УАПСЕН МАКЕДОНСКИ ДРЖАВЈАНИН: Во македонски камион откриени рекордни 300 килограми кокаин на пристаништето во Драч (ФОТО)

Тале Кристо — Fri, 18 Jun 2021 15:47:10 +0000

Околу 300 килограми кокаин денеска беа запленетина пристаништето во Драч во Албанија. Кокаинот бил сокриен во камион со македонски ознаки, кој што требало да замине за Италија. Како што може да се види и од самата фотографија објавена од страна на полиција, кокаинот бил спакуван во пакети и под логото на светски познатите брендови „Чикаго Булс“, „Кензо“, „Диор“, како и под логото на францускиот фудбалски гигант ПСЖ. Како што информираат од албанската полиција, со камиотнот управувал македонскиот државјанин Н.А (40) и истиот веднаш е уапсен од страна на полицијата. Сега истрагата треба да открие, дали дрогата била натоварена во Македонија и ја поминала границата и истата не била откриена, кој стои зад тоа и која била финалната дестинација.

ВИДЕО: СО ГОДИНИ БИЛ ЗАРОБЕН ВО СВОЈОТ ДОМ ПОРАДИ НЕГОВИТЕ КИЛОГРАМИ – морале да уриваат ѕид за да го изнесат надвор

Магдалена Андонова — Sat, 05 Dec 2020 19:16:25 +0000

Французинот Алан Панабијер со години бил заробен во својата куќа во Перпињањ заради својата килажа од дури 300 килограми, а кога конечно морал да оди на операција, настанал вистински проблем затоа што медицинарите не знаеле како да го транспортираат до болница. Така започнала евакуација во која учествувале дури 50 луѓе и градежна дигалка, а урнат е и дел од ѕид во зградата во која пациентот живее. Панабијер не може да оди по скали, а не може ни да помине низ врата, па морал да биде ангажиран цел тим полицајци, пожарникари и медицинари. Лекарите заклучиле дека, заради отежнатото дишење, животот му е загрозен. Со оглед на тоа дека во тој дел од Перпињањ зградите се многу блиску една до друга, крано бил поставен во соседната улица. Под прозорецот на Алан бил спуштен контејнер чија стабилност ја обезбедувало посебно возило. Контејнерот, потоа е подигнат до висина на прозорецот. Претходно морал да биде урнат дел од фасадата, за во него да биде ставен пациентот. Докторите чекале подготвени. Деликатната евакуација се завршила успешно. Панабијер ќе биде опериран во Универзитетската болница Монпеље, а потоа ќе биде префрлен во центар за рехабилитација каде би требало да помине неколку недели.

300 килограми – Kurir.mk

УАПСЕН МАКЕДОНСКИ ДРЖАВЈАНИН: Во македонски камион откриени рекордни 300 килограми кокаин на пристаништето во Драч (ФОТО)

ВИДЕО: СО ГОДИНИ БИЛ ЗАРОБЕН ВО СВОЈОТ ДОМ ПОРАДИ НЕГОВИТЕ КИЛОГРАМИ – морале да уриваат ѕид за да го изнесат надвор