2 милијарди евра – Kurir.mk

Австрија: Новата помош на компаниите проценета на 1,5 до две милијарди долари

Тале Кристо — Fri, 06 Nov 2020 14:07:51 +0000

Австрискиот министер за финансии Гернот Блуемел денеска соопшти дека се очекува Австрија да издвои околу две милијарди евра за да ги обештети компаниите за загубениот промет во ноември, кога поради пандемијата земјата ќе биде затворена. -Трошоците (мерките) ќе бидат некаде меѓу 1,5 и две милијарди евра, рече Блумел. Компаниите ќе може да очекуваат како помош 80 отсто од прометот што го оствариле минатата година. За да се обиде да го запре невиденото досега ширење на коронавирусот официјална Виена нареди сите ресторани, барови и кафулиња, освен оние со услуги за испорака, да се затворат до крајот на овој месец. Британските медиуми наведуваат дека се затворени и театрите, музеите и спортските сали.

Мицкоски до нацијата: Владата на Заев сите нас нe задолжи 2 милијарди евра, можете ли да се сетите барем на еден видлив проект со кој животот станал подобар?

Тале Кристо — Sun, 01 Nov 2020 09:14:34 +0000

Лидерот на ВМРО-ДПМНЕ, Христијан Мицкоски преку социјалната мрежа на Фејсбук прашува дали откако Владата на Заев сите нас нѐ задолжи 2 милијарди евра, можете ли да се сетите барем на еден видлив проект со кој животот станал подобар? Почитувани граѓани, почитувани уметници и културни работници, почитувани стопанственици, сопственици на мали и средни бизниси, почитувани доктори и здравствени работници почитувани работници, невработени, стечајци, почитувани земјоделци, почитувани професори, наставници, студенти, средношколци, почитувани синдикати, организации и здруженија, Владата на Заев сите нас нѐ задолжи 2 милијарди евра, можете ли да се сетите барем на еден видлив проект со кој животот станал подобар?, прашува преку својата објава Мицкоски.

Француското Здружение на потрошувачи бара од осигурителните компании да им вратат на граѓаните околу две милијарди евра

Тале Кристо — Mon, 27 Apr 2020 12:17:16 +0000

Здружението на потрошувачи „УФЦ-Ке шуазир“, бара од осигурителните компании да им ги вратат на своите автомобилски осигуреници уплатите бидејќи се намалени сообраќајните несреќи поради мерките на ограничување на движење поради новиот коронавирус, јави дописникот на МИА. Здужението наведува дека од почетокот на рестриктивните мерки на 17 март, бројот на телесните повреди во патниот сообраќај е намален за 91 отсто. Намалувањето на повредите доведе до заштеда од 1,4 до 2,3 милијарди евра. Ако сообраќајот стане нормален во јуни, тоа ќе претставува заштеда од 1,8 милијарди евра. Наспроти буџетската криза со која се соочени домаќинствата поради ограничувачките мерки, здружението „УФЦ-Ке шуазир“ побара од Министерството за економија и финансии да им наметне на автомобилските осигурителни компании да им ги вратат на осигурениците заштедите, со што ќе биде зајакнат буџетот на домаќинствата. Здружението бара намалување на уплатите за 50 евра за автомобил и 29 евра за мотоцикл. Ова намалување е легитимно, бидејќи законот за осигурување предвидува дека осигуреникот може да добие намалување на уплатата во случај на намалување на ризиците за времетраењето на договорот. Здружението, исто така им советува на осигурениците да им се обратат на своите компании со писмено барање за намалување на нивната котизација. Во меѓувреме, три осигурителни компании веќе најавија дека ќе им вратат дел од уплатите на своите осигуреници, поради намалениот ризик.

Македонија пред колапс, Заев обелодени: Недостигаат 2 милијарди евра

Тале Кристо — Fri, 27 Mar 2020 22:06:03 +0000

Македонија пред финансиски колапс. Претседателотр на СДСМ, Зоран Заев во интервју за емисијата “360 степени“, изјави дека во македонскиот буџет недостигаат две милијарди евра, при што додаде дека тоа не треба да се крие и дека тоа треба да го знаат граѓаните. Тој исто така истакна дека реализацијата на буџетските приходи ќе биде околу 30 – 40 проценти, што значи дека ќе недостигаат 60 проценти од планирана наплата во буџетот. -Мерката која ја предлагаме за кратење на платите на администрацијата можеби и нема да биде доволна затоа што недостигаат некаде околу две милијарди и 200, тоа се 60%, рече Заев. Тој додаде дека во моментов имаат усно одобрение за добивање на кредит во износ од 600 милиони евра, но тоа е малку затоа што до 2 милиарди и 200 имаме уште милиарда и 600 илјади евра. Но понудата на пари веќе не е така голема затоа што поголемите пари веќе ги земаа поголемите држави, рече Заев.

Анѓушев го разоткрива Заев: Буџетската дупка ќе биде 2 милијарди евра за плати

Тале Кристо — Thu, 26 Mar 2020 21:29:30 +0000

Во вечерашната емисија на ТВ21 „Клик плус“ поранешниот вицепремиер Кочо Ангушев во врска со предложените мерки од страна на Зоран Заев за кратење на платите на администрацијата, истакна дека во буџетот ќе фалат 2 милијарди евра пари -Вистинското прашање не е дали ќе се кратат платите или не, туку дали ќе можат да се поделат, затоа што во буџетот ќе фалат 2 милијарди евра. Тие 2 милијарди евра воглавно ќе треба да се трошат на плати, истакна Анѓушев. Тој вели дека ние можеме неколку месеци да делиме плати, но што ќе се случи доколку во буџетот ќе нема пари за плати и посочи дека вистинското прашање е дали може да се обезбедат и како ќе се обезбедат тие 3 милијарди евра задолжување. -Денеска во светот не се прашува дали треба да се задолжите, туку дали можете да најдете финансиски средства односно извори од каде би се задолжиле, вели Анѓушев. Тој истакна дека Германија прогласи 5% дефицит на буџетот односно направи пакет на економски мерки од 750 милијарди евра, во Америка отиде дефицитот над 10 % и кај нас ќе биде таа бројка сериозна. Доколку не се направи брзо задолжување и доколку не се обезбедат финансиски средства за покривање на дупките во буџетот ќе дојде до прашање можноста дали воопшто ќе се поделат плати, а не колкави ќе бидат тие.