21 – Kurir.mk

Македонските фудбалери до 21 година оптимисти пред натпреварот со Словенија

Тале Кристо — Fri, 28 May 2021 12:57:05 +0000

Македонската фудбалска репрезентација до 21 година со оптимизам го очекува претстојниот контролен натпревар против Словенија на гостински терен, а подготовките се одвиваат во одлична атмосфера. – Не очекува тежок натпревар против силен противник. Очекуваме да одиграме добар меч, идеме во Словенија по победа. Подготовките се во тек, во одлично расположение го очекуваме овој дуел. Атмосферата во екипата е на едно високо ниво, ги слушаме советите од нашиот селектор. Очекувам од мене и моите соиграчи да дадеме максимум на тренинзите и натпреварот со Словенија, и добро да се подготвиме за предизвиците што не очекуваат во иднина“, изјави репрезентативецот Филип Антовски за официјалниот сајт на ФФМ. Во победа на гостувањето во Словенија верува и неговиот репрезентативен колега Агон Елези. -Веруваме во нашите квалитети, имаме одлична комуникација со нашиот селектор, подготовките течат во најдобар ред. Словенија е одлична репрезентација, но нашата цел е да одиграме добар натпревар и да оствариме победа. Ги слушаме советите на нашиот селектор, функционираме како една целина и се надевам дека тоа ќе го покажеме и на мечот со Словенија.“, посочи Елези, кој е дел од екипата на Вараждин.

Турција ја зголеми минималната плата за 21,56 отсто

Тале Кристо — Mon, 28 Dec 2020 14:01:28 +0000

Турција ја зголеми својата минимална плата за 21,56 отсто од 1 јануари, изјави денеска министерката за семејство, труд и социјална политика, Зехра Зумрут Селчук. Како што објави весникот „Сабах“, месечната нето минимална плата ќе изнесува 2.826 турски лири (380 американски долари), во споредба со досегашните 2.324 турски лири. – Нето минималната плата се зголеми за 500 лири, за 21,56 отсто, во споредба со 2020 година, рече Селчук. Министерката додаде дека зголемувањето на платата е за 7 проценти повисоко од инфлацијата во ноември. – Во ноември 2020 година, инфлацијата беше 14,03 отсто. Обезбедувајќи зголемување од околу 7 проценти над овој процент, ние уште еднаш го исполнивме ветувањето дека нема да дозволиме нашите работници да бидат уништени од инфлацијата, рече Селчук. Околу половина од сите работници во земјата со 83 милиони жители работат за минимална плата, покажува истражувањето на Конфедерацијата на прогресивни синдикати на Турција (ДИСК).

Бројот на загинати во уривањето на зградата во Истанбул се зголеми на 21 жртва

Ивана Ефремовски — Sun, 10 Feb 2019 11:20:40 +0000

Бројот на жртвите при уривањето на зградата во Истанбул, што се случи во средата, се зголеми на 21 лице, соопшти турскиот министер за внатрешни работи Сулејман Сојлу, јави агенцијата Анадолија. Во изјавата за новинарите што ја даде на местото на несреќата, Сојлу истакна дека се смета оти под урнатините се наоѓале вкупно 35 лица, и оти сите се извлечени. – Четиринаесет од 35-те лица се спасени од под урнатините, додаде тој, нагласувајќи дека оние кои се одговорни за оваа несреќа ќе одговараат пред законот. Турскиот министер за здравство, Фахретин Коџа вчера информираше дека 13 повредени се наоѓаат во болница, од кои две лица се во сериозна состојба, јави Анадолија. Претседателот Реџеп Тајип Ердоган, исто така, изрази сочувство за жртвите од уривањето на зградата. – Има лекции што треба да ги научиме, изјави Ердоган за време на посетата на местото. Седумкатницата во истанбулската населба Картал се урна во средата, поради сѐ уште непознати причини. Во мометот на уривањето во зградата имало 35 станари.(МИА)