24 часа – Kurir.mk

Во Британија за 24 часа дадени повеќе од 600.000 вакцини

Тале Кристо — Sun, 18 Apr 2021 07:33:16 +0000

Повеќе од 600.000 вакцини против коронавирус се дадени во последните 24 часа во Велика Британија, соопштија властите. Според нив, во петокот на британските граѓани им биле дадени 119.306 први дози и 485.421 втора доза вакцина. Во истиот период, регистрирани се 2.206 нови случаи на коронавирус и 35 починати.

Во ковид центрите во Скопје за 24 часа се хоспитализирани 10 пациенти, а вкупно се лекуваaт 243 болни

Тале Кристо — Mon, 15 Feb 2021 10:39:17 +0000

Во изминатите 24 часа во ковид центрите во Скопје се хоспитализрани 10 нови пациенти поради компликации од корона вирусот. Вкупно 243 лица сомнителни и потврдени за КОВИД -19 се лекуваат на инфективните оддели во главниот град. Во последното деноноќие, на интерните клиники имало 4 приеми. Во ковид центарот во ГОБ 8 Септември имало 3 нови приеми на пациенти и 3 на Инфективната клиника во текот на вчерашниот ден. Во изминатите 24 часа дома се пуштени 4 оздравени пациенти. Во моментов на Кожната клиника во ковид центарот се лекуваат 23 пациенти, на Клиниката за неврологија 28 болни, а на Институтот за ТБЦ се примени вкупно 9 пациенти со симтоми на корона вирусот. Во ГОБ 8 Септември има вкупно 78 болни, а на Клиниката за инфективни болести лежат 85 пациенти, додека во Иститутот за белодробни заболувања кај деца Козле има 18 пациенти. На ГАК се хоспитализирани две пациентки. Вкупно 243 пациенти потврдени и сомнителни за КОВИД- 19 се лекуваат на инфективните оддели во болниците во главниот град. Голем дел од пациентите се на кислородна поддршка. Бројот на приеми во изминативе денови е стабилен и утрово до 8 часот имало 90 слободни места, а се очекува во тек на денот по направените исписи на оздравените пациенти да се ослободат и дополнителни места. Сите инфективни одделенија имаат довод на кислород и можат да згрижат пациенти кои имат потреба од кислородна поддршка.

Во ковид центрите во Скопје за 24 часа се хоспитализирани 26 пациенти, а вкупно се лекуваaт 289 болни

Тале Кристо — Sun, 24 Jan 2021 11:10:10 +0000

Во изминатите 24 часа во ковид центрите во Скопје се хоспитализрани 26 нови пациенти поради компликации од корона вирусот. Вкупно 289 лица сомнителни и потврдени за КОВИД -19 се лекуваат на инфективните оддели во главниот град. Во последното деноноќие, на интерните клиники имало 11 приеми. Во ковид центарот во ГОБ 8 Септември имало 10 нови приеми на пациенти, а на Инфективната клиника 5 во текот на вчерашниот ден. Во изминатите 24 часа дома се пуштени 22 оздравени пациенти. Во моментов на Кожната клиника во ковид центарот се лекуваат 19 пациенти, на Клиниката за неврологија 23 болни, а на Институтот за ТБЦ се примени вкупно 24 пациенти со симтоми на корона вирусот, во ковид центарот на Клиниката за нефрологија во моментов се сместени 21 пациенти. На Клиниката за Гастроентерохепатологија лежат 16 пациенти. Во ГОБ 8 Септември има вкупно 94 болни, а на Клиниката за инфективни болести лежи 81 пациент, додека во Иститутот за белодробни заболувања кај деца Козле има 10 пациенти. Вкупно 289 пациенти потврдени и сомнителни за КОВИД- 19 се лекуваат на инфективните оддели во болниците во главниот град. Голем дел од пациентите се на кислородна поддршка. Бројот на приеми во изминативе денови е стабилен и утрово до 8 часот имало 110 слободни места, а се очекува во тек на денот по направените исписи на оздравените пациенти да се ослободат и дополнителни места. Сите инфективни одделенија имаат довод на кислород и можат да згрижат пациенти кои имат потреба од кислородна подршка.

Во Словенија нови над 2.000 заразени со Ковид-19 за изминатите 24 часа

Тале Кристо — Sat, 09 Jan 2021 10:57:55 +0000

Во изминатите 24 часа во Словенија, 14.718 тестови потврдија нови 2.045 новоинфицирани со коронавирусот и 25 смртни случаи. Бројот на позитивни од тестираните е се уште многу висок – над 30 проценти, соопшти словенечката влада. Хоспитализирани се 1.160 пациенти со Ковид-19, од кои 191 пациент е на интензивна нега.

СЗО: Нов рекорд на новозаразени со корона вирус за едно деноноќие

Тале Кристо — Sun, 16 Aug 2020 15:25:04 +0000

Светската здравствена организација соопшти за рекорден број на нови случаи на корона вирус за 24 часа, прецизирајќи дека за едно деноноќие во светот се заболени речиси 300.000 луѓе. Според организацијата, овој број е рекорд во растот на заразените од почетокот на пандемијата. Забележано е и дека голем дел од заразените луѓе не се пријавуваат во статистиката, а има и земји каде тестовите воопшто не се спроведуваат. За последните 24 часа во светот се регистрирани 294.000 нови случаи на коронавирус, што е за 2.000 повеќе од претходниот рекорд, поставен на 31 јули. САД, Бразил и Индија се најпогодени во овој поглед. Од почетокот на пандемијата, во светот се пријавени 21 милиони случаи на инфекција, а бројот на смртни случаи од компликации предизвикани од коронавирусот надминува 755.000 луѓе.

Во Грција за 24 часа регистрирани 57 шумски пожари

Магдалена Андонова — Thu, 23 Jul 2020 08:14:31 +0000

Во изминатите 24 часа, заклучно со вчера во 19 часот, во Грција имало 57 шумски пожари на различни локации, а интервенирале вупно 749 пожарникари со 264 возила, 18 пешадиски тима, авиони и хеликоптери, а помагале еден хеликоптер од војската како и цистерни и булдожери од општините, јави дописничката на МИА од Атина. Од Противпожарната служба на Грција соопштуваат дека поголемиот број од пожарите биле брзо ставени под контрола, а сѐ уште е активен пожарот во близина на Коринт што избувна вчера напладне. Пожарникарите во текот на ноќта се бореа со огнените јазици, а напорите, пожарот да се стави под контрола, продолжуваат и денеска. Според грчката новинска агенција АНА-МПА, интервенираат 236 пожарникари со 54 возила, 15 пешадиски тимови, шест хеликоптери и четири авиони. Во текот на вчерашниот ден, превентивно беа евакуирани најмалку шест населби, два детски кампови со околу 800 деца, а според грчките медиуми, пожарот нанел материјална штета на неколку домови. Градоначалникот на Коринт, за грчката телевизија „Скај“ рече дека иако пожарот не е ставен под контрола, сепак не претставува опасност за населени места. (МИА)

Аргентина и Индија со рекорден број новозаразени за 24 часа

Тале Кристо — Thu, 23 Jul 2020 06:31:42 +0000

Аргентина втор ден по ред соопшти за рекорден број нови случаи на новозаразени со коронавирусот. Претходниот ден, потврдени се 5.782 нови случаи на инфекција во Аргентина, додека во вторникот имаше 5.344, соопшти Министерството за здравство. Вкупниот број на потврдени случаи на коронавирус во Аргентина е 141.900. Уште 98 лица починаа во последните 24 часа, а вкупниот број на смртни случаи од почетокот на епидемијата е 2.588. Повеќе од четири милиони случаи на Ковид-19 и речиси 175.000 смртни случаи се потврдени во Јужна Америка и Карибите до средата. Потврдени се вкупно 4.026.527 случаи на Ковид-19 во 33 земји во регионот. Починале 173.398 лица. Индија денеска го забележа новиот најголем број потврдени случаи на инфекција со новиот коронавирус за еден ден. Регистрирани се 45.720 новозаразени лица, што го зголеми бројот на потврдени случаи на инфекција во таа земја на 1.238.635. Во претходните 24 часа починаа 444 лица, а вкупниот број на смртни случаи од Ковид-19 е 29.861. Индија е трета земја во светот во однос на бројот на заразени, по САД и Бразил.

Во Вухан за 24 часа направени 467.847 тестирања на коронавирус

Тале Кристо — Tue, 19 May 2020 13:20:09 +0000

Во Вухан вчера се направени 467.847 тестирања на коронавирус, додека претходниот ден тој број изнесуваше 335.887. Во кинескиот град Вухан, каде беше првото жариште на новиот коронавирус, на 14 мај почна кампања со цел откривање на асимптоматски носители на вирусот. Ваквиот чекор е преземен откако неодамна беа пријавени нови случаи, првпат откако беа укинати карантинските мерки во градот на почетокот на април.

Бројот на смртни случаи од Ковид-19 во Франција за 24 часа се зголеми за 330

Тале Кристо — Tue, 05 May 2020 18:26:19 +0000

Франција во изминатите 24 часа забележа 330 нови смртни случаи поради коронавирусот, со што вкупниот број достигна 25.531 смртни случаи, јави дописникот на МИА. На болничко лекување се уште се наоѓаат 24. 775 лица, од кои 3.430 на интензивна нега.

Еве во кои македонски градови има најмногу заразени со Ковид-19 во последните 24 часа

Тале Кристо — Sun, 26 Apr 2020 11:39:08 +0000

Од министерството за здраство информираат дека во изминатите 24 часа направени се 335 тестирања, а потврдени се 19 нови случаи на ковид-19. Во Скопје регистрирани се нови 3 случаи со Ковид-19, Куманово -8, Прилеп -2, Струга -2, Велес -2, Гостивар-1, Виница -1. Со ова вкупната бројка на ковид дијагностицирани во нашата земја изнесува 1386, а последната дистрибуција по градови е следна: • Скопје – 471  Куманово – 371  Дебар – 51  Штип-34  Прилеп –141  Тетово – 73  Струга – 64  Велес – 66  Битола –19  Охрид –15  Кавадарци – 5  Гостивар –15  Гевгелија – 4  Струмица – 2  Крива Паланка-5  Радовиш – 4  Крушево – 3  Кочани – 28  Пробиштип – 2  Кичево – 2  Неготино -4  Демир Хисар – 1  Македонски Брод -2  Пехчево- 1  Валандово -1  Виница – 2