33 милиони евра – Kurir.mk

Добила 33 милиони евра и сосема случајно дознала после неколку недели

Тале Кристо — Thu, 29 Jul 2021 07:14:09 +0000

Жена го погодила џекпотот на „Баварската лотарија“, во Германија, но дознала за добивката дури неколку недели подоцна. И тоа – сосем случајно. Добивката вреди 33 милиони евра. Единствената добитничка, чие име не се споменува, купила лоз за 1,20 евра со претходно пополнети броеви. Но, го заборавила добитното ливче во својата чанта, како што пренесува „Скајњуз“. Бројките биле извлечени на 9 јуни, според „Лото Баерн“. Среќната жена потоа споделила дека билетот го пронашла сосема случајно и кога дознала дека ги погодила седумте броеви, почувствувала вртоглавица. – Парите се повеќе од доволно за мене, мојот сопруг и ќерка ми да се чувствуваат добро и да не се грижат за ништо повеќе, рече таа. Сега среќничката ветува дека никогаш повеќе нема да купи лото-ливче, ќе води мирен живот и ќе се обиде да направи повеќе за природата.

Мицкоски: „Господа“ од СДСМ, не сте ме победиле или поразиле мене, 33 милиони евра им одзедовте на оние на кои во моментов им се најпотребни!

Тале Кристо — Tue, 29 Dec 2020 13:44:14 +0000

„Господа“ од СДСМ, не сте ме победиле или поразиле мене, не сте земале лично мои пари, туку од оние на кои во моментов им се најпотребни! На Македонските граѓани, реагира лидерот на ВМРО-ДПМНЕ Христијан Мицкоски откако претходно се пофалија дека на Мицкоски не му успеала ниту една блокада. Во продолжение ви ја пренесуваме целата реакција на лидерот на ВМРО-ДПМНЕ: Жалосно е и јадно како владеачката структура се фали со заложништвото на 33 милиони евра на граѓаните (даночните обврзници), и тоа во момените кога сме погодени од најголемата криза. „Господа“ од СДСМ, не сте ме победиле или поразиле мене, не сте земале лично мои пари, туку од оние на кои во моментов им се најпотребни! На Македонските граѓани. Се фалите со одземањето од сиромашните. Заради вас и расфрлањето кон богаташите блиски на Власта, денес има 500 000 македонски граѓани кои живеат на работ на сиромаштијата. И уште отворено се исмевате со оние кои пробуваат ова да го спречат! Како што еден од вас веќе рече: „Срамота е луѓе!“ И треба да ви биде, пишува Мицкоски во својата објава на својата Фејсбук страница.

Анкетата на Телма вредна 33 милиони евра го покажува стравот на Заев од Мицкоски

Тале Кристо — Tue, 29 Dec 2020 10:40:42 +0000

Новогодишниот подарок од власта до Макпетрол вреден 33 милиони ги даде првите резултати во вид на нарачана анкета. На неа се разбира дека води Зоран Заев и СДСМ, пишува порталот Република. Резултатите не би можеле да бидат поинакви ако се знае упорноста на власта да го истера законот со кој државата и подари пари на приватна компанија која сосема „случајно“ поседува телевизија која не може да се нарече ни провладина туку чисто владина. За што всушност се работи 33 милиони вредната анкета на Телма го открива стравот на Зоран Заев од лидерот на ВМРО-ДПМНЕ Христијан Мицкоски кој е најголема закана за власта. Доколку не е така, на Заев совршено би му одговарало Мицкоски да има низок рејтинг. Но, и Заев знае дека поддшката за Мицкоски кај народот е голема па затоа мора да нарачува анекети на кои ќе се прикажува дека неговиот рејтинг расте а на лидерот на опозицијата опаѓа. Но, дури и во една нарачана анекета Телма не може да скрие дека СДСМ нема доверба кај гласачите па рејтингот во однос на ВМРО-ДПМНЕ бил поголем за само 0.5 проценти. Најпровидниот обид на Телма да го дискредитира Мицкоски се гледа во споредбата на неговиот рејтинг со тој на Заев. Според Телма, Заев имал за 11 проценти поголем рејтинг од Мицкоски иако и самите знаат дека поддршката за Заев никогаш не била помала, посебно после она скандалозно интервју за БГНЕС и тргувањето со македонскиот идентитет и јазик. Извор: Република.мк