23 лица – Kurir.mk

Казнени налози за 23 лица во Скопје заради непочитување на полицискиот час

Тале Кристо — Thu, 21 May 2020 08:13:32 +0000

Основното јавно обвинителство Скопје поднесе предлози за издавање казнени налози против 23 лица за кривично дело – Непостапување според здравствените прописи за време на епидемија од член 206 став 1 од Кривичниот законик. Обвинетите не постапиле согласно Одлуката за забрана и посебен режим за движење на територијата на Република Македонија и за време на полицискиот час биле затекнати како се движат на различни локации. За сите нив, јавен обвинител до надлежниот суд достави предлог да им се определи парична казна од по 100 дневни глоби со износ на секоја дневна глоба од 20 евра во денарска противвредност.

Најмалку 23 лица се отруле од алкохол на погреб во Мексико

Тале Кристо — Wed, 13 May 2020 08:32:09 +0000

Најмалку 23 лица починале во Мексико откако консумирале алкохолен пијалак кој содржел метил алкохол, соопштија денеска локалните власти. Труењето се случило изминатиот викенд во државата Пуебла, за време на погреб. Пациенти со симптоми на труење и вчера биле примени во болницата. Тие се пожалиле на главоболка, гадење и повраќање. Градските власти ги негираа гласините дека пациентите починале како резултат на епидемијата на коронавирусот. На погребот имало околу 80 луѓе.

Во бурата Флоренс загинаа 23 лица, најавени големи поплави

Дарко Андоновски — Tue, 18 Sep 2018 06:36:16 +0000

Бурата Флоренс, иако ослабена, и понатаму предизвикува огромна штета во американските сојузни држави Јужна и Северна Каролина, додека се движи крај американскиот источен брег кон Вирџинија и Нова Англија. Бројот на жртви се зголеми на најмалку 23, од кои 17 загинаа во Северна Каролина. Метеоролозите истакнуваат дека поради историскиот раст на нивото на реките, најлошото допрва ќе се случува и предупредуваат на големи поплави, лизгање на земјиште и излевање реки во следните неколку денови. Во меѓувреме, Флоренс ослабна до ниво на циклон кој сепак, со себе носи поројни дождови и силни ветрови.