Во Грција вакцинирани околу 200 илјади лица

Тале Кристо — Tue, 26 Jan 2021 14:57:08 +0000

Задоволство во врска со одвивањето на процесот на вакцинација во земјата, изрази грчкиот премиер Кирјакос Мицотакис за време на средбата со претседателката на Грција Катерина Сакеларопулу и објасни дека вчера биле вакцинирани речиси 20.000 граѓани, додека пак денеска или најдоцна утре ќе стигнат до вкупно 200.000 вакцинации, јави дописничката на МИА од Атина. Грчкиот премиер истакна дека процесот на вакцинација може да се спроведува и побрзо, но целосно се зависни од бројот на вакцини што земјата ги добива. Мицотакис рече дека се „многу емотивни сликите со возрасните граѓани кои со импресивна доследност се придржуваа до закажаните термини за вакцинација“, додека пак грчката претседателка истакна дека „даваат лекција на хуманост и одговорност“ и изрази надеж дека „нивниот пример ќе го следат сите граѓани, дури и оние кои сè уште се против потребата за вакцинација“. И Мицотакис и Сакеларопулу истакнаа дека епидемиолошките податоци покажуваат дека Грција е во многу подобра ситуација во споредба со повеќето европски земји. Денешната средба на грчкиот премиер и грчката претседателка беше во рамки на нивните редовни средби еднаш месечно.

Мицкоски: За 3 години се иселиле 200 илјади, тоа мора да се стопира и да се создадат услови за иднина

Тале Кристо — Sat, 01 Feb 2020 11:44:55 +0000

Несигурноста е сеприсутна, а огромен број на семејства едвај врзуваат крај со крај. Затоа и се иселуваат, а бројките се немилосрдни. За 3 години дури 200 илјади лица ги напуштиле родните огништа и ја побарале среќата некаде надвор, вели во интервју за Прес24 лидерот на ВМРО-ДПМНЕ Христијан Мицкоски. -Јас изминативе две години неколку пати ја поминав државата и низ сите градови и поголеми населени места. Точно знам што им е потребно и кои ќе бидат решенијата. Сега сум на терен меѓу луѓето во рамките на акцијата “Мицкоски со граѓаните”, а паралелно се одвива и акцијата “Обновата пред вашиот дом”. Број еден проблем на граѓаните се лошите услови за живот, економијата и растечката сиромаштија, вели мицковски во интревјуто. За 3 години дури 200 илјади лица ги напуштиле родните огништа, а како причина за тоа се криминалот, корупцијата и неправдите, додава МИцкоски. -Несигурноста е сеприсутна, а огромен број на семејства едвај врзуваат крај со крај. Затоа и се иселуваат, а бројките се немилосрдни. За 3 години дури 200 илјади лица ги напуштиле родните огништа и ја побарале среќата некаде надвор. Цели градови дополнително се празнат кога ќе треба да се оствари некоја сеознска работа во европските држави. А луѓето заминуваат затоа што се несреќни и немаат пари. Но пред се затоа што не гледаа иднина. Македонија е меѓу десетте земји со најголема невработеност на млади во Светот. Втор голем проблем е криминалот, корупцијата и неправдите. Македонија има урнисано судство и држава чии правни темели се на стаклени нозе, а тие се такви поради Зоран Заев и криминалните стурктури кои му слугуваат. Корупцијата е потврден проблем и од најрелевантните институции. Трансаренси не рангираше за најкорумпирана земја во Европа. А Заев за три години една правда не донесе, еден случај не реши, а како ќе реши кога во неговиот скут седат голем дел од оние кој порано тој ги нарекуваше криминалци и секако оние новофмирани газди со кој хара по државата. Третиот корупус на проблеми со кој се соочуваат граѓаните е загадниот воздух и екологијата, додава понатаму во интервјуто за Прес24 Мицкоски.

200 илјади – Kurir.mk

Во Грција вакцинирани околу 200 илјади лица

Мицкоски: За 3 години се иселиле 200 илјади, тоа мора да се стопира и да се создадат услови за иднина