21 лице – Kurir.mk

ДЕТАЛИ ЗА АКЦИЈАТА: Уапсено 21 лице, еве што се заплени полицијата

Тале Кристо — Thu, 25 Mar 2021 10:24:42 +0000

Приведени се 21 лице, пронајдена и запленета е дрога, пари, автомобили, мобилни телефони, во денешната полициска акција во Грчец, Гази баба, Чаир и Синѓелиќ. Извори од истрагата посочуваат дека уапсените се веќе во полициска станица по што ќе бидат предадени на надлежен обвинител и изнесени пред суд. Акцијата што ја води Основното јавно обвинителство за гонење организиран криминал и корупција, Скопје во координација со МВР, е за апсење организирана криминална група за трговија со дрога. Од МВР највуваат повеќе детали откако ќе заврши акцијата.

Паркинг „проголта“ 21 автомобил во Кина, пет лица исчезнати во свлечиште

Тале Кристо — Wed, 19 Aug 2020 12:51:20 +0000

Пет лица се сметаат за исчезнати во провинцијата Јунан откако свлечиште уништи две куќи, јавуваат кинеските медиуми. Обилните сезонски дождови и тајфуни предизвикаа поплави и лизгање на земјиштето, така што во провинцијата Сичуан 21 паркирано возило паднаа во дупка, откако бетонот на паркингот урнал во текот на ноќта. Никој не е повреден. Тајфунот Хигос, кој прво го погоди Хонг Конг, во текот на ноќта стигна до провинцијата Гуангдонг, со налети на ветрот од 126 километри на час, објави кинескиот метеоролошки центар. Тајфунот премина во тропска бура откако продолжи да се движи кон соседниот регион Гуангџи, каде што беа евакуирани повеќе од 65.000 луѓе, училиштата беа затворени, а бројни рибарски чамци беа вратени на пристаништата. Налетите на ветрот соборуваа дрвја, што предизвика прекин на електричните водови, а најголема поплава ја погоди провинцијата Сичуан.

Постапки против 21 лице во Скопје заради прекршување на полицискиот час

Тале Кристо — Mon, 11 May 2020 08:33:12 +0000

Основното јавно обвинителство во Скопје денеска до Основниот кривичен суд Скопје поднесе предлози за издавање казнени налози против вкупно 21 лице за сторено кривично дело непостапување според здравствените прописи за време на епидемија од член 206 став 1 од Кривичниот законик. -Сите обвинети го прекршиле полицискиот час, односно не ја почитувале одлуката за забрана и посебен режим за движење на територијата на државата, донесена со цел сузбивање и спречување на ширењето на заразната болест. Во часовите кога движењето е забрането, тие биле затекнати на различни локации во градот, без да поседуваат дозвола за тоа, се наведува во соопштението на Јавното обвинителство. Јавните обвинители за секој од обвинетите предложиле парична казна од по 100 дневни глоби, при што вредноста на една дневна глоба да биде определена на 20 евра во денарска противвредност.

Во Бугарија 21 нов случај на заразен со Ковид-19, вкупно 1.632

Тале Кристо — Mon, 04 May 2020 13:49:39 +0000

Во Бугарија во последните 24 часа се регистрирани 21 нов случај на заразени со вирусот Ковид-19, со што вкупниот број изнесува 1.632, соопшти Националниот кризен штаб. Во последното деноноќие се тестирани 527 луѓе, а од почетокот на пандемијата се направени 49.145 тестови. Од Кризниот штаб наведуваат дека наредните две недели ќе бидат клучни и дека врз основа на податоците од овој период ќе се одлучи дали преземените мерки се ефикасни и кои следни чекори ќе се преземат.