2017 – Kurir.mk

Митески: Марин во 2017 година вети изградба на нова гимназија во Аеродром, после четири години гимназија нема!

Тале Кристо — Tue, 22 Jun 2021 08:01:54 +0000

Златко Марин во 2017 година вети изградба на нова гимназија во Аеродром. Да биде поубедлив во лажењето, смислил и име "Кузман Јосифовски - Питу". Мила Царовска во 2021 година вика дека гимназија нема, општината не доставила барање. Накратко, ве лажевме, пишува на социјалната мрежа на Фејсбук Дејан Митески од ВМРО-ДПМНЕ. -Изгубени во лагите. Златко Марин во 2017 година вети изградба на нова гимназија во Аеродром. Да биде поубедлив во лажењето, смислил и име "Кузман Јосифовски - Питу". Мила Царовска во 2021 година вика дека гимназија нема, општината не доставила барање. Накратко, ве лажевме. Сигурен сум дека СДСМ во 2021 година, пред локални избори, повторно ќе го вети овој проект. Но исто така убеден сум дека од позиција на опозиција нема да имаат можност да го реализираат. Аеродром ќе добие нов градоначалник и тоа е повеќе од јасно. Златко Марин ќе го заврши овој четиригодишен мандат со 0 (со букви: НУЛА) капитални проекти. А обвинувал дека претходно многу малку се реализирало. Златко, 0 поделено на 4 е НУЛА. Ете толку сработи овие четири години, пишува Митески во својата објава.

Стоилковски: Шилегов мора да сноси одговорност, лажеше во 2017, лаже и денес за рекреативниот центар Треска

Тале Кристо — Sun, 24 Jan 2021 11:00:50 +0000

Петре Шилегов во октомври 2017 година од СРЦ Сарај правеше пресови, организираше изборна кампања со настапи и посети заедно со наставници и професори од спортот и физичкото образование, ветувајќи со негови зборови враќање на сјајот на Сарај и заживување на спортските центри како Сарај, рече на денешната прес-конференција портпаролот на ВМРО-ДПМНЕ Наум Стоилковски. Ќе го цитирам сега Петре Шилегов од октомври 2017-тата година од последната недела од изборната кампања за локални избори и вели -„Си дадовме збор, велеше Шилегов. Овој запуштен рекреативен центар го враќаме од заборавот! Ги ревитализираме, игралиштата, патеките, урбаната опрема и останатата опрема со цел да ги вратиме посетителите кои што во минатото ги имаше во огромен број. Просторот ќе го исполниме со содржини за деца и за млади, за спортисти и за одржување на разни фестивали од спортот и од културата. Ја ревитализираме можноста да преселиме некои од спортските институции, факултетот за физичка култура, или спортската академија, во рамките на овој комплекс, како би овозможиле баш оваа инфраструктура да биде од корист и на учениците и на наставниот процес, во тие институции“, и така натаму и така натаму, ветуваше Петре Шилегов во последната недела од изборната кампања во октомври 2017 година, од Сарај, додаде Стоилковски. Денес, багери рушат во СРЦ Сарај, се најавува градба на некаков туристички развоен центар. Езерото е исушено, објектите и приколките се срамнети со земја, А Петре Шилегов нема поим за што станува збор. Петре Шилегов, во интервју дадено на 23 јануари оваа година вели - „Владата уште во 2017 година одлучи тоа место да стане туристичка зона“. Од владата пак велат таквото барање се разгледува, а барањето од општина Сарај било поднесено кон крајот на 2020 година. Е па почитувани, Шилегов мора да каже, кога лажел ако Владата во 2017 година донела решение за рушење на СРЦ тогаш Петре Шилегов свесно лажел во изборната кампања тогаш при посетите заедно со дел од политичките активисти или оној друг дел кој што го цитирав заедно со спортските работници! Ако пак не е така, тогаш лажеше во интервјуто дадено овој месец некаде околу 22-23 ако не се лажам! Или зборува онака како што ќе му дојде, без факти, вртејќи ги онака како што му одговара. Шилегов кога е Сарај во прашање, да потсетам дозволи дивоградби, и се уште стојат платформите на Матка, а сега се правда и за СРЦ Треска, истакна портпаролот на ВМРО-ДПМНЕ. Петре Шилегов мора да понесе одговорност за лажењата! На скопјани доста им е од празни зборови, потребна е работа, посочи Стоилковски.

Шкариќ во 2017: Барателот на мандатот мора да достави доказ за обезбедени 61 пратеник

Тале Кристо — Sat, 15 Aug 2020 10:24:44 +0000

Ако барателот на мандатот понуди 61, најмалку 61 потпишан пратеник, тогаш е формирано парламентарното мнозинство и тој во таков контекст, претседателот е должен да го даде мандатот, говореше своевремено во 2017 година професорот по уставно право Светомир Шкариќ. -Оној кој што ќе го побара мандатот, мора на претседателот да му претстави одредена евиденција, барем потписи на пратеници, избрани пратеници кои го сочинуваат парламентарното мнозинство. Ако барателот на мандатот понуди 61, најмалку 61 потпишан пратеник, тогаш е формирано парламентарното мнозинство и тој во таков контекст, претседателот е должен да го даде мандатот и потоа процедурата тече како што е предвидено. Таквиот кандидат што го добил мандатот е должен во рок од 20 дена, да подготви програма, да ја усогласи програмата, да предложи состав на Влада, говореше тогаш Шкариќ. Шкариќ за доделувањето мандатот на Груевски после изборите во 2016 година за составување на новата Влада истакна дека Иванов тогаш постапил спротивно на Уставот. -Шефот на државата постапи спротивно на Уставот. Тој го доделува мандатот на партија што има коалиција на партии што освоиле најголем број на пратенички места во Собранието. Тој број е 51, недоволен за оформување на парламентарното мнозинство и во такви околности оној што го примил мандатот добива рок од 20 дена, да види дали може да формира парламентарно мнозинство, истакна своевремено после тогашните парламентарни избори професорот Шкариќ. Овој дел од говорот на универзитетскиот професор Шкариќ можете да го погледнете подолу во видеото од 8:45 минута:

Милан во 2017 преговарал за трансфер на Роналдо

Дарко Андоновски — Tue, 20 Nov 2018 20:04:48 +0000

Поранешниот извршен директор на Милан, Марко Фасоне, откри интересни информации од неговото неодамнешно минато во клубот. Според него, поранешниот претседател на „росонерите“ Јонхон Ли сакал да ја купи суперѕвездата на Јувентус, Кристијано Роналдо, кој тогаш бил фудбалер на Реал Мадрид. – Да, Јонхон Ли сакаше да го донесе Кристијано Роналдо во Милан, а тој сакаше да го напушти Реал Мадрид и тогаш. Во јули 2017 година се сретнав со неговиот агент Мендеш за да разговараме за деталите. Токму тогаш му објаснив на шефот дека е време да престане да сонува за тоа – Роналдо е премногу скап за нас, изјави Фасоне, цитиран од „Фудбал Италија“. Една година подоцна – во јули 2018 година, Роналдо се пресели во Јувентус за 113 милиони евра. Тој потпиша четиригодишен договор со „бјанконерите“. Досега, Португалецот има девет голови и шест асистенции за неговиот нов клуб.