24 мај – Kurir.mk

Ковачевски денес ќе положи цвеќе пред споменикот „Св. Кирил и Методиј“по повод по повод 24 мај – Денот на сесловенските просветители

Ивона Петрова — Fri, 20 May 2022 06:38:51 +0000

Владина делегација предводена од премиерот Димитар Ковачевски денеска ќе положи цвеќе пред споменикот „Св. Кирил и Методиј“ на платото пред УКИМ. -На 20.05.2022 година (петок) во 12:00 часот по повод 24 мај - Денот на сесловенските просветители „Св. Кирил и Методиј”, владина делегација предводена од премиерот Димитар Ковачевски, ќе оддаде почит и ќе положи цвеќе пред споменикот на Светите браќа Кирил и Методиј на платото пред УКИМ, се вели во владиното соопштение.

Бугарскиот парламент изгласа дека 24 мај е ден на бугарската азбука и словенска книжевност

Магдалена Андонова — Thu, 10 Dec 2020 09:11:40 +0000

Бугарското собрание го преименуваа празникот „24 мај - Ден на бугарското образование и култура и словенско писмо.Отсега празникот е преименуван во „24 Мај - Ден на светите браќа Кирил и Методиј, за бугарската азбука, образование и култура и за словенската литература“. Предлогот го дале пратениците на Обединетите патриоти. Тоа било воведено како измена и дополнување на текст во Законот за работни односи. Мнозинството гласало „за“ и одлуката била усвоена. Тоа е конечно. Георги Гоков од БСП се спротивстави на тоа. Кодексот на трудот не е место за решавање на историски спорови - убеден е тој. Според него, овој потег нема за цел да изгради национална самодоверба и патриотизам, туку да го одвлече вниманието на бугарското општество од сегашните проблеми. Милен Михов од Обединетите патриоти ја спореди позицијата на БСП со изјавата на рускиот претседател Владимир Путин, во која тој рече дека словенското писмо дошло во Русија од македонските земји. ОП се категорични дека формулацијата што ја нудат е целосно пробугарска. Единствено што ќе постигнете е појавата на празници во српската, македонската и во другите азбуки, сумираше социјалистот Таско Ерменков. БСП инсистира да се одржи широка јавна дискусија пред да се смени името на празникот. Друга промена што пратениците ја направија во Законот за работни односи се однесува на платениот годишен одмор. Отсега, при влегување во работа за прв пат, работникот може да го искористи својот платен годишен одмор кога ќе стекне најмалку четири месеци работно искуство. Досега, условот беше осум месеци. Извор: https://offnews.bg/

Во Софија јавна расправа за преименување на 24 мај во Ден на бугарската писменост

Дарко Андоновски — Thu, 15 Oct 2020 06:57:04 +0000

Пратениците од бугарската Комисија за образование и наука денеска ќе одражат јавна расправа за предлогот за преименување на 24 мај од Ден на словенската писменост во Ден на бугарската писменост. Амандманот во Законот за работни односи е поднесен од група пратеници и веќе беше одобрен на првото гласање. На дискусијата ќе учествуваат бугарските министри за образование и наука, како и за култура, претставници на академската јавност, на културни институции и Бугарската академија на науки, социјални парнери и невладини организации, пренесува БГНЕС. По предлог на „Обединети патриоти“ и со поддршка на Граѓани за европски развој на Бугарија (ГЕРБ), чиј претседател е премиерот Бојко Борисов, на почетокот на месецот предлогот беше усвоен на прво читање во Парламентот. Со предлогот, празникот се именува како „Ден на бугарската писменост, образование и култура“, а отпаѓа придавката словенска.

Училиштата во Полска затворени до 24 мај поради коронавирусот

Тале Кристо — Fri, 24 Apr 2020 13:07:07 +0000

Училиштата и детските градинки во Полска ќе бидат затворени уште еден месец, до 24 мај, изјави денеска полскиот министер за образование Дариуш Понтковски. Тој на прес-конференција истакна дека се разгледува можноста да им биде дозволено на некои образовни установи да обезбедат грижа за децата во текот на денот, без да изнесе повеќе детали за планот. Првично беше предвидено училиштата и градинките во земјата да бидат затворени до 26 април. Портпаролот на полското Министерство за здравство, Војчех Андрушевич нагласи денеска дека бројот на заразени лица со коронавирус во земјата би можел да биде трипати поголем од досега објавениот. – Можам да кажам дека нивото на недијагностицираните е трипати повисоко од регистрираните случаи, истакна Андрушевич, додавајќи дека заразени во земјата би можеле да се 30-40 илјади луѓе, но повеќето од нив немаат симптоми. Последните податоци покажуваат дека од 4 март досега во Полска се заразени 10.759 лица со Ковид-19, 463 се починати и 1.944 оздравеле.

Серија „А“ се враќа на 24 мај?

Дарко Андоновски — Fri, 03 Apr 2020 06:58:44 +0000

Претседателот на италијанската фудбалска федерација Габриеле Гравина уште еднаш потврди дека ќе стори сé што може за да ја направи сезоната во Серија „А“ реалност. Тој рече дека не сака да излезе со опција каде рангирањето во моментот ќе биде прогласено за конечно, а лидерот на табелата Јувентус, исто така, се спротивстави на слично сценарио. – Доигрувањето на сезоната е наш главен приоритет. Планираме да започнеме на 20 мај или почетокот на јуни. Дури и разговаравме за крајот на сезоната во август или септември. Јас јасно ставив до знаење дека сум подготвен да го жртвувам на почетокот на следната сезона за да ја завршам актуелната. Би било голема неправда да не се доиграат останатите натпревари. Треба некој да стане шампион, а Јувентус веќе го изрази своето незадоволство од опцијата да ја добие титулата без да ги доигра сите натпревари“, прокоментира Гравина. Најновите информации од Италија се дека Калчото може да се обнови неколку дена подоцна – на 24 мај. Специфичниот датум го наведе агенцијата „Аднкронос“, која тврди дека министерот за спорт, Винченцо Спадафор е во постојан контакт со најголемите спортски федерации во земјата и развива план за продолжување на спортските натпревари кон крајот на мај. Ако бројот на заразени со коронавирус има тенденција да се намали, реално е да се вратиме во Италија на крајот на следниот месец. Планот на Спадафор е екипите да започнат со тренинзи најдоцна до 3 мај. Сите играчи ќе поминат тестови за КОВИД-19 и ќе бидат изолирани сè додека не бидат објавени резултатите. Странците кои се во нивните матични земји ќе останат во карантин 14 дена по враќањето во Италија. Натпреварите секако ќе се играат без публика.