2016 – Kurir.mk

Во Брисел почна судењето за терористичките напади од 2016 година

Тале Кристо — Mon, 05 Dec 2022 13:34:56 +0000

Во Брисел денеска започна судењето на десет исламисти за терористичките напади од 2016 година во кои загинаа 32 лица, а повеќе од 300 беа повредени.Најголемото судење во историјата на Белгија се очекува да трае седум месеци. Деветмина обвинети се товарат за повеќекратни убиства и обиди за убиства во терористички контекст и се соочуваат со доживотен затвор. Сите десетмина се обвинети за учество во активности на терористичка група. На еден од обвинетите ќе му се суди во отсуство, но се верува дека починал во Сирија. Белгиското судење се одвива пред порота. Одговорноста за нападите, од кои два беа извршени на аеродомот „Завентем“ во Брисел, а еден во метро станицата „Малбек“, ја презеде терористичката организација „Исламска држава“, истата џихадистичка ќелија што ги изврши нападите во Париз на 13 ноември 2015 година во кои загинаа 130 лица Во нападите беа убиени 15 мажи и 17 жени државјани на Белгија, САД, Холандија, Шведска, Британија, Кина, Франција, Германија, Индија, Перу и на Полска. Загинаа и тројца бомбаши самоубијци. Меѓу обвинетите е и Мохамед Абрини, кој со двајца бомбаши самоубијци се упати кон аеродромот, но избега без да го активира куферот со експлозив. Согласно белгиската судска практика, обвинетите не мораат да се изјаснат по обвинението. Обвинителите утре треба да започнат со читање на обвинението од 486 страници, по што ќе следи сослушување на 370 вештаци и очевидци. Судењето се одвива во поранешната централа на НАТО и ќе чини најмалку 35 милиони евра. Шестмина обвинети во јуни беа прогласени „виновни“ за учество во терористичките напади во Париз.

Во 2016 победи во „Ѕвездите на Гранд“, а оттогаш му се губи трага: Еве што се случува со ова момче…

Тале Кристо — Mon, 24 Aug 2020 09:49:44 +0000

Ибро Бублин, деветнаесет годишник од Сараево, победи на музичкиот натпревар „Ѕвездите на Гранд“ во 2016 година. Тој тогаш се уште беше малолетен, но младите години не можеа да ги намалат неговите исклучителни вокални способности. Му предвидуваа голема слава и кариера, меѓутоа по победата ретко се појавува во медиумите и песна се уште не снимил. Сепак, тој е доста млад и нема сомнеж дека неговото време допрва доаѓа. Од победата поминаа четири години, но како што може да се види од неговите нови фотографии, тој е речиси истиот.

Еве како Заев во 2016 година се колнеше дека нема да дојде до промена на името (ВИДЕО)

Тале Кристо — Fri, 10 Jul 2020 13:20:30 +0000

Лидерот на СДСМ, Зоран Заев за време на предвремените парламентарни избори во 2016 година се колнеше дека нема да дојде до промена на името на Македонија. Имено при едно негово интервју за една локална кумановска телевизија на прашењето дали може да дојде до промена на името на Република Македонија, Заев го одговори следното: -Додека дишам, додека го дишам овој македонски воздух и додека ме држи памет дека мојот дедо, мојот татко, сите мои предци, јас, мојот син, ќерка сме Македонци, родени овде во Македонија, тоа не може да се случи. И ее само тоа, верувам дека постои роден човек во Македонија да излези пред Парламент и да бара промена на Устав заради промена на уставното име, изјави во 2016 година лидерот на тогашната опозиција СДСМ, Зоран Заев. _Човекот кој се колне во најмилото –и лаже не смее да одлучува за тебе! На 15-ти Јули Македонија е во твоите раце, стои во објавеното видео на каналот на ЈуТјуб на ВМРО-ДПМНЕ.