2025 – Kurir.mk

Инзаги на клупата на Интер до 2025

Тале Кристо — Tue, 05 Sep 2023 14:19:28 +0000

Симоне Инзаги, кој е на должноста од јуни 2021., го продолжи својот договор како тренер на милански Интер до 2025 година, објави денеска актуелниот лидер во италијанската Серија А. „Милански Интер со задоволство објавува продолжување на договорот со својот тренер Симоне Инзаги, кој сега е поврзан со клубот до 2025 година“, се наведува во краткото соопштение на италијанскиот клуб. Интер под водство на Инзаги ги освои последните две изданија на италијанскиот куп (2022, 2023) Инзаги седна на клупата на Интер во 2021 година, откако претходно го предводеше римски Лацио.

Круниќ останува во Милан до 2025

Тале Кристо — Fri, 09 Sep 2022 14:34:31 +0000

Репрезентативецот на Босна и Херцеговина, Раде Круниќ, го продолжи договорот со Милан со важност до 2025 година, објави актуелниот италијански фудбалски првак. – Фудбалскиот клуб Милан со задоволство објавува дека Раде Круниќ го продолжи договорот со клубот до јуни 2025 година, се наведува во клупското соопштение. Круниќ дојде во Милан од редовите на Емполи во 2019 година за сума од 8.6 милиони евра и во црвено – црниот дрес одигра 91 натпревари во сите конкуренции. Босанскиот репрезентативец беше еден од клучните играчи за освоената шампионска титула на Милан во минатата сезона и како награда за добрите игри доби продолжување на договорот.

Токио домаќин на Светското атлетско првенство во 2025

Тале Кристо — Fri, 15 Jul 2022 11:49:53 +0000

Токио ќе биде домаќин на Светското првенство (СП) во атлетика во 2025 година, одлучија членовите на Извршниот одбор на Меѓународната атлетска федерација на состанокот во Јуџин каде од денеска до 24 јули ќе биде одржано 18 издание на СП. Токио во трката за организација на СП победи во конкуренција на Најроби, Катовице и Сингапур. – Во силна конкуренција на кандидати за домаќин на СП 2025, Токио претстави исклучителна кандидатура. Се надевам дека повторното доаѓање на светската атлетска елита во Токио ќе биде светол пример за Јапонија, која во 2025 година ќе прослави 100 години од формирањето на националниот Сојуз на атлетски федерации, изјави претседателот на Светската атлетика, Себастијан Коу. Токио по втор пат ќе биде домаќин на СП во атлетика, а прв пат беше домаќин во 1991 година.

Баерн Минхен сака да го задржи Левандовски до 2025 година

Тале Кристо — Sat, 27 Mar 2021 10:15:23 +0000

Нов договор и повисока плата ќе му понуди актуелниот европски првак Баерн Минхен на својот најдобар стрелец Роберт Левандовски, објави германскиот весник „Спорт 1“. Полскиот репрезентативец има договор со Баерн до лето 2023 година, а клупското раководство ќе му понуди продолжување на соработката до 2025 година. Германскиот весник наведе дека Баерн веќе стапил во контакт со менаџерот на Левандовски, Пини Захави, и оти во следните неколку недели се очекува да има развој околу новиот договор. Најдобриот стрелец и фудбалер на светот за 2020 година и оваа сезона игра на високо ниво и досега на 36 натпревари во дресот на Баерн постигна 42 голови, додавајќи и осум асистенции.

Јувентус ќе го продолжи договорот со Дибала до 2025 година

Дарко Андоновски — Mon, 18 May 2020 12:07:38 +0000

Напаѓачот на Јувентус, Пауло Дибала, ќе потпише нов договор со клубот, пренесува „Ла Газета дело Спорт“. Новиот договор на 26-годишниот играч ќе важи до 2025 година. Преговорите за потпишување на договорот ќе започнат веднаш штом агентот на аргентинскиот фудбалер пристигне во Торино. Платата на Дибала, која сега е 7,5 милиони евра годишно, ќе биде зголемена, а во договорот ќе бидат наведени и бонусите. Оваа сезона фудбалерот во Серија А одигра 24 натпревари, постигнувајќи седум гола и остварувајќи осум асистенции.