет лица

Тале Кристо — Tue, 11 Aug 2020 13:09:18 +0000

Нови 18 лица се заразени со коронавирус, а петмина се оздравено, покажуваат денеска податоците од Министерството за здраство за Кичево. Со тоа вкупниот број на заразени со Ковид-19 во оваа општина достигна 219 лице, од кои 133 се активни, 77 се излекувани и девет лица се починати. -Денеска кај нас имаме навистина голема бројка дури 18 новозаболени лица и сите се лекуваат во домашни услови под надзор на матичниот лекар, и се разбира дека со во изолација. За среќа пак имаме пет лица оздравено од коронавирусот, информира д- р Џабир Бајрами , член на Општинскиот кризен штаб во Кичево . Тој упати сериозен апел до сите граѓаните да се држат до препораките дадени од надлежните здравствени институции .

Франција се подготвува за 18-ти протест на „Жолтите елеци“

Дарко Андоновски — Sat, 16 Mar 2019 08:13:06 +0000

Франција се подготвува денеска за нов протест на движењето на „Жолтите елеци“ кои почнаа пред четири месеци, но ослабна во изминатите неколку саботи. Од почетокот на протестите загинаа 11 луѓе, главно во инциденти при блокади на демонстрантите. Во изминатите четири месеци на протестите беа повредени 1.500 членови на полицијата и 2.200 демонстранти.