30 – Kurir.mk

За туристите во Албанија ќе функционираат 30 летни здравствени амбуланти

Тале Кристо — Sun, 11 Jun 2023 11:04:09 +0000

На 15 јуни во крајбрежните и планинските туристички области во Албанија ќе бидат отворени 30 летни здравствени амбуланти, објави албанскиот премиер Еди Рама, кој сподели и мапа на градовите каде ќе се наоѓаат овие амбуланти. - Летните здравствени амбуланти ќе гарантираат квалитетна здравствена заштита за туристите кои оваа летна сезона ќе ја посетат Албанија. Од Тети до Ксамил, 30-те летни здравствени амбуланти ќе нудат стандардни и професионални услуги за годишноодморците од југ до север, напиша Рама на Фејсбук. Медицинскиот персонал гарантира 24/7 здравствена заштита. Амбулантите ќе функционираат до крајот на сезоната. Минатата година, земјата забележа рекордна посетененот од 7,5 милиони туристи, додека во првите четири месеци од годинава околу 1,7 милиони туристи.

Зошто Меси се одлучи да игра со бројот 30?

Тале Кристо — Wed, 11 Aug 2021 10:09:59 +0000

Лионел Меси официјално потпиша договор со ПСЖ и се чини дека е решена последната дилема кога е во прашање неговиот трансфер од Барса - бројот што ќе го носи на дресот. Меси веднаш одби да ја преземе „десетката“ од неговиот пријател Нејмар, а речиси сите медиуми објавија дека Аргентинецот ќе игра со бројот 19 на грбот. Но, се покажа дека тоа не е вистина, и сите беа изненадени кога ПСЖ објави дека Аргентинецот потпишал договор до 2023 година. Во видеото што официјално го објавија „парижаните“, во главната улога во центарот на „Паркот на принцовите“ е Меси со бројот 30 на грбот. Бројот 30 е „резервиран“ за голманите во францускиот фудбал. Како што „голманските“ бројки во Шпанија се 1, 13 и 25, во Франција тие се 1, 16 и 30. Сепак, Меси имаше посебна причина зошто се одлучи за оваа бројка, која му ја препушти третиот голман на тимот, Александре Летелие. Кога дебитираше во дресот на првиот тим на Барселона во 2004 година, тој го имаше токму тој број на грбот, и на тој начин одлучи да го означи својот нов почеток во дресот на парискиот клуб. По 30, и пред 10 во Барселона, тој го носеше бројот 19, а многу медиуми претпоставуваа дека ќе го избере тој број во ПСЖ поради тоа. „Со нетрпение очекувам ново поглавје од мојата кариера во Париз. Овој клуб и неговата визија се совршени за моите амбиции. Решен сум да направам нешто големо за клубот и навивачите. Едвај чекам да излезам на терен на Паркот на принцовите“, рече Меси. Откако официјално потпиша договор со ПСЖ, Меси сепак може да почека некое време за своето деби во дресот на францускиот клуб. Аргентинскиот ас не тренираше со Барселона по враќањето од Копа Америка, а допрва треба да ги започне подготовките за новата сезона, што значи дека најверојатно нема да брза со своето деби во ПСЖ. Француското првенство веќе започна минатиот викенд, а „парижаните“ во сабота го играат натпреварот од 2. коло против Стразбур, па тешко е да се очекува дека Меси ќе биде во составот за натпреварот што се игра на Паркот на принцовите. Сепак, најавено е дека тој ќе биде на трибините, од каде ќе го гледа настапот на својот нов клуб. Следниот викенд ПСЖ ќе игра против Брест, но и тогаш е тешко да се очекува настап на Меси. Le Parisien тврди дека Меси би можел да дебитира дури на 29 август на гостувањето кај Реимис, и доколку е прерано за негово враќање на терените, првиот натпревар на Меси може да биде пред домашните фанови по паузата на репрезентацијата и тоа на септември 12 против новиот прволигаш, Клермон. Во исто време, TyC Sports известува дека Меси вклучил клаузула во договорот со ПСЖ, која гарантира дека аргентинската репрезентација ќе биде негов приоритет кога станува збор за одигрување официјални и пријателски натпревари и дека клубот нема да го спречи во тоа. Исто така, беше договорено стручниот штаб на Аргентина да има пристап до спортските објекти на ПСЖ, се со цел Меси да биде што е можно поподготвен да го дочека Светското првенство 2022 година во Катар.

Во Прилеп и Крушево 30 лица обвинети за непочитување на полицискиот час

Тале Кристо — Thu, 04 Jun 2020 13:38:29 +0000

Припепското Основно јавно обвинителство до основните судови во Прилеп и во Крушево поднесе предлози за издавање казнени налози со кои се опфатени вкупно 30 лица кои го прекршиле полицискиот час. – Непочитувајќи ја Одлуката за забрана и посебен режим за движење на територијата на Република Македонија, обвинетите сториле кривично дело „непостапување според здравствените прописи за време на епидемија“ од член 206 став 1 од Кривичниот законик, соопштија од ОЈО. Од ОЈО посочија дека надлежен јавен обвинител му предложил на Судот за секој од обвинетите да определи парична казна од 100 дневни глоби со вредност на една дневна глоба од 20 евра во денарска противвредност.