2000 евра – Kurir.mk

Предложени казни од по 2.000 евра за за непочитување на полицискиот час

Тале Кристо — Wed, 27 May 2020 10:13:35 +0000

Скопје, 27 мај 2020 (МИА) – Против вкупно 21 лице Основното јавно обвинителство Скопје денеска поднесе предлози за издавање казнени налози заради непочитување на полицискиот час. Според ЈО, обвинетите не постапиле согласно Одлуката за забрана и посебен режим за движење на територијата на Република Македонија и биле затекнати како се движат на различни локации за време на полицискиот час. ЈО предложи парични казни од по 100 дневни глоби со висина на дневната глоба од 20 евра во денарска противвредност.

Предлог казни од по 2 000 евра за три лица во Битола кои не го почитувале полицискиот час

Тале Кристо — Tue, 14 Apr 2020 14:04:47 +0000

Основното јавно обвинителство Битола поднесе предлог казни во висина од по 2 000 евра против три лица кои не го почитувале полицискиот час. – Обвинетите на 13.04.2020 година за време на пандемија прогласена од страна на Генералниот секретар на Светската здравствена организација поради опасна заразна болест Ковид-19 поради што и е утврдено постоење на вонредна состојба на територијата на Република Северна Македонија сметано од 18.03.2020 година, не постапиле според прописите и наредбите со кои се определуваат мерки за нејзино сузбивање или спречување односно Одлуката за изменување на Одлуката за забрана и посебен режим на движење на територијата на Република Северна Македонија. Обвинетите за време на полицискиот час се движеле на повеќе локации каде биле затекнати од полициски службеници од СВР Битола, стои во соопштението на ОЈО. Јавниот обвинител од Основното јавно обвинителство Битола кој постапува по предметите поднел три предлози за издавање казнен налог спрема обвинетите со кои на Основниот суд Битола му предложи, на секој од тројцата обвинети да му изрече парична казна во висина од 100 дневни глоби при што вредноста на една дневна глоба да се определи во висина од по 20 евра во денарска противредност.

Предлог казни од по 2 000 евра за четири лица од Штип кои го нарушиле полицискиот час

Тале Кристо — Fri, 10 Apr 2020 11:20:56 +0000

Основното јавно обвинителство Штип поведе постапка и поднесе предлози за издавање казнени налози од по 2 000 евра за четири лица кои го нарушиле полицискиот час. – Сите обвинети во одделни кривично правни настани пеш се движеле низ градот иако во сила бил полицискиот час, воведен со одлука на Владата на Република Северна Македонија за да се сузбие ширењето на опасната заразна болест предизвикана од коронавирусот, стои во соопштението од ОЈО. Обвинителството со предлозите за издавање казнени налози побара од судот на обвинетите да им изрече парични казни во износ од по 100 дневни глоби, секоја од нив во висина од по 20 евра во денарска противвредност. Лицата се товарат дека сториле кривичното дело „непостапување според здравствени прописи за време на епидемија“ од член 206 став 1 од Кривичниот законик.

Казни од по 2.000 евра за 14 лица од Кочани поради непочитување на полициски час

Тале Кристо — Fri, 27 Mar 2020 18:53:07 +0000

Основното јавно обвинителство Кочани поднесе предлози за изрекување казни од по 2 000 евра за 15 лица за непостапување според здравствените прописи за време на епидемија, од кои на 14 за непочитување на полициски час и еден за прекршување на задолжителна самоизолација по враќање од странство. – Еден од нив, допатувал на 18 март во Република Северна Македонија од земја со среден ризик за зараза согласно Листата на Светската здравствена организација. При влез во земјата потпишал изјави за самоизолација и бил запознаен со мерката за задолжителна самоизолација согласно Одлуката за мерки за спречување на внесување и ширење на коронавирус – COVID-19. Но истата не ја почитувал на 19 март кога бил забележан од полициските службеници, се наведува во соопштението од ОЈО. За стореното кривично дело, Обвинителството побарало од судот на обвинетиот да му биде изречена парична казна во висина од по 100 дневни глоби, секоја во висина од по 20 евра во денарска противвредност. – Другите 14 лица за кои се поднесени предлози за издавање казнен налог, не ја почитувале Одлуката на Владата на Република Северна Македонија за забрана и посебен режим на движење со која се забранува движење на населението од 21 до 5 часот наредниот ден. Тие во одделни настани биле затекнати како одат пеш или патуваат со патнички моторни возила, со што го сториле кривичното дело кое им се става на товар, стои во соопштението од ОЈО. За секој од обвинетите Обвинителството предложи на судот да изрече парична казна во висина од 100 дневни глоби, при што вредноста на една дневна глоба да биде определена на 20 евра во денарска противвредност. Сите 15 лица се товарат дека сториле кривичното дело – „непостапување според здравствените прописи за време на епидемија“ од член 206 став 1 од Кривичниот законик.