200 милиони евра – Kurir.mk

Србија ќе добие 200 милиони евра од ЕИБ за ублажување на последиците од пандемијата

Тале Кристо — Wed, 30 Jun 2021 14:44:01 +0000

Со цел ублажување на последиците од пандемијата, Владата на Србија и Европската инвестициска банка (ЕИБ) потпишаа финансиски договор за заем вреден 200 милиони евра, со кој ќе се обезбеди поддршка на малите и средните компании и компании со средна пазарна капитализација. Договорот во Луксембург го потпишаа министерот за финансии Синиша Мали и потпретседателката на ЕИБ, Лилијана Павлова. – Овие 200 милиони евра заеми од ЕИБ ќе бидат искористени да бидат пласирани преку Фондот за развој на оние компании што се уште не добиле пари од државата, со цел да се ублажат негативните последици од пандемијата, рече Мали. Кредитите ќе бидат со поволни услови, но Мали не даде детали. Од вкупно 200 милиони евра, 110 милиони ќе бидат наменети за обртни средства, односно за помош за ликвидност, а останатите 90 милиони евра за инвестициски активности, односно за набавка на опрема со цел дополнително намалување на негативните последици на пандемијата.

Лотаријата Евромилион вечерва става во игра рекордна добивка од 200 милиони евра во прашање во петокот

Тале Кристо — Fri, 04 Dec 2020 17:05:25 +0000

Рекордна добивка од 200 милиони евра е ставена вечерва во игра од лотаријата Евромилион, што би претставувало најголема добивка во историјата на европската лотарија доколку се погодат точните броеви, јави дописникот на МИА. Доколку вечерва не е пронајдена точната комбинација на извлечените броеви, сумата ќе се врати во игра во четири последователни нерешени резултати, тогаш таа ќе се зголеми на 210 милиони евра. И така до 250 милиони евра, максимален плафон на лотаријата. Рекордната добивка во Франција е 170 милиони евра, освоена во Поморските Алпи во ноември 2012 година. Во Европа, тоа е 190 милиони, на неколку пати, последен пат во ноември 2019 година во Велика Британија.

Ла Лига ќе земе 200 милиони евра од натпреварите во САД

Дарко Андоновски — Fri, 07 Sep 2018 13:05:30 +0000

Натпреварот од шпанското првенство меѓу Жирона и Барселона 90 отсто ќе се одигра во САД, изјави шефот на Ла Лига, Хавиер Тебас. Тој откри дека лигата ќе заработи 200 милиони евра од натпреварите во Северна Америка. - Жирона - Барселона 90 отсто ќе се одигра во САД, но договорот не е само за еден натпревар. Станува збор за проект кој е многу поголем, коментира Тебас во интервју за радио „Онда Черо“. Ла Лига потпиша 15-годишен договор со американска компанија „Релевант“. - Организиравме аукција во која учествуваа многу компании. Од клубовите не се бара да играат еден натпревар годишно во САД. Само тимовите кои имаат желба ќе учествуваат во овие натпревари. Но, тоа е повеќе од еден натпревар. Станува збор за стратегија и спонзорство, додаде шефот на Ла Лига. Тебас потврди дека дуелот меѓу Жирона и Барселона ќе се игра на „Хард Рок“ стадионот во Мајами, кој е со капацитет од 65 илјади места.