1тв – Kurir.mk

Милошоски со огромен скандал, aудиo од Заев: Му помагавме лично на Боки за телевизијата, плус земаше пари од Силјан Мицевски

Предраг Кукиќ — Wed, 12 Feb 2020 10:40:48 +0000

Антонијо Милошоски на собраниската Комисија за европски прашања штотуку презентираше аудио снимка на која по се изгледа може да се препознае гласот на екс премиерот Зоран Заев. На снимката може да се чуе како Заев јавно признава дека ја помагал телевизијата на Боки Јовановски кој пак е првообвинет за Рекет заедно со Катица Јанева. Заев вели дека помошта била во пари поточно околу маркетингот на телевизијата, но и дека Бојан Јовановски земал пари од бизнисменот Силјан Мицевски. Од снимката која Милошоски вели дека ја добил од свиркач кој го замолил да се објави со цел јавноста да биде запознаена со неправдите, стои дека помагањето на телевизијата била неколкукратна, но и дека цело време екс премиерот бил во комуникација со првообвинетиот за Рекет, што е во спротивност со тврдењата на Заев дека тој немал никаква комуникација со Боки Јовановски. Милошоски ваквата аудио снимка ја презентираше токму на седницата на комисијата каде се дискутира спорниот закон за јавно обвинителство, каде според тврдењата на ВМРО-ДПМНЕ и голем број на експертите се крие амнестија на Заев од евентуални бомби и снимани разговори. Дали ова се бомбите поради кој Заев турка ваков закон останува да видиме. Во продолжение интегрално текстот од аудио записот: Зоран Заев- Но, му требаат пари во тоа телевизијата и. Зоран Заев- Му требаат пари за тоа телевизијата и само прави некои комбинации. Зоран Заев- Го прашав „Боки бе од каде бе тие парите за телевизијата“? Ми вика: „Имав еден фраер од Хрватска и од Циле, (Силјан Мицевски) што му легнаа пари тогаш за тоа старечките домови“. Зоран Заев- Ние на неколку пати така му помогнавме во телевизијата, главно за маркетинг, тоа беше уште порано лани октомври-ноември 2018-та година.

Пропадна продажбата на 1 ТВ, инвеститорот се повлекува

Предраг Кукиќ — Wed, 16 Oct 2019 14:01:33 +0000

Пензионерот Богдан Дамјановиќ кој склучи договор за купување на 1 ТВ ќе го раскине договорот, соопшти тој за ИРЛ. Дамјаноски рече дека инвеститорот во чие име настапува се премислил, бидејќи првичниот договор бил на помала сума, но откако УЈП ја блокирала сметката за неплатени даноци сумата се зголемила на околу 400.000 евра. Инвеститорот, чие име не сакаше да го открие, бил негов пријател кој живеел во Холандија и сакал да почне бизнис во Македонија. Првата опција била да ја купи телевизијата на Боки 13. „Трошоците енормно се зголемија и мојот клиент кој јас го застапувам реши да се откаже од купување на телевизијата“, изјави Дамјановиќ за ИРЛ.

Вечерва последно издание на Дневникот на 1 ТВ

Предраг Кукиќ — Wed, 24 Jul 2019 14:51:56 +0000

Новинарите и другите вработени од 1 ТВ заминуваат на колективен, принуден одмор, а вечерва ќе се емитува последното издание на Дневникот на телевизијата, пишува Независен. Колективниот одмор официјално почнува од денеска но вработените дошле за последното издание на вестите. Засега, неизвесно е дали понатаму ќе има други информативни изданија. Вработените што останаа во телевизијата остануваат во работен однос, но после 15 август ќе се знае дали ќе ја земат јулската плата. Сметката на телевизијата е блокирана, а на медиумот кој се претставуваше како брзорастечки, му се заканува згаснување откако неговиот неформален сопственик Бојан Јовановски познат во јавноста како Боки 13 беше уапсен и осомничен за случајот „Рекет“ што го отвори Обвинителството за гонење на организиран криминал и корупција.

Мирчевски го возврати ударот до 1ТВ по нивната објава: Пренесете дека ќе платам и дека сте “најгледани“ со рејтинг 0,9%

Ивана Ефремовски — Thu, 29 Nov 2018 14:09:30 +0000

Редакција на 1ТВ објави видео снимка на која, според очевидци, се забележува дека директорот на Канал 5, Иван Мирчевски добива казна од полицијата. -Иако, не може директно да се забележи дека станува збор за него, сепак тој ја потврдува информацијата, закануваќи дека ако се објави видеото ќе испрати тужба. Мирчевски за 1ТВ додаде дека возел со брзина од 70 километри на час, 20 километри над дозволената брзина и нема намера за прекршокот да уплати пари во државниот буџет. Наместо тоа ќе ја однесе возачката книшка да му пишат негативни 25 поени, објави телевизијата. 1ТВ пренесува дека по објавување на веста и видео снимката, Мирчевски повторно ја контактирал нивната редакција. -Овојпат со променета изјава дека допрва ќе одлучи на кој од двата законски начини ќе ја подмири глобата, а не пропушти ниту можност, со доза цинизам, повторно да го нападне работењето на 1ТВ, пренесува 1ТВ. Мирчевски им одговори дека треба да пренесат како што им кажал, не пропуштајќи да им објасни колкав рејтинг имаат како телевизија.

Мицкоски вечерва гостин на 1ТВ

Ивана Ефремовски — Thu, 22 Nov 2018 11:48:19 +0000

Лидерот на ВМРО-ДПМНЕ, Христијан Мицкоски, вечерва е гостин во 1ТВ. Разговорот со него ќе започне во 21 часот.

АВМУ констатира прекршување кај 1ТВ за правилата за објава на анкети

Ристе Здравков — Thu, 27 Sep 2018 09:23:10 +0000

Агенцијата за аудио и аудиовизуелни медиуми од спроведен надзор над медиумското преставување за време на референдумот констатира прекршување на правилата за објавување резултати од испитувања на јавното мислење на 25 септември 2018 година во програмскиот сервис на 1 ТВ. - Имено, 1 ТВ, на 25 септември 2018 година, во повеќе наврати ги објави резултатите од испитувањето на јавното мислење во врска со референдумот спроведено од агенцијата „Рејтинг“, а нарачано од 1 ТВ, откако заврши дозволениот период за нивно емитување, најдоцна пет дена пред датумот одреден за гласањето, односно во конкретниов случај до 24-ти септември 2018 година, наведуваат во соопштението од АВМУ. За сторениот прекршок, против 1ТВ, Агенцијата за аудио и аудиовизуелни медиумски услуги најавува дека ќе покрене прекршочна постапка пред надлежниот суд.

Две прекршочни постапки за референдумско рекламирање: АВМУ со мерки за 1ТВ и ТВ Сонце

Ивана Ефремовски — Mon, 24 Sep 2018 13:39:23 +0000

Агенцијата за аудио и аудиовизуелни медиумски услуги констатираше дека по јавното укажување од 14 септември, два радиодифузери од оние кои се предмет на надзор за начинот на покривање на референдумот не го усогласија емитувањето на платената јавна пропаганда со Упатството за медиумско претставување за време на референдум. -1ТВ не го почитуваше дозволеното време за емитување на рекламните пораки „ЗА“ референдумот, а ТВ Сонце рекламните пораки за „БОЈКОТ“ на референдумот, спротивно на правилата, ги емитуваше во повеќе изданија на посебни информативни програми. Против двата радиодифузера, Агенцијата ќе покрене прекршочни постапки за прекршувањата констатирани во периодот од 15 до 20 септември 2018 година. Извештаите од надзорот се достапни на веб страницата на Агенцијата www.avmu.mk. Дополнително, проверката на почитувањето на правилата за емитување платена јавна пропаганда во овој период, покажа дека кај неколку радиодифузери, на 20 септември 2018 година, има отстапувања во поглед на лимитите за емитување на рекламните пораки „ЗА“ референдумот. Доколку податоците од следните денови покажат дека не станува збор за ненамерни грешки, и за овие радиодифузери ќе следат мерки согласно регулативата, се наведува во соопштението на АВМУ.