200 илјади евра – Kurir.mk

Донев: Георгиески доби партиска наредба од СДСМ да реализира нови 32 вработувања во општина Охрид кои граѓаните ќе ги чинат над 200.000 евра годишно

Тале Кристо — Thu, 28 Jan 2021 11:46:52 +0000

Георгиески доби партиска наредба од СДСМ да реализира нови 32 вработувања во општина Охрид кои граѓаните ќе ги чинат над 200.000 евра на годишно ниво, реагира претседателот на ОК на ВМРО-ДПМНЕ - Охрид Сашо Донев. -Ваквиот однос на градоначалникот е крајно потценувачки и срамен, во услови на тешка економска криза, стопанство на колена, зголемен процент на невработеноста во Охрид. За партискиот послушник Георгиески нема пари за канализација во Лакочереј, Елшани, Трпејца, не го интересира тоа што во Ливоишта и Подмоље граѓаните се соочуваат со недостик на вода за пиење. Наместо да се зафати со ВИСТИНСКО спроведување на препораките на УНЕСКО и овие средства да ги намени на отстранување на диви градби (јасно е дека средствата одобрени од Влада се симболични) и финансирање на ДУП-ови за да не никнуваат нови диви градби, тој ќе вработува, вели Донев. Малку му се 250 вработени, па ќе вработува телефонист, разни администратори, лица за протокол и присилна наплата на даноци. Ги повикуваме советниците да не го поддржат предлогот на Георгиески, да застанат во одбрана на интересите на граѓаните кои ги гласале, порача Донев.

Требаше целото семејство да живее тука: Беквалац вложи 200 илјади евра во овој дом кој сега ќе остане празен (ФОТО)

Дарко Андоновски — Fri, 27 Apr 2018 11:54:08 +0000

Српската ѕвезда Наташа Беквалац во моментов поминува низ најтешкиот период во својот живот. Откако пред две недели пејачката брутално беше претепана од својот сопруг, а месец дена претходно се породи во моментов на пејачката и се срушија сите планови. Имено целото семејство требало да се пресели во новиот дом во кој пејачката вложила 200 илјади евра, а во моментов изградбата на куќата е во прекин, а пејачката стравува дека нема да може да ја заврши истата поради долговите на нејзиниот сопруг.

Home sweet home❤

A post shared by Nataša Bekvalac (@bekvalceva) on Apr 5, 2018 at 5:08am PDT

По овие гласини се огласи и лицето за односи со јавноста на пејачката. -Наташа во моментов е во многу лоша ситуација. Таа поминува низ многу тежок период во животот. Освен што беше физички нападната, таа е и во големи финансиски долгови. Таа доби и вознемирувачки повици од луѓе што и пренесоа дека нејзиниот поранешен сопруг ја исценирал кражбата на алатот и вредните работи од нивниот иден дом поради што истиот е во застој. Наташа не работи од октомври и таа е во голема економска криза, велат од агенцијата одговорна за односи со јавност на пејачката.

Огнена стихија пред Новата година: Изгоре познато кафуле во центарот на Прилеп, штетата над 200.000 евра

Дарко Андоновски — Sun, 31 Dec 2017 08:36:50 +0000

Според Станко Колески, командир на прилепската противпожарна единица, повикот за огнената стихија го примиле во 3:33 часот и веднаш интервенирале. Станувало збор за голема, опасна стихија во строгиот центар на градот која можело да се прошири на повеќе соседни објекти.

Штетите се огромни и првично се проценуваат на преку 200.000 евра.

- Пожарот прво почнал од покриената настрешница на кафулето, па се проширила на целиот објект. Дури беа зафатени и соседните објекти, од едната страна менувачница, а од другата аптека. Кафулето е пеплосано. Увид направи полицијата за да се утврдат причините за овој голем пожар. За 25 минути пожарот беше ставен под контрола и за неполн час беше изгаснат. Интервенитравме со две возсила и четворица пожарникари, изјави Станкоски.

При настанувањето на пожарот објектот бил празен, но било ангажирано обезбедување. Неофицијално, постојат сомнежи дека пожарот можеби бил подметнат.