25-ти мај – Kurir.mk

Полицијата трага по тинејџерка: Штитеничка од „25 мај“ нападнала девојче, па избегала од домот

Ивана Ефремовски — Sun, 28 Oct 2018 18:53:05 +0000

Вчера околу 15 часот пријавено е дека 14-годишна штитеничка на домот „25 мај“ се оддалечила од домот. Претходно физички нападнала друга 12-годишна штитеничка на домот. Се преземаат мерки за пронаоѓање на лицето.

Исчезнаа уште три деца од домот „25-ти Мај“

Ивана Ефремовски — Thu, 10 May 2018 11:22:21 +0000

Не престануваат скандалите во згрижувачките домови. По застрашувачките податоци за силување и бременост кај малолетни лица, најзагрижувачко е исчезнувањето на штитениците кои се малолетни. -На 09.05.2018 година во 15:00 часот во Полициската станица Чаир, социјална работничка во домот „25-ти Мај“ пријавила дека на 08.05.2018 година во 08:30 часот во непознат правец се оддалечиле тројца штитеници на домот, информираат од МВР. Исчезнатите деца се на возраст од 18, 13 и 15 години. Полицијата вели дека се преземаат мерки за пронаоѓање на лицата.

Штитеничката од Домот за деца „25 Мај“ преживеала хорор: Двајца во притвор поради трговија со дете за сексуални услуги

Ивана Ефремовски — Fri, 04 May 2018 15:56:13 +0000

Надлежниот јавен обвинител од Основното јавно обвинителство за гонење на организиран криминал и корупција донесе наредба за спроведување на истражна постапка за уште две лица македонски државјани инволвирани во предметот со случајот на штитеничката од ЈУ Завод за згрижување на деца со воспитно – социјални проблеми и нарушено поведение – Скопје (Дом за деца „25 Мај“). По предлог на надлежен јавен обвинител од Основното јавно обвинителство за гонење на организиран криминал и корупција, судија на претходна постапка при Основниот суд Скопје 1 – Скопје на осомничените лица им одреди мерка притвор во траење од 30 дена. На лицата им се става на товар дека сториле кривично дело Трговија со дете за кое е предвидена казна затвор од најмалку 12 години. Осомничените иако знаеле дека детето е жртва на трговија со луѓе биле корисници на сексуални услуги и друг вид екплоатација од малолетното лице. Основното јавно обвинителство за гонење на организиран криминал и корупција, следејќи ги написите во врска со овој случај отвори предмет по допрен глас. По спроведени предистражни дејствија, надлежниот јавен обвинител во февруари донесе наредба за спроведување на истрага против едно лице за сторено кривично дело Трговија со дете. Тогаш, на Предлог на јавниот обвинител со одлука на судот на лицето му беше определената мерка притвор која се продолжува во континуитет согласно постојаното прибирање на доказниот материјал за расветлување на овој кривично правен настан. Осомниченото лице од декември 2017 година до 6 февруари 2018 година употребувајќи сила, измама и присилба, а воедно искористувајќи ја детската немоќ, го подвела оштетеното дете на вршење на полови дејствија со полнолетни мажи во повеќе градови низ земјава. Осомничената го превезувала детето, го продавала, го нудела на продавање заради експлоатација по пат на користење на сексуални активности за паричен надоместок, го присилувала на принудна работа и слугување и организирала и присилен брак што не се реализирал.

„Меѓаши“: За грозоморниот настан од домот „25 Мај“ виновна е и полицијата, обвинителството, министерството за образование и здравство

Ивана Ефремовски — Wed, 28 Feb 2018 15:38:16 +0000

Јавноста се уште е во шок поради случајот со злоставување на малолетници во домот 25 Мај. Дека темата е актуелна покажа и емисијата Несомнено во која гостуваше портпаролот на првата детска амбасада Меѓаши Татјана Гоговска. Таа истакна дека сите факти укажуваат на тоа дека потфрлила целата структура на функционирање на структурите на државата. - Потфрли домот, потфрли центарот за социјални грижи против кој во петокот се покрена постапка и кривични пријави против 11 вработени. Меѓутоа ние се уште чекаме да слушнеме дека е покрената кривична пријава и против директорот и вработените во домот 25 Мај кои директно со години и со децении беа инволвирани и знаеа при нивни проверки во секојдневието што се случува таму. И сето тоа го заташкуваа и не го пријавуваа. Потоа затаи МВР. Значи кога има таков случај веднаш се поднесува кривична пријава. Значи имате девојче најдено на улица во безсознание донесено во болница. Утврдено е дека е сексуално злоупотребувано, утврдено е дека дете од домот за деца 25 Мај. Истрагата веднаш требаше да почне. Истражните органи веднаш требаа да излезат и да почнат да го следат и да го расчистуваат случајот. И она што мораме да го кажеме и што и понатаму ќе се залагаме дека не само за овој случај, истрагата односно обвиненијата треба да се прошират и целосно да се истражат и други случаи да речеме според кривичниот законик како е дали последните пет шест години. Да се утврдат сите оние кои биле вклучени. И не само МВР, обвинителстовот, центарот за социјални работи, министерство за труд и социјала, домот 25 Мај, тука е и министерство за образование бидејќи тие се и школски деца. Министерството за здравство е подеднакво виновно, ако вие имате во болница пациент во таква состојба морате да реагирате. Значи сите институции затаиле во овој случај и во овие децении наназад затајуваа затоа што ги премолчуваа настаните што се случуваа во 25 Мај, рече таа.

МТСП не гледа злоставување, тврди дека малолетничките од домот забремениле своеволно

Ивана Ефремовски — Tue, 20 Feb 2018 13:19:17 +0000

Во двата нови случаја на бременост на малолетнички, штитенички на Домот за деца со социјално-воспитни проблеми „25 Мај“ од Скопје, нема злоставување или сексуална експлоатација. Тие забремениле откако своеволно имале односи со штитеници од установата со кои биле во врска, информираат од Министерството за труд и социјална политика. Едната малоленичка која била 15-годишна ја прекинала бременоста откако дала согласност и таа и старателот, а за тоа била информирана и нејзината мајка. Втората малолетничка, која има 17 години, одлучила да го задржи бебето. По проценка на стручни лица дека е ресоцијализирана таа била вратена кај родителите. Таа кога ќе го роди детето ќе биде полнолетна. - Ова девојче одлучило да не ја прекинува бременоста и во моментот е кај нејзиниот татко, кој се согласил да води грижа за неа и за бебето. И таа кажала дека не станува збор за силување или злоставување, но не сакала да каже со кого забременила, велат од Министерството за труд и социјална политика. Алармот за случувањата во установата „25 Мај“ се крена минатата недела кога невладината организација Европски центар за правата на Ромите (ЕЦПР) соопшти дека 13-годишна штитеничка на домот била подложена на абортус откако забременила по сексуално злоставување. Министерството за труд и социјална политика соопшти дека се сомнева дека станува збор за сексуална експлоатација на малолетничката и побара Министерството за внатрешни работи и Основното јавно обвинителство да го расчистат случајот. За разјаснување на тоа кој и што презел или не презел во врска со овој случај инспекциски тимови вршат проверка во установата и во надлежните центри за социјална работа, кои треба да ги достават информациите до Комисијата формирана за расчистување на овој случај. Од Министерството велат дека ги испитуваат сите апекти во случајот кои се во нивна надлежност, но истакнуваат дека тие не се истражен орган и оти во другиот дел треба да се ангажираат МВР и Обинителството, особено што случаите на нејзиното заминување од установата биле пријавувани во полиција, исто како и нејзините изјави дека била принудувана на сексуални односи против своја волја. Министерството за внатрешни работи вчера соопшти дека против едно лице веќе поднеле кривична пријава за полов напад врз дете, кое признало дека имало сексуални односи со 13-годишното девојче лани во ноември, кога во бессознание била однесена во општата болница во Велес. Вчера од морални прилини даде оставка директорот на домот „25 Мај“ Стевчо Соколовски.

По скандалот со силуваното девојче: Директорот на „25-ти мај“ си поднесе оставка, кој друг ќе понесе одговорност?

Ивана Ефремовски — Mon, 19 Feb 2018 12:57:09 +0000

Директорот на ЈУ Завод за згрижување на деца со воспитно - социјални проблеми „25 Мај“ Стевчо Соколовски поднесе оставка од морални причини, во врска со случајот со сексуалната експлоатација на малолетна штитеничка на установата, информираат од Министерството за труд и социјална политика. - Комисијата веќе утврди дека стручните служби и назначениот старател во неколку наврати ги алармирале надлежните институции за можна сексуална експлоатација на Р.И. Сега се истражуваат сите останати елементи за можно непостапување од страна на претходниот назначен старател на детето, се вели во соопштението од МТСП. Оттаму очекуваат МВР и ОЈО да преземат мерки согласно со нивната надлежност, со цел да се пронајдат и санкционираат лицата коишто ја злоупотребувале малолетната жртва. - Во оваа прилика би сакале да потенцираме дека преку случајот на Р.И. се покажуваат аномалиите на разрушениот систем на социјална заштита, особено кога станува збор за деца во специфичен ризик. Евидентна е потребата од подобра координација меѓу сите институции и воспоставување систем кој вистински ќе ги заштити децата од социјален ризик, посочуваат од Министерството. Во таа насока истакнуваат оттаму, Министерството за труд и социјална интензивно работи на процесот на деинституционализација. До средината на 2018 година, ќе започне трансформацијата на установите за згрижување деца во мрежа на мали групни домови. Оваа реформа, сметаат од Министерството, ќе овозможи индивидуален пристап кон секое дете, подобра грижа и значително намалување на ризикот од вакви несакани настани.